ടാർഗെറ്റ് വില ഉയർത്തി ബ്രോക്കറേജ്, നേട്ടം 19 മുതൽ 26 ശതമാനം വരെ, ഈ രണ്ട് ഓഹരി വാങ്ങാം

ആഭ്യന്തര സൂചികകൾ ഇന്ന് വ്യാപാരം ആരംഭിച്ചത് പുതിയ റെക്കോഡിൽ. സെൻസെക്‌സ് 381.78 പോയിൻ്റ് ഉയർന്ന് 75,124.28 എന്ന എക്കാലത്തെയും ഉയർന്ന നിലയിലെത്തി. നിഫ്റ്റി 99 പോയിൻ്റ് ഉയർന്ന് 22,765.30 എന്ന റെക്കോർഡ് ഉയരവും താണ്ടി. ഓഹരി സൂചിക പുതിയ ഉയരങ്ങൾ താണ്ടിയതോടെ പല ഓഹരികളും നേട്ടത്തിലേക്ക് കുതിക്കുകയാണ്. ഇന്ന് ഏകദേശം 1622 ഓഹരികളാണ് നേട്ടത്തിലേക്ക് ഉയർന്നത്.

നുവാമ വെൽത്ത് മാനേജ്‌മെൻ്റ് ഓഹരി വില 6 ശതമാനത്തിലധികം ഉയർന്നു. 360 വൺ വാം ഓഹരി 3 ശതമാനമാണ് ആദ്യ സെഷനിൽ തന്നെ കുതിച്ചത്. വിദേശ ബ്രോക്കറേജ് സ്ഥാപനമായ ജെഫറീസ്, നുവാമ വെൽത്ത് മാനേജ്‌മെൻ്റിനും 360 വൺ വാം ഓഹരിക്കും ബൈ കോൾ നൽകി. അതോടെയാണ് രണ്ട് ഓഹരികളും ഉയർന്നത്.

നുവാമ വെൽത്ത് മാനേജ്‌മെൻ്റ്

6,000 രൂപ ടാർഗെറ്റ് വില നിശ്ചയിച്ച് നുവാമ വെൽത്ത് മാനേജ്‌മെൻ്റ് ഓഹരി വാങ്ങാമെന്നാണ് ജെഫറീസ് ശുപാർശ. ഇന്നലെത്തെ ക്ലോസിംഗ് വിലയുമായി താരതമ്യപ്പെടുത്തുമ്പോൾ 19 ശതമാനത്തിന്‍റെ വർധനവാണിത്.

കമ്പനിയുടെ മാനേജ്‌മെൻ്റ് വെൽത്ത് ഫ്രാഞ്ചൈസി ബിൽഡ്-ഔട്ടിൽ നിക്ഷേപം നടത്തുന്നു, എഫ്‌വൈ24-27ഇയിൽ എയുഎം, പിബിടി സിഎജിആർ എന്നിവ യഥാക്രമം 22%, 20% എന്നിങ്ങനെയാണ് ജെഫറീസ് പ്രതീക്ഷിക്കുന്നത്. ഇടത്തരം കാലയളവിൽ സ്റ്റോക്കിൻ്റെ റീ-റേറ്റിംഗ് വർദ്ധിപ്പിക്കാൻ ബിസിനസ് മിക്‌സിലെ സ്ഥിരമായ പുരോഗതി പ്രതീക്ഷിക്കുന്നു എന്നും ബ്രോക്കറേജ് സ്ഥാപനം വിലയിരുത്തി.

നിലവിലെ ഓഹരി വില

5342 രൂപയാണ് നുവാമ വെൽത്ത് മാനേജ്‌മെൻ്റ് ഓഹരിയുടെ നിലവിലെ വില. കഴിഞ്ഞ ഒരു മാസത്തിനിടെ 34.39 ശതമാനം നേട്ടമാണ് കമ്പനി ഓഹരി വിപണിയിൽ നിന്നും നേടിയത്. ആറ് മാസത്തിനിടെ 138 ശതമാനം നേട്ടമുണ്ടാക്കാനും ഓഹരിക്ക് സാധിച്ചു.

ഒരു വർഷത്തിനിടെ 104 ശതമാനം ലാഭം കമ്പനി നിക്ഷേപകർക്ക് നൽകി. 5,377.5 രൂപയാണ് 52 ആഴ്ചയിലെ ഏറ്റവും ഉർന്ന വില. അതേസമയം 2,111 രൂപയാണ് ഏറ്റവും താഴ്ന്ന ഓഹരി വില.

360 വൺ വാം

2008-ൽ സ്ഥാപിതമായ കമ്പനി ഏറ്റവും വലിയ സ്വകാര്യ വെൽത്ത് മാനേജ്‌മെൻ്റ് സ്ഥാപനങ്ങളിലൊന്നാണ്. കമ്പനി വിവിധ വിഭാഗത്തിലുള്ള നിക്ഷേപകരുടെ ഫണ്ടുകളും ആസ്തികളും സമാഹരിച്ച് സാമ്പത്തിക ഉൽപ്പന്നങ്ങളുടെ വിതരണം, ഉപദേശം, പോർട്ട്‌ഫോളിയോ മാനേജ്‌മെൻ്റ് സേവനങ്ങൾ എന്നിവയുമായി ബന്ധപ്പെട്ട സേവനങ്ങൾ നൽകുകയും ചെയ്യുന്നു.

25 ശതമാനം വാർഷിക വളർച്ചാ നിരക്ക് 360 വൺ വാം നേടുമെന്നാണ് ബ്രോക്കറേജ് സ്ഥാപനം വിലയിരുത്തുന്നത്. അതുകൊണ്ടു തന്നെ 900 രൂപ ടാർഗെറ്റ് നിശ്ചയിച്ച് കമ്പനിയുടെ ഓഹരി വാങ്ങാം. മുൻ ക്ലോസിംഗ് വിലയുമായി താരതമ്യം ചെയ്യുമ്പോൾ 26 ശതമാനത്തിന്‍റെ വർധനവാണിത്.

നിലവിലെ ഓഹരി വില

719.95 രൂപയാണ നിലവിലെ ഓഹരി വില. കഴിഞ്ഞ 6 മാസത്തിനിടെ 40 ശതമാനം മുന്നേറ്റം നേടാൻ കമ്പനിക്ക് സാധിച്ചിട്ടുണ്ട്. ഒരു വർഷത്തിനിടെ 67 ശതമാനം നേട്ടവും കമ്പനി ഓഹരി നേടി. 788.95 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 395.80 രൂപയാണ് ഏറ്റവും താഴ്ന്ന ഓഹരി വില.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.