Click it and Unblock the Notifications
ഒറ്റ ദിവസം കൊണ്ട് ഓഹരി വിലയില് 55 രൂപയുടെ ഇടിവ്. വെള്ളിയാഴ്ച്ച 8 ശതമാനം തകര്ച്ചയിലാണ് പേടിഎം ഓഹരി വ്യപാരം നിര്ത്തിയത്. നടപ്പുവാരം കുത്തനെ കയറിയതിന് ശേഷമുള്ള പേടിഎമ്മിന്റെ അപ്രതീക്ഷിത വീഴ്ച്ചയില് നിക്ഷേപകരും പകച്ചുനില്ക്കുകയാണ്.
പേടിഎമ്മിന് സംഭവിച്ചതെന്തന്നല്ലേ? ചൈനയിലെ ആലിബാബ ഗ്രൂപ്പ് പേടിഎം ഓഹരികള് ഒന്നടങ്കം വിറ്റൊഴിവാക്കിയെന്ന റിപ്പോര്ട്ടാണ് ഡിജിറ്റല് ഇടപാടുകള് നടത്തുന്ന കമ്പനിയായ പേടിഎമ്മിന്റെ പൊടുന്നനെയുള്ള ഇടര്ച്ചയ്ക്ക് കാരണം.
നേരത്തെ, ഗംഭീരമായ ഡിസംബര് പാദഫലം പേടിഎം ഓഹരികള്ക്ക് പുത്തനുണര്വ് സമ്മാനിച്ചിരുന്നു. മികച്ച സാമ്പത്തിക കണക്കുകള് ആധാരമാക്കി പോയവാരം 19 ശതമാനം ഉയര്ച്ച കമ്പനിയുടെ ഓഹരി വിലയില് കാണാം. തിങ്കളാഴ്ച്ച 546 രൂപയില് ഇടപാടുകള് ആരംഭിച്ച കമ്പനി വെള്ളിയാഴ്ച്ച തിരശ്ശീലയിടുമ്പോള് 650 രൂപയില് എത്തിനില്ക്കുന്നു.
ഡിസംബര് പാദഫലം അടിസ്ഥാനപ്പെടുത്തി വിദേശ ബ്രോക്കറേജുകള് പേടിഎമ്മിലെ ടാര്ഗറ്റ് വില പുതുക്കിയിട്ടുണ്ട്. ഗോള്ഡ്മാന് സാക്ക്സ് 1,150 രൂപയും മക്വാറി 800 രൂപയും സിറ്റി 1,061 രൂപയുമാണ് സ്റ്റോക്കില് ടാര്ഗറ്റ് വില നിര്ദേശിക്കുന്നത്. പ്രതീക്ഷിച്ചതിലും മികച്ച സാമ്പത്തിക കണക്കുകള് മുന്നിര്ത്തി പേടിഎം ഓഹരികള് വാങ്ങാന് വന്തിരക്കുണ്ട് വിപണിയില്. പോയവാരം 738 രൂപ വരെയ്ക്കും ഉയരാന് സ്റ്റോക്കിന് കഴിയുകയുണ്ടായി.
സ്റ്റോക്കിലെ വോളിയം വര്ധനവും പ്രത്യേകം പരാമര്ശിക്കണം. കഴിഞ്ഞയാഴ്ച്ച 159.6 മില്യണ് പേടിഎം ഓഹരികളാണ് കൈമാറ്റം ചെയ്യപ്പെട്ടത്. ഓഹരി വിപണിയില് ലിസ്റ്റ് ചെയ്യപ്പെട്ടതിന് ശേഷം ആദ്യമായാണ് ഇത്രയേറെ പ്രതിവാര വോളിയം കമ്പനി കാണുന്നതും. എന്തായാലും മുന്നോട്ട് കുതിക്കാനുള്ള ഒരുക്കത്തില് തന്നെയാണ് പേടിഎം.
ഇതിനിടെ വെള്ളിയാഴ്ച്ചത്തെ വീഴ്ച്ച നിക്ഷേപകര്ക്കിടയില് ഒരല്പ്പം ആശങ്ക പടര്ത്തുന്നുണ്ട്. സ്റ്റോക്ക് സമാഹരിക്കാന് പറ്റിയ സമയമാണോ ഇപ്പോഴത്തേത്? നിക്ഷേപകര് പുരികം ചുളിക്കുകയാണ്. വാസ്തവത്തില് നിക്ഷേപകര് ഒരല്പ്പം കൂടി കാത്തുനില്ക്കുന്നതാണ് ഉചിതം.
കഴിഞ്ഞയാഴ്ച്ചത്തെ റാലിക്ക് ശേഷം 38 ശതമാനം തിരുത്തല് പേടിഎം ഓഹരികളില് സംഭവിച്ചെങ്കിലും ഇനിയും വീഴാനുള്ള സാധ്യത വിദൂരമല്ല. നിര്ണായകമായ 60.8 ശതമാനം ഫിബൊനാച്ചി നിലവാരം കണക്കിലെടുക്കുമ്പോള് 605 രൂപ നിലവാരം ഭേദപ്പെട്ട എന്ട്രി പോയിന്റായി പരിഗണിക്കാം.
Image Source: Investing.com
പ്രതിദിന ചാര്ട്ടില് 585 രൂപയ്ക്ക് അരികെ ശക്തമായ പിന്തുണ പേടിഎം കയ്യടക്കുന്നുണ്ട്. അതായത്, വെള്ളിയാഴ്ച്ച കണ്ട തകര്ച്ചയുടെ തുടര്ച്ച പുതിയവാരവും പ്രതീക്ഷിക്കാം. എന്തായാലും അടുത്ത ഉയര്ച്ചയില് വീണ്ടും 740 രൂപ നിലവാരം കയ്യെത്തിപ്പിടിക്കാനായിരിക്കും ഓഹരി ശ്രമിക്കുക.
2023 ഫെബ്രുവരി 6 -ലെ ചാര്ട്ടില് ട്രെന്ഡ്ലൈന് ബ്രേക്കൗട്ട് സ്റ്റോക്ക് വരച്ചുകാട്ടുന്നുണ്ട്. ഇപ്പോഴത്തെ തിരുത്തല് കരിനിഴല് വീഴ്ത്തുന്നുണ്ടെങ്കിലും സ്റ്റോക്കിലെ സമ്പൂര്ണ ചിത്രം ഇപ്പോഴും ബുള്ളിഷ് തന്നെ.
അറിയിപ്പ്
മുകളില് കൊടുത്തിരിക്കുന്ന ലേഖനം പഠനാവശ്യത്തിന് നല്കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള് എടുക്കും മുന്പ് സാമ്പത്തിക വിദഗ്ധന്റെ നിര്ദേശം തേടാം.
ഓഹരി വിപണിയിലെ നിക്ഷേപം നഷ്ട സാധ്യതകള്ക്ക് വിധേയമാണ്. സ്വന്തം റിസ്കില് മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില് സംഭവിക്കുന്ന ലാഭനഷ്ടങ്ങള്ക്ക് ഗ്രേനിയം ഇന്ഫര്മേഷന് ടെക്നോളജീസും ലേഖകനും ഉത്തരവാദികളല്ല.
More From GoodReturns
ബെംഗളൂരുവില് എല്പിജി പ്രതിസന്ധി രൂക്ഷം; ബ്ലാക്ക് മാര്ക്കറ്റില് വില 5,000 രൂപ, ഹോട്ടലുകള് വില ഉയര്ത്തും
ബെംഗളൂരു: സ്ക്കൂളുകളില് ഹാജരെടുക്കാന് ഇനി എഐ, ബയോമെട്രിക്ക് സംവിധാനം മെയ് മുതല്
എല്പിജി പ്രതിസന്ധി: ഗാര്ഹിക ഉപഭോക്താക്കള് ഇ-കെവൈസി പൂര്ത്തിയാക്കണം: ഘട്ടങ്ങള് ഇതാ
എൽപിജി സിലിണ്ടർ വാട്ട്സ്ആപ്പ് വഴി ബുക്ക് ചെയ്യാം, വളരെ എളുപ്പത്തിൽ കാര്യം കഴിയും, എങ്ങനെ എന്ന് നോക്കാം
കൊച്ചി പഴയ കൊച്ചിയല്ല! റെനോ ഡെസ്റ്റര് തിരിച്ചെത്തുമ്പോള് എതിരാളികള് കൂടി, ഇനി മത്സരം കടുക്കും
ബെംഗളൂരു മലയാളികളുടെ ശ്രദ്ധയ്ക്ക്: പാചക വാതക ബുക്കിംഗില് കുതിച്ചുചാട്ടം, ഇക്കാര്യങ്ങള് അറിയണം
പ്രതിമാസം 2000 രൂപ നിക്ഷേപിക്കാനുണ്ടോ? 40,000 രൂപ പെൻഷനുള്ള വഴി പറഞ്ഞുതരാം...
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
കേന്ദ്രസര്ക്കാര് ഗ്യാരണ്ടിയുള്ള ചെറു സമ്പാദ്യ പദ്ധതികള്: ആകര്ഷകമായ പലിശ; നിക്ഷേപം പോസ്റ്റ് ഓഫീസ് വഴിയും
പിപിഎഫ് മുതൽ സുകന്യ സമൃദ്ധി വരെ; ചെറുകിട നിക്ഷേപ പദ്ധതികളെക്കുറിച്ച് അറിയേണ്ടതെല്ലാം
ബെംഗളൂരു: ഗ്യാസ് സിലിണ്ടര് കിട്ടാതെ ഉപഭോക്താക്കള്, ഏജന്സികള് വാണിജ്യസ്ഥാപനങ്ങള്ക്ക് മറിച്ചുവില്ക്കുന്നു?
Sign in with Google