2021ൽ അതിവേഗം വളരുന്ന ഏഷ്യൻ സമ്പദ്വ്യവസ്ഥയായി ഇന്ത്യ മാറുമെന്ന് നോമുറ. ഇന്ത്യൻ സമ്പദ്വ്യവസ്ഥയുടെ മൊത്ത ആഭ്യന്തര ഉത്പാദനമായ (ജിഡിപി) 2021ൽ 9.9 ശതമാനമായി വളരുമെന്നും ചൈനയുടെ ജിഡിപി 2021ൽ 9 ശതമാനവും സിംഗപ്പൂരിന്റെ വളർച്ച 7.5 ശതമാനവുമായിരിക്കുമെന്ന് വിദേശ ഗവേഷണ-ബ്രോക്കറേജ് സ്ഥാപനമായ നോമുറ വ്യക്തമാക്കി.
മൂഡീസ് ഇന്ത്യയുടെ ജിഡിപി വളർച്ചാ നിരക്ക് വീണ്ടും പരിഷ്കരിച്ചു, സാമ്പത്തിക വീണ്ടെടുക്കൽ സൂചനകൾ
രാജ്യം വീണ്ടെടുക്കലിന്റെ പാതയിലാണെന്നും നോമുറ പറഞ്ഞു. രണ്ടാം പാദത്തിൽ ഇന്ത്യയുടെ സമ്പദ്വ്യവസ്ഥ പ്രതീക്ഷിച്ചതിലും തീവ്രമായ തിരിച്ചുവരവ് നടത്തിയത് മിക്ക വിശകലന വിദഗ്ധരെയും അത്ഭുതപ്പെടുത്തി. ഉദാഹരണത്തിന്, ഫിച്ച് റേറ്റിംഗ്സ് ജിഡിപി നടപ്പ് സാമ്പത്തിക വർഷത്തിൽ 9.4 ശതമാനമായിരിക്കുമെന്നാണ് പ്രതീക്ഷിക്കുന്നത്.
2021 ൽ അതിവേഗം വളരുമെന്ന പ്രവചനം അതിന്റേതായ വെല്ലുവിളികളും ഉയർത്താൻ സാധ്യതയുണ്ട്. അനൗപചാരിക മേഖലയിലെ വീണ്ടെടുക്കലിന്റെ വേഗത കുറയുന്നത് ആളോഹരി വരുമാനം കുറയ്ക്കുന്നതിനും ഉയർന്ന അസമത്വം, ഗവൺമെന്റിന്റെ കൂടുതൽ ജനകീയ ചെലവുകൾക്കുള്ള സമ്മർദ്ദം, സാമൂഹിക പിരിമുറുക്കങ്ങൾ എന്നിവയ്ക്ക് കാരണമാകുമെന്നും സൂചിപ്പിക്കുന്നു.
നവംബറില് നേട്ടം കൊയ്ത് മാരുതി സുസുക്കി, കാര് നിര്മാണത്തില് വന് വര്ധന, ഒന്നരലക്ഷം കടന്നു
ആഗോള വളർച്ച 2020ലെ 3.7 ശതമാനത്തിൽ നിന്ന് 2021 ൽ 5.6 ശതമാനമായി ഉയരുമെന്നും നോമുറ പ്രതീക്ഷിക്കുന്നു.