നിക്ഷേപകർ കാത്തിരിക്കുന്നു, ഇന്ന് 12 കമ്പനികൾ നാലാം പാദ ഫലങ്ങളും ലാഭ വിഹിതവും പ്രഖ്യാപിക്കും

2025-26 സാമ്പത്തിക വർഷം ആരംഭിച്ചുവെങ്കിലും 2025 സാമ്പത്തിക വർഷത്തെ നാലാം പാദത്തിലെ ഫലങ്ങൾ വന്നു കൊണ്ടിരിക്കുന്നു. വിവിധ കമ്പനികൾ തങ്ങളുടെ നാലാം പാദ ഫലങ്ങൾ പ്രഖ്യാപിച്ചു. ഇന്ന് ഏപ്രിൽ 17 വ്യാഴാഴ്ചയും ചില കമ്പനികൾക്ക് അവരുടെ വരുമാനവും നേട്ടവുമെല്ലാം പ്രഖ്യാപിക്കാനുണ്ട്. ഇന്ന് മൊത്തം 12 കമ്പനികൾ 2025 ജനുവരി മുതൽ മാർച്ച് വരെയുള്ള കാലയളവിലെ വരുമാനം പ്രഖ്യാപിക്കും. നിക്ഷേപകരെല്ലാം ഈ ഫലപ്രഖ്യാപനത്തിനായി കാത്തിരിക്കുകയാണ്.

ഇൻഫോസിസ്, ജിയോ ഫിനാൻഷ്യൽ, എച്ച്ഡിഎഫ്സി എഎംസി, ടാറ്റ എൽക്സി, ഇൻഫോസിസ്, ഇൻഡോ സോളാർ തുടങ്ങിയ കമ്പനികളാണ് 2025 സാമ്പത്തിക വർഷത്തെ നാലാം പാദ ഫലം പ്രഖ്യാപിക്കുന്ന കമ്പനികളിൽ നിക്ഷേപകർ ഏറെ പ്രതീക്ഷയോടെ കാത്തിരിക്കുന്നവ. ഇതിൽ ചില കമ്പനികൾ അവരുടെ ഓഹരി ഉടമകൾക്ക് ലാഭവിഹിതവും പ്രഖ്യാപിക്കും. കൂടുതൽ പരിശോധിക്കാം...

എച്ച്ഡിഎഫ്സി AMC: 2025ലെ നാലാം പാദ ഫലങ്ങൾ

കമ്പനിയുടെ ഡയറക്ടർ ബോർഡ് യോഗം ഇന്ന് ഏപ്രിൽ 17ന് ചേരുമെന്ന് എച്ചഡിഎഫ്സി അസറ്റ് മാനേജ്മെന്റ് കമ്പനി ലിമിറ്റഡ് BSE യെ അറിയിച്ചു, 2025 മാർച്ച് 31 ന് അവസാനിക്കുന്ന പാദ ഫലങ്ങളും വാർഷിക ഫലങ്ങളും ഓഡിറ്റ് ചെയ്തുവെന്നും, 2025 സാമ്പത്തിക വർഷത്തിലെ പ്രകടനത്തിന് അനുസരിച്ച് ഡിവിഡന്റ് ഉണ്ടെങ്കിൽ അതും ശുപാർശ ചെയ്യുന്നുവെന്നാണ് കമ്പനി വ്യക്തമാക്കിയത്.

ജിയോ ഫിനാൻഷ്യൽ: 2025ലെ നാലാം പാദ ഫലങ്ങളും ലാഭവിഹിതവും....

2025 മാർച്ച് 31 ന് അവസാനിച്ച സാമ്പത്തിക വർഷത്തിലെയും, അവസാനിച്ച നാലാം പാദത്തിലെയും കമ്പനിയുടെ ഓഡിറ്റ് ചെയ്തതും ഏകീകൃതവുമായ സാമ്പത്തിക ഫലങ്ങൾ പരിഗണിക്കുന്നതിനും അംഗീകരിക്കുന്നതിനുമായി ഇന്ന് ഏപ്രിൽ 17 വ്യാഴാഴ്ച കമ്പനിയുടെ ഡയറക്ടർ ബോർഡിന്റെ യോഗം നടക്കുമെന്ന് ജിയോ ഫിനാൻഷ്യൽ സർവീസസ് ബിഎസ്ഇയെ അറിയിച്ചിരുന്നു. ഫലങ്ങൾക്കൊപ്പം 2025 മാർച്ച് 31 ന് അവസാനിച്ച സാമ്പത്തിക വർഷത്തിലെ കമ്പനിയുടെ ഇക്വിറ്റി ഷെയറുകളിൽ ലാഭവിഹിതം ശുപാർശ ചെയ്യുമെന്നും പ്രഖ്യാപിച്ചു.

ടാറ്റാ Elxsi: 2025 സാമ്പത്തിക വർഷത്തിലെ നാലാം പാദ ഫലങ്ങളും ഡിവിഡൻ്റ് പ്രഖ്യാപനവും..

2025 മാർച്ച് 31 ന് അവസാനിച്ച പാദത്തിലെയും ആ സാമ്പത്തിക വർഷത്തിലെയും ഓഡിറ്റ് ചെയ്ത സാമ്പത്തിക ഫലങ്ങൾ പരിഗണിക്കുന്നതിനും അംഗീകരിക്കുന്നതിനും, ഒപ്പം ഇതേ സാമ്പത്തിക വർഷത്തിലെ ലാഭവിഹിതം പ്രഖ്യാപിക്കുന്നതിനുമായി കമ്പനിയുടെ ഡയറക്ടർ ബോർഡ് യോഗം ഇന്ന് നടക്കുമെന്ന് ടാറ്റ എൽക്സി പ്രഖ്യാപിച്ചു.

എച്ച്ഡിഎഫ്സി ലൈഫ് ഇൻഷുറൻസ്: നാലാം പാദ ഫലങ്ങൾ

2025 മാർച്ച് 31 ന് അവസാനിക്കുന്ന പാദത്തിലെയും 2024-25 സാമ്പത്തിക വർഷത്തിലെയും സാമ്പത്തിക ഫലങ്ങൾ പരിഗണിക്കുന്നതിനും അംഗീകരിക്കുന്നതിനുമായി കമ്പനിയുടെ ഡയറക്ടർ ബോർഡ് യോഗം ഇന്ന് ഏപ്രിൽ 17ന് പ്രഖ്യാപിക്കുമെന്ന് കമ്പനി അറിയിച്ചു.

ഇൻഡോസോളാർ ത്രൈമാസ ഫലങ്ങൾ

2024-25 സാമ്പത്തിക വർഷത്തെ പ്രകടനങ്ങളും ഫലങ്ങളും ഓഡിറ്റ് ചെയ്ത സാമ്പത്തിക പ്രസ്താവനകൾ, ആസ്തികളുടെയും ബാധ്യതകളുടെയും പണമൊഴുക്കിന്റെയും പ്രസ്താവന എന്നിവ പരിഗണിക്കുന്നതിനും അംഗീകരിക്കുന്നതിനുമായി കമ്പനിയുടെ ഡയറക്ടർ ബോർഡ് യോഗം ഇന്ന് ഏപ്രിൽ 17ന് നടക്കുമെന്ന് ഇൻഡോസോളാർ അറിയിച്ചിരുന്നു.

മഹീന്ദ്ര ഇപിസി ഇറിഗേഷൻ, നാഷണൽ സ്റ്റാൻഡേർഡ് (ഇന്ത്യ), ഓമ്‌നിടെക്‌സ് ഇൻഡസ്ട്രീസ്, അദ്‌വിക് ക്യാപിറ്റൽ, ഡെവിൻസു ട്രേഡിംഗ്, സനത്‌നഗർ എന്റർപ്രൈസസ് തുടങ്ങിയ കമ്പനികളും ഇന്ന് അവരുടെ നാലാം പാദ ഫലങ്ങൾ പ്രഖ്യാപിക്കുമെന്ന് അറിയിച്ചിട്ടുണ്ട്. അതിനാൽ ഇന്നത്തെ ദിവസം നിക്ഷേപകർ ഈ ഓഹരികളിൽ കൂടുതൽ ശ്രദ്ധ ചെലുത്തും.