വില 1 രൂപയിൽ താഴെ, ഈ പെന്നി ഓഹരി കുതിക്കുമെന്ന് വിദഗ്ധർ, കാരണം ഇതാണ്

ഓഹരി വിപണിയിൽ നിന്നും മികച്ച നേട്ടമുണ്ടാക്കണമെങ്കിൽ കൃത്യമായ വിശകലനം കൂടിയേ തീരു. വിപണിയുടെ വികാരത്തെ കൃത്യമായി മനസിലാക്കാൻ സാധിക്കണം. ഓഹരി വാങ്ങിയ കമ്പനിയുടെ ഓരോ ചലനങ്ങളും ശ്രദ്ധിക്കുകയും വേണം. കമ്പനി വലിയ പ്രഖ്യാപനങ്ങൾ നടത്തുമ്പോൾ കൂടുതൽ നിരീക്ഷിക്കുകയും ആവശ്യമെങ്കിൽ കൂടുതൽ ഓഹരി വാങ്ങുകയും ചെയ്യണം.

ഇനി പറയാൻ പോകുന്നത് ആഗോളതലത്തിൽ തങ്ങളുടെ സാന്നിധ്യം ശക്തിപ്പെടുത്താനുള്ള പദ്ധതികൾ വ്യക്തമാക്കിയ എൻ‌ബി‌എഫ്‌സി കമ്പനിയെക്കുറിച്ചാണ്. അതുമാത്രമല്ല, വില തീരെ കുറഞ്ഞ ഈ ഓഹരിയിൽ നിക്ഷേപം നടത്തുന്നതിലൂടെ പുതിയ നിക്ഷേപകർക്ക് വിപണിയുടെ ചാഞ്ചാട്ടത്തെക്കുറിച്ച് കൂടുതൽ മനസിലാക്കാനും സാധിക്കും.

സ്റ്റാൻഡേർഡ് ക്യാപിറ്റൽ മാർക്കറ്റ്സ് ലിമിറ്റഡ് (എസ്‌സി‌എം‌എൽ)

റിസർവ് ബാങ്കിൽ രജിസ്റ്റർ ചെയ്തിട്ടുള്ള ഒരു എൻ‌ബി‌എഫ്‌സിയാണ് സ്റ്റാൻഡേർഡ് ക്യാപിറ്റൽ മാർക്കറ്റ്സ് ലിമിറ്റഡ് (എസ്‌സി‌എം‌എൽ). ധനകാര്യ സേവന പോർട്ട്‌ഫോളിയോ വികസിപ്പിക്കുന്നതിനും ആഗോളതലത്തിൽ തങ്ങളുടെ സാന്നിധ്യം ശക്തിപ്പെടുത്തുന്നതിനുമുള്ള പദ്ധതി കഴിഞ്ഞ ദിവസം കമ്പനി പ്രഖ്യാപിച്ചിരുന്നു. ആർബിഐ ഉൾപ്പെടെയുള്ള റെഗുലേറ്ററി അതോറിറ്റികളിൽ നിന്നുള്ള ആവശ്യമായ അംഗീകാരങ്ങൾക്കും ക്ലിയറൻസുകൾക്കും വിധേയമാണ് കമ്പനിയുടെ പുതിയ പ്രവർത്തനങ്ങളും.

അനുകൂലമായ സാമ്പത്തിക നയങ്ങളോടെ വിദേശത്ത് പൂർണ്ണ ഉടമസ്ഥതയിലുള്ള ഓഫ്‌ഷോർ കമ്പനികൾ സ്ഥാപിക്കാനും പ്രവർത്തിപ്പിക്കാനുമാണ് എസ്‌സി‌എം‌എൽ ഉദ്ദേശിക്കുന്നത്. വായ്പ (സുരക്ഷിതവും അൺസെക്യുവേർഡ്), ട്രേഡ് ഫിനാൻസ്, മറ്റ് അനുബന്ധ സേവനങ്ങൾ തുടങ്ങിയ കമ്പനി നൽകും. അടുത്തിടെ ഇലക്ട്രിക് ബാറ്ററികൾക്കും ഇലക്ട്രിക് ഇരുചക്രവാഹനങ്ങൾക്കും ധനസഹായം നൽകുന്ന പദ്ധതിയും കമ്പനി അവതരിപ്പിച്ചിരുന്നു.

സാമ്പത്തിക കാര്യങ്ങൾ

കമ്പനി നിലവിൽ സാമ്പത്തിക പ്രതിസന്ധി അനുഭവിക്കുന്നുണ്ടെങ്കിലും ദീർഘകാല വളർച്ചാ അവസരങ്ങൾ കാത്തിരിക്കുന്നുണ്ടെന്നാണ് മാർക്കറ്റ് വിദഗ്ധരുടെ വിലയിരുത്തൽ. 2025 സാമ്പത്തിക വർഷത്തിന്‍റെ മൂന്നാം പാദത്തിൽ കമ്പനി അറ്റ വിൽപ്പനയിൽ 106 ശതമാനം വർദ്ധനവ് രേഖപ്പെടുത്തി. അതായത് 20.28 കോടി രൂപ. അതേസമയം കമ്പനിയുടെ അറ്റ നഷ്ടത്തിൽ വർദ്ധനവുണ്ടായിട്ടുണ്ട് എന്ന കാര്യം പ്രത്യേകം ശ്രദ്ധിക്കണം.

ഓഹരിയുടെ പ്രകടനം

ബിഎസ്ഇയിൽ 0.48 രൂപ എന്നതാണ് സ്റ്റാൻഡേർഡ് ക്യാപിറ്റൽ മാർക്കറ്റ്സ് ലിമിറ്റഡ് ഓഹരിയുടെ വില. കഴിഞ്ഞ ആറ് മാസത്തിനിടെ 50 ശതമാനവും ഒരു വർഷത്തിനിടെ 74 ശതമാനവും നഷ്ടം ഓഹരി നേരിട്ടിട്ടുണ്ട്. എന്നാൽ 3 വർഷത്തിനുള്ളിൽ 500 ശതമാനം വളർച്ചയാണ് ഓഹരി നേടിയത്. അഞ്ച് വർഷത്തെ പ്രവർത്തനം പരിശോധിച്ചാൽ 1100 ശതമാനം വളർച്ചയോടെ നിക്ഷേപകരുടെ ആത്മവിശ്വാസം നേടാൻ ഓഹരിക്ക് സാധിച്ചിട്ടുണ്ടെന്ന് മനസിലാക്കാം.

13 ശതമാനം ഓഹരി പ്രൊമോട്ടർമാരുടെ കയ്യിൽ

2024 ഡിസംബർ വരെ കമ്പനിയുടെ വിപണി മൂലധനം 83 രൂപയാണ് കോടിയാണ്. പൊതുജനങ്ങൾക്ക് 86.11 ശതമാനം ഓഹരികളുണ്ട്. 13.89 ശതമാനം ഓഹരിയാണ് പ്രൊമോട്ടർമാരുടെ കയ്യിലുള്ളത്. ഇത് ചില്ലറ വിൽപ്പനക്കാരിൽ നിന്നും സ്ഥാപന നിക്ഷേപകരിൽ നിന്നും ഓഹരിയിലുള്ള താൽപ്പര്യത്തിന്‍റെ സൂചനയാണ്.

വിപണിയിൽ ഇടിവ്

ആഗോളതലത്തിൽ പോസിറ്റീവ് സൂചനകൾ ഉണ്ടായിരുന്നിട്ടും, സെഗ്‌മെന്റുകളിലുടനീളമുള്ള കനത്ത വിൽപ്പനയെ തുടർന്ന്, ഏപ്രിൽ 25 വെള്ളിയാഴ്ച, ആഭ്യന്തര ഓഹരി സൂചികയായ സെൻസെക്‌സ് 1,000 പോയിന്റിലധികം ഇടിഞ്ഞു. മുൻ ക്ലോസിംഗ് 79,801 ൽ നിന്ന് 79,830 ൽ ആരംഭിച്ച സെൻസെക്സ്, 1,075 പോയിന്റ് അഥവാ 1.35 ശതമാനം ഇടിഞ്ഞ് 78,726 എന്ന താഴ്ന്ന നിലയിലെത്തി. എൻ‌എസ്‌ഇ കൗണ്ടർപാർട്ടായ നിഫ്റ്റി 50, മുൻ ക്ലോസിംഗ് 24,247 ൽ നിന്ന് 24,289 ൽ ആരംഭിച്ച് 368 പോയിന്റ് അഥവാ 1.5 ശതമാനം ഇടിഞ്ഞ് 23,879 എന്ന താഴ്ന്ന നിലയിലെത്തി.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.