ദില്ലി: രാജ്യത്തെ നാല് സുപ്രധാന നഗരങ്ങളില് പെട്രോള് വില ലിറ്ററിന് നൂറ് രൂപ കടന്നു. ദില്ലി, മുംബൈ, കൊല്ക്കത്ത, ചെന്നൈ മെട്രോകളിലാണ് നൂറിന് മുകളില് വില എത്തിയത്. കഴിഞ്ഞ രണ്ട് മാസത്തിനിടെ 36 തവണയാണ് വില വര്ധിപ്പിച്ചത്. ഓട്ടോ ഫ്യൂവലിന്റെ വില പത്ത് രൂപയോളമാണ് മെയ് നാല് മുതല് വര്ധിപ്പിച്ചത്. ഇന്ത്യയിലെ ഇന്ധനത്തിന്റെ വില അന്താരാഷ്ട്ര തലത്തിലെ ക്രൂഡോയില് വിലയെ ആശ്രയിച്ചാണ് ഇരിക്കുന്നത്. കേന്ദ്ര നികുതിക്ക് പുരമേ സംസ്ഥാന നികുതി, എക്സൈസ് നികുതി, വാറ്റ് എന്നിവ കൂടി ചേരുമ്പോള് ശരിക്കും പൊള്ളുന്ന വിലയാവും.
ദില്ലിയില് ജൂലായ് ഒന്നിന് 98.81 രൂപയായിരുന്നു നല്കേണ്ടിയിരുന്നത്. പെട്രോളിന് വില ശരിക്കും 38.93 പൈസയാണ്. ബാക്കിയെല്ലാം നികുതിയാണ്. ഇന്ത്യന് ഓയില് കോര്പ്പറേഷനാണ് നിരക്ക് വര്ധിപ്പിക്കുന്നത്. ഡീലര്മാര് പെട്രോളിന് 39.29 പൈസ് പെട്രോളിന് നല്കേണ്ടി വരും. ഇത് എക്സൈസ് നികുതി ഉള്പ്പെടുത്താതെയുള്ള നിരക്കാണ്. എക്സൈസ് നികുതി 32.90 രൂപയാണ്. ദില്ലിയില് ഡീസര്മാരുടെ കമ്മീഷന് 3.82 രൂപയാണ്. ഇതിന് പുറമേ 22.80 രൂപ വാറ്റായും ചേരുന്നു. ദില്ലിയില് പെട്രോളിന് 22 ശതമാനമാണ് വാറ്റ്.
കഴിഞ്ഞ വര്ഷം മാര്ച്ചിനും മെയിനും ഇടയില് കേന്ദ്രം എക്സൈസ് ഡ്യൂട്ടി 13 രൂപയാണ് പെട്രോളിന് വര്ധിപ്പിച്ചത്. ഡീസലിന് 16 രൂപയും വര്ധിപ്പിച്ചു. ഡീസലിന് നിലവില് 31.8 രൂപയും പെട്രോളിന് 32.9 രൂപയുമാണ്. വാറ്റ് പല സംസ്ഥാനങ്ങളിലും വ്യത്യസ്തമാണ്. മധ്യപ്രദേശിലും രാജസ്ഥാനിലും ഇത് മുപ്പത് ശതമാനത്തിന് മുകളിലാണ്. രാജ്യത്തെ തന്നെ ഏറ്റവും ഉയര്ന്ന നിരക്കാണിത്. ഡീലര്മാരുടെ നിരക്കും സംസ്ഥാനങ്ങളില് വ്യത്യസ്തമാണ്. പെട്രോള് പമ്പുകളുടെ നിരക്കും ഓരോ മേഖലയില് വ്യത്യാസമുണ്ടാവും.
അതേസമയം അന്താരാഷ്ട്ര തലത്തിലെ എണ്ണ വിലയും വലിയൊരു ഘടകമായി വില വര്ധനവിന് കാരണമാകുന്നുണ്ട്. ബാരലിന് 75 ഡോളറാണ് ക്രൂഡോയിലിന്റെ വില. ബ്രെന്ഡ് ക്രൂഡോയിലിന് 0.9 ശതമാനമാണ് നിരക്ക് വര്ധിപ്പിച്ചത്. കഴിഞ്ഞ ദിവസം മൂന്ന് ശതമാനത്തോളം കുറവുണ്ടായിരുന്നു. ഒരു ശതമാനം വര്ധനവാണ് യുഎസ് ക്രൂഡോയിലിന് ഉണ്ടായിരിക്കുന്നത്.