ലക്ഷ്യം നേട്ടമാണോ, ഈ 3 ഓഹരികൾ വാങ്ങിയാൽ ലാഭം 31 ശതമാനം, കുതിപ്പിന്‍റെ കാരണം നിരത്തി നുവാമ

ഓഹരി വിപണി ചാഞ്ചാട്ടം തുടരുകയാണ്. അതുകൊണ്ടു തന്നെ നിക്ഷേപകർ ജാഗ്രത പുലർത്തേണ്ടത് അത്യാവശ്യമാണ്. ബ്രോക്കറേജ് സ്ഥാപനമായ നുവാമ 3 ഓഹരികൾ വാങ്ങാൻ ശുപാർശ ചെയ്യുന്നുണ്ട്. ദീർഘകാല വെല്ലുവിളികൾക്കിടയിലും ഓഹരികൾ വളർച്ചാ സാധ്യതയെ സൂചിപ്പിക്കുന്നു എന്ന് ബ്രോക്കറേജ് ചൂണ്ടിക്കാട്ടി. ഏതൊക്കെയാണ് ആ ഓഹരികളെന്ന് നമുക്ക് വിശദമായി പരിശോധിക്കാം.

1. ടൈറ്റൻ കമ്പനി ലിമിറ്റഡ്

നിക്ഷേപകർക്ക് പ്രത്യേകം പരിചയപ്പെടുത്തേണ്ട ആവശ്യമില്ലാത്ത ടാറ്റ ഗ്രൂപ്പ് ഓഹരി. അഞ്ച് വർഷത്തിനിടെ 200 ശതമാനത്തിന് മുകളിൽ ലാഭം നിക്ഷേപകർക്ക് നൽകാൻ ടൈറ്റൻ ഓഹരിക്ക് സാധിച്ചിട്ടുണ്ട്. 2026 സാമ്പത്തിക വർഷത്തെ ആദ്യ പാദത്തിൽ, ആഭരണ വ്യവസായത്തിലെ പ്രമുഖ കമ്പനി പ്രധാന ആഭരണ ബിസിനസിൽ 16.6% വാർഷിക വളർച്ച രേഖപ്പെടുത്തി. ആഭരണങ്ങൾക്ക് പുറമെ, വാച്ചുകളും വെയറബിളുകളുടേയും വിഭാഗം 23.8% വളർച്ച രേഖപ്പെടുത്തി. ടൈറ്റൻ വേൾഡ് ഈ പാദത്തിൽ നാല് പുതിയ സ്റ്റോറുകൾ കൂട്ടിച്ചേർത്തു. എമേർജിംഗ് വിഭാഗങ്ങൾ 35% വളർച്ച കൈവരിച്ചു, മെച്ചപ്പെട്ട പ്രവർത്തന കാര്യക്ഷമതയ്‌ക്കൊപ്പം കഴിഞ്ഞ വർഷം 260 മില്യൺ രൂപയായിരുന്ന സെഗ്‌മെന്റ് നഷ്ടം ഈ വർഷം 140 മില്യൺ രൂപയായി കുറച്ചു.

ടാർഗെറ്റ് വില

3,445 രൂപയാണ് നിലവിൽ ടൈറ്റൻ കമ്പനി ഓഹരിയുടെ വില. 4479 രൂപയുടെ ടാർഗെറ്റ് വിലയോടെ ഓഹരി വാങ്ങാമെന്നാണ് നുവാമ ശുപാർശ ചെയ്യുന്നത്. നിലവിലെ ഓഹരി വിലയുമായി താരതമ്യപ്പെടുത്തുമ്പോൾ ഇത് 32 ശതമാനം വളർച്ചയെ സൂചിപ്പിക്കുന്നു.

2. ഗോദ്‌റെജ് കൺസ്യൂമർ

ഒന്നാം പാദത്തിൽ കമ്പനിയുടെ വരുമാനം 2026 സാമ്പത്തിക വർഷത്തിലെ ആദ്യ പാദവുമായി താരതമ്യം ചെയ്യുമ്പോൾ 10% വളർച്ച കൈവരിച്ചു. എട്ട് പാദങ്ങളിലെ ഏറ്റവും മികച്ച കണക്കാണിത്. എന്നിരുന്നാലും, ഇന്ത്യയിലെ സോപ്പ് ബിസിനസിലെ തിരിച്ചടി, ഇന്തോനേഷ്യയിലെ കടുത്ത മത്സരം എന്നിവ കാരണം ഇബിഐഡിടിഎ 4.4 ശതമാനം കുറഞ്ഞു എന്നും ബ്രോക്കറേജ് റിപ്പോർട്ടിലുണ്ട്.

ടാർഗെറ്റ് വില

എൻഎസ്ഇയിൽ 1,181.40 രൂപ എന്ന നിലയിലാണ് ഗോദ്‌റെജ് കൺസ്യൂമർ ഓഹരിയുടെ വ്യാപാരം പുരോഗമിക്കുന്നത്. ആറ് മാസത്തിനിടെ 11 ശതമാനം നേട്ടമുണ്ടാക്കാൻ ഓഹരിക്ക് സാധിച്ചു. 1450 രൂപ ടാർഗെറ്റ് വിലയോടെ ഓഹരി വാങ്ങാമെന്നാണ് ബ്രോക്കറേജ് ശുപാർശ ചെയ്യുന്നതത്. നിലവിലെ ഓഹരി വിലയുമായി താരതമ്യപ്പെടുത്തുമ്പോൾ ഏകദേശം 20 ശതമാനം നേട്ടം ഇത് സൂചിപ്പിക്കുന്നു.

3. ബിഎസ്ഇ ലിമിറ്റഡ്

2026 സാമ്പത്തിക വർഷത്തിലെ ആദ്യ പാദത്തിൽ ബിഎസ്ഇ ലിമിറ്റഡ് 6.26 ബില്യൺ രൂപയുടെ ഇബിഐടിഡിഎ രേഖപ്പെടുത്തി. ഇത് മുൻ പാദവുമായി താരതമ്യം ചെയ്യുമ്പോൾ 29.3% വർധനവാണ്. എക്സ്ചേഞ്ചിന്‍റെ ആദ്യ പാദത്തിലെ പ്രകടനത്തിന് കാരണമായത് അതിന്‍റെ വളരുന്ന സൂചിക ഓപ്ഷനുകൾ വിഭാഗമാണ്. അവിടെ ശരാശരി പ്രതിദിന പ്രീമിയം വിറ്റുവരവ് മൂല്യം (ADPTV) വിപണി വിഹിതം മുൻ പാദത്തേക്കാൾ 241 ബേസിസ് പോയിന്റുകൾ ഉയർന്ന് 23.8% ആയി ഉയർന്നു.

ടാർഗെറ്റ് വില

ബിഎസ്ഇയിലെ നുവാമയുടെ ലക്ഷ്യ വില നേരത്തെ 2,770 രൂപയിൽ നിന്ന് 2,820 രൂപയായി ഉയർത്തി. നിലവിലെ 2,394 രൂപയുമായി താരതമ്യപ്പെടുത്തുമ്പോ8 ഏകദേശം 16 ശതമാനം വളർച്ച.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.