ബെഞ്ച്മാർക്ക് സൂചികകൾ ഇന്ന് നേട്ടത്തിലാണ് വ്യാപാരം ആരംഭിച്ചത്. ബാങ്കിംഗ്, മെറ്റൽ ഓഹരികളിലെ നേട്ടത്തെ തുടർന്ന് നിഫ്റ്റി 12000ന് മുകളിലേയ്ക്ക് ഉയർന്നു. 09:32ന് സെൻസെക്സ് 371.23 പോയിൻറ് അഥവാ 0.92 ശതമാനം ഉയർന്ന് 40915.60 ൽ എത്തി, നിഫ്റ്റി 104.20 പോയിൻറ് അഥവാ 0.88 ശതമാനം ഉയർന്ന് 12001 ൽ എത്തി. ഏകദേശം 1126 ഓഹരികൾ മുന്നേറി, 401 ഓഹരികൾ ഇടിവ് രേഖപ്പെടുത്തി, 63 ഓഹരികൾ മാറ്റമില്ലാതെ തുടർന്നു.
ഇന്ത്യൻ സൂചികകൾ ഇന്ന് ശക്തമായ നേട്ടത്തിൽ വ്യാപാരം ആരംഭിച്ചു
ഇൻഡസിൻഡ് ബാങ്ക്, എച്ച്ഡിഎഫ്സി. ആക്സിസ് ബാങ്ക്, എം ആൻഡ് എം, എസ്ബിഐ, ഐസിഐസിഐ ബാങ്ക് എന്നിവയാണ് ഓഹരി സെൻസെക്സിൽ ഇന്ന് നേട്ടം കൈവരിക്കുന്ന ഓഹരികൾ. ഹിന്ദുസ്ഥാൻ യുണീലിവർ, എച്ച്സിഎൽ ടെക്, ഭാരതി എയർടെൽ, നെസ്ലെ എന്നിവയാണ് നഷ്ടം രേഖപ്പെടുത്തുന്നത്. ഇന്ന് ഇന്ത്യൻ വിപണിയിൽ സ്വർണ വില ഉയർന്നു. ഇന്ത്യൻ രൂപ ഇന്ന് 73.46 എന്ന നിലയിലെത്തി.
ബാങ്ക്, ഓട്ടോ, ഫിൻ സർവ്വീസസ്, ഐടി, മീഡിയ തുടങ്ങിയ ഓഹരികൾ ഇന്ന് നേട്ടത്തിലാണ്. എന്നാൽ എഫ്എംസിജി സൂചിക നഷ്ടം രേഖപ്പെടുത്തി.
നിഫ്റ്റി 11,000 ന് താഴെ, സെൻസെക്സിൽ 497 പോയിൻറ് ഇടിവ്; വോഡഫോൺ ഐഡിയയ്ക്ക് കനത്ത നഷ്ടം