ഈ വര്ഷാവസാനത്തോടെ രണ്ടാമതും കൊറോണ വൈറസ് പൊട്ടിപ്പുറപ്പെട്ടാല്, ഇന്ത്യയുടെ സമ്പദ്വ്യവസ്ഥ 2021 സാമ്പത്തിക വര്ഷത്തില് 7.3 ശതമാനം വരെ ചുരുങ്ങുമെന്ന് ഓര്ഗനൈസേഷന് ഫോര് ഇക്കണോമിക് കോ-ഓപ്പറേഷന് ആന്ഡ് ഡെവലപ്പ്മെന്റ് (ഒഇസിഡി) അറിയിച്ചു. അല്ലാത്തപക്ഷം, സമ്പദ്വ്യവസ്ഥ 3.7 ശതമാനമായി ചുരുങ്ങുമെന്നും ഇന്ര്ഗവണ്മെന്റല് ഇക്കണോമിക് ഓര്ഗനൈസേഷന് തങ്ങളുടെ പുതിയ ഇക്കണോമിക് ഔട്ട്ലുക്കില് പറഞ്ഞു.
ഇന്ത്യയുടെ ജിഡിപി 5.1 ശതമാനമായി ഉയരുമെന്ന് ഒഇസിഡി മാര്ച്ചില് പ്രവചിച്ചിരുന്നു. നികുതി വരുമാനം കുറയുന്നതായി സൂചിപ്പിക്കുന്ന സര്ക്കാരിന്റെ ധനക്കമ്മി, നടപ്പ് സാമ്പത്തിക വര്ഷത്തില് 8.2 ശതമാനത്തിനും 8.9 ശതമാനത്തിനും ഇടയിലായിരിക്കുമെന്നും റിപ്പോര്ട്ടില് പറയുന്നു. 'ഇപ്പോഴുള്ള ഇരട്ട പ്രഹരം ലഭിച്ച സാഹചര്യത്തില്, വീണ്ടും വൈറസ് പൊട്ടിപ്പുറപ്പെട്ടേക്കാമെന്നതിനാല് ശരത്കാലത്തില് ഒരു പൊതു അടച്ചുപൂട്ടല് ആവശ്യമാണ്.
കേരളത്തിൽ ഇന്ന് സ്വർണത്തിന് ചരിത്ര വില; മഞ്ഞ ലോഹത്തിന്റെ എക്കാലത്തെയും ഉയർന്ന വില
ആഭ്യന്തര കുടിയേറ്റത്തിനായുള്ള പുതിയ നിയന്ത്രണങ്ങളും വിതരണ ശൃംഖലയിലെ തടസ്സങ്ങളും പ്രവര്ത്തനങ്ങളിലും വരുമാനത്തിലും കടുത്ത പ്രത്യാഘാതങ്ങള് ഉണ്ടാക്കും. അതേസമയം, ബാഹ്യ ആവശ്യങ്ങള് വീണ്ടും തടസ്സപ്പെടും. ഈ സാഹചര്യത്തില്, 2020-21 സാമ്പത്തിക വര്ഷത്തില് ജിഡിപി 7.3 ശതമാനം കുറയുമെന്ന് പ്രവചിക്കപ്പെടുന്നു. ഒരൊറ്റ പ്രഹരം മാത്രമാണെങ്കില് ഇത് 3.7 ശതമാനമായിരിക്കും,' ഇക്കണോമിക് ഔട്ട്ലുക്കില് ഒിസിഡി വ്യക്തമാക്കി. കൊറോണ വൈറസ് പ്രതിസന്ധിയില് നിന്ന് ഇന്ത്യന് സമ്പദ്വ്യവസ്ഥ കരകയറാന് സാധ്യതയുണ്ടെങ്കിലും, രാജ്യം ചില പ്രത്യാഘാതങ്ങള് അഭിമുഖീകരിക്കേണ്ടി വരുമെന്നും റിപ്പോര്ട്ടില് പറയുന്നു.
കേരളത്തിലെ ഇന്നത്തെ പെട്രോൾ, ഡീസൽ വില; തുടർച്ചായ അഞ്ചാം ദിവസവും വില ഉയർന്നു
മാറ്റിവെക്കപ്പെട്ട ഉപഭോഗത്തില് നിന്നും ഇന്വെന്ററി റീസ്റ്റോക്കിംഗില് നിന്നുമുള്ള ഡിമാന്ഡ് പ്രവര്ത്തനം വര്ദ്ധിപ്പിക്കും. എന്നിരുന്നാലും, പല സംരംഭങ്ങളിലും സ്ഥിരമായ വരുമാന നഷ്ടവും ജോലി നഷ്ടപ്പെട്ട അനൗരപചാരിക തൊഴിലാളികളും ആഭ്യന്തര ഡിമാന്ഡിനെ ബാധിക്കും. ജോലി ചെയ്യുന്ന കുടിയേറ്റക്കാരുടെ തിരിച്ചുവരവിനെക്കുറിച്ചുള്ള അനിശ്ചിതത്വം, ചെറുകിട സംരംഭങ്ങള്ക്ക് അവരുടെ പ്രവര്ത്തന മൂലധനത്തിന് ധനസഹായം നല്കാനുള്ള ബുദ്ധിമുട്ട്, ബിസിനസ് അടച്ചുപൂട്ടല് എന്നിവ വിതരണ ശൃംഖലയെ തടസ്സപ്പെടുത്തുമെന്നും അവര് കൂട്ടിച്ചേര്ത്തു. ഗ്ലോബല് ഔട്ട്ലുക്കില്, 2020 ആഗോള വളര്ച്ചയില് ഒഇസിഡി 6 ശതമാനം സങ്കോചം കണക്കാക്കുന്നു. എന്നിരുന്നാലും, അടുത്ത വര്ഷം 5.2 ശതമാനം ശക്തമായ തിരിച്ചുവരവ് കാണിക്കുന്നുണ്ട്.