ഇന്നും പെട്രോൾ, ഡീസൽ വിലയിൽ മാറ്റമില്ല; 53 ദിവസമായി ഒരേ വില

ദീപാവലി ആഘോഷവേളയിൽ പോലും രാജ്യത്ത് പെട്രോളിന്റെയും ഡീസലിന്റെയും ചില്ലറ വിൽപ്പന വിലയിൽ മാറ്റമില്ല. കഴിഞ്ഞ 41 ദിവസമായി ഒരേ വിലയ്ക്കാണ് പെട്രോളും ഡീസലും വിൽക്കുന്നത്. ദേശീയ തലസ്ഥാനത്ത് പെട്രോൾ വില ലിറ്ററിന് 81.06 രൂപയായി തുടരുന്നു. മുംബൈ, ചെന്നൈ, കൊൽക്കത്ത എന്നിവിടങ്ങളിൽ യഥാക്രമം 87.74, 84.14, 82.59 രൂപയ്ക്കാണ് ഇന്ധനം വിൽക്കുന്നത്.

ഡൽഹി, മുംബൈ, ചെന്നൈ, കൊൽക്കത്ത എന്നിവിടങ്ങളിൽ യഥാക്രമം 70.46 രൂപ, 76.86 രൂപ, 75.95 രൂപ, 73.99 രൂപ എന്നിങ്ങനെയാണ് ഡീസൽ വില. ഒരു മാറ്റവുമില്ലാതെ, പെട്രോൾ വില ഇപ്പോൾ 53 ദിവസമായി ഒരേ നിലയിൽ തുടരുകയാണ്, അതേസമയം ഡീസൽ വിലയിൽ 43 ദിവസമായി മാറ്റമില്ല.

ഇന്നും പെട്രോൾ, ഡീസൽ വിലയിൽ മാറ്റമില്ല; 53 ദിവസമായി ഒരേ വില

ഈ ആഴ്ച ആദ്യം എത്തിയ ബാരലിന് 45 ഡോളറിൽ നിന്ന് ആഗോള വില ബാരലിന് 42 ഡോളറായി കുറഞ്ഞു എന്നതാണ് ഉപയോക്താക്കൾക്ക് ഒരു സന്തോഷവാർത്ത. 15 ദിവസത്തെ ശരാശരി വില കണക്കാക്കിയാണ് രാജ്യത്ത് ദിവസംതോറും പെട്രോൾ, ഡീസൽ വിലകൾ പുതുക്കുന്നത്. ഭരണതലത്തിലുള്ള ഇടപെടലില്ലാതെ ഇത്രയും ദിവസം വില സ്ഥിരമായി നിലനിർത്താൻ കഴിയില്ലെന്നാണ് ഈരംഗത്തുള്ളവർ പറയുന്നത്.

ബിഹാർ നിയമസഭാ തിരഞ്ഞെടുപ്പും വിവിധ സംസ്ഥാനങ്ങളിലെ ഉപതിരഞ്ഞെടുപ്പുകളും വില സ്ഥിരമായി നിർത്തുന്നതിന് കാരണമായിട്ടുണ്ടാകാമെന്നും സംശയിക്കുന്നുണ്ട്.

ഇന്ന് സ്വർണ വില ഉയർന്നു; ഈ ആഴ്ച്ച കുറഞ്ഞത് 2000 രൂപ, വെള്ളി വിലയിലും വർദ്ധനവ്