Penny Stock: കുതിച്ചത് 0.20 രൂപയിൽ നിന്ന് 39.50 രൂപയിലേക്ക്, ഓഹരി ആയാൽ ഇങ്ങനെ വേണം, നിങ്ങളുടെ കയ്യിലുണ്ടോ..?

കഴിഞ്ഞ അഞ്ച് വർഷത്തിനിടെ 21,672 ശതമാനം വളർച്ച കൈവരിച്ച ഓഹരിയാണ് ഹസൂർ മൾട്ടി പ്രോജക്ട്സ് ലിമിറ്റഡ്. ബുധനാഴ്ച മാത്രം ഓഹരി 3.9 ശതമാനം നേട്ടമുണ്ടാക്കി. നിലവിൽ 39.50 രൂപയാണ് ഓഹരിയുടെ വില. ലാഭവിഹിതം പ്രഖ്യാപിച്ചതിന് പിന്നാലെയാണ് ഓഹരിയുടെ കുതിപ്പ്. 2025 സെപ്റ്റംബർ 22 തിങ്കളാഴ്ചയാണ് റെക്കോർഡ് തീയ്യതി. വരും ദിവസങ്ങളിലും ഓഹരി വില മുകളിലേക്ക് ഉയരുമെന്നാണ് വിലയിരുത്തൽ. നമുക്ക് ഓഹരിയുടെ കൂടുതൽ വിശദാംശങ്ങൾ പരിശോധിക്കാം.

ഹസൂർ മൾട്ടി പ്രോജക്ട്‌സ്

റിയൽ എസ്റ്റേറ്റ് രംഗത്തും റോഡ് നിർമാണ മേഖലയിലും പ്രവർത്തിക്കുന്ന മൈക്രോ ക്യാപ് കമ്പനിയാണ് ഹസൂ‌ർ മൾട്ടി പ്രോജക്ട്സ് ലിമിറ്റഡ്. 1992 ലാണ് കമ്പനി പ്രവർത്തനം ആരംഭിച്ചത്. മഹാരാഷ്ട്ര സ്റ്റേറ്റ് റോഡ് ഡെവലപ്‌മെന്റ് കോർപ്പറേഷൻ, നാഷണൽ ഹൈവേ അതോറിറ്റി ഓഫ് ഇന്ത്യ തുടങ്ങിയ സർക്കാർ ഏജൻസികൾക്കായി നാഷണൽ ഹൈവേ പദ്ധതികളിൽ സബ് കോൺട്രാക്ടറായി കമ്പനി പ്രധാനമായും പ്രവർത്തിക്കുന്നു.

ഓഹരി വില

ബിഎസ്ഇയിൽ 39.50 രൂപ എന്നതാണ് ഓഹരിയുടെ വില. കഴിഞ്ഞ കുറച്ചുനാളുകളായി ഓഹരി വിൽപ്പന സമ്മർദ്ദം നേരിടുന്നുണ്ട്. ഒരുമാസത്തിനിടെ 6.29 ശതമാനം നഷ്ടം ഓഹരി നേരിട്ടു. ഒരുവർഷത്തിനിടെ 33 ശതമാനമാണ് ഓഹരിക്ക് സംഭവിച്ച നഷ്ടം. അതേസമയം ഓഹരി വെറും 2 വർഷത്തിനുള്ളിൽ 215 ശതമാനവും 3 വർഷത്തിനുള്ളിൽ 505 ശതമാനവും മൾട്ടിബാഗർ റിട്ടേണുകൾ നൽകി. ഓഹരിയുടെ 52 ആഴ്ചയിലെ ഏറ്റവും ഉയർന്ന വില 61.20 രൂപയും 52 ആഴ്ചയിലെ ഏറ്റവും താഴ്ന്ന വില 32 രൂപയുമാണ്.

അന്തിമ ലാഭവിഹിതം

2024-25 സാമ്പത്തിക വർഷത്തേക്ക് ഹസൂർ മൾട്ടി പ്രോജക്ട്സ് ലിമിറ്റഡ് (HMPL) ഒരു ഇക്വിറ്റി ഷെയറിന് 0.20 രൂപ ( അല്ലെങ്കിൽ 1 രൂപ മുഖവിലയിൽ 20 ശതമാനം ) അന്തിമ ലാഭവിഹിതം അംഗീകരിക്കുകയും പ്രഖ്യാപിക്കുകയും ചെയ്തു. 2025 സെപ്റ്റംബർ 29 ന് നടന്ന വാർഷിക പൊതുയോഗത്തിലാണ് (എജിഎം) ഈ പ്രഖ്യാപനം നടത്തിയത്.

മികച്ച വളർച്ച

ഹസൂർ മൾട്ടി പ്രോജക്ട്‌സ് 2026 സാമ്പത്തിക വർഷത്തെ ആദ്യ പാദത്തിൽ ₹ 13.79 കോടി അറ്റാദായം രേഖപ്പെടുത്തി , ഇത് 2025 സാമ്പത്തിക വർഷത്തെ ആദ്യ പാദത്തിലെ ₹ 9.46 കോടിയിൽ നിന്ന് 45.77% വർധനവാണ് കാണിക്കുന്നത്. വാർഷികാടിസ്ഥാനത്തിൽ വരുമാനം 156.22% ഉയർന്ന് ₹ 180.12 കോടിയായി. അടിസ്ഥാന സൗകര്യങ്ങളിലും റിയൽ എസ്റ്റേറ്റ് ബിസിനസുകളിലും ലഭിച്ച ഓർഡർ ഒഴുക്കും കാര്യക്ഷമമായ നിർവ്വഹണവുമാണ് ഈ വളർച്ചയ്ക്ക് കാരണമായത്.

കൂടുതൽ ഓഹരി വാങ്ങി എഫ്‌ഐഐ

കമ്പനിയുടെ വിപണി മൂലധനം 800 കോടി രൂപയിലധികമാണ്. 2025 ജൂണിൽ എഫ്‌ഐഐകൾ 8,08,983 ഓഹരികൾ വാങ്ങി, 2025 മാർച്ചിനെ അപേക്ഷിച്ച് അവരുടെ ഓഹരി 21.90 ശതമാനമായി വർദ്ധിപ്പിച്ചു. കമ്പനിയുടെ ഓഹരികളുടെ പിഇ 22 മടങ്ങ് ആണ്, അതേസമയം സെക്ടറൽ പിഇ 40 മടങ്ങ് ആണ്.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.