Just In
-
-
-
-
Don't Miss
-
IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ് -
ലോക്സഭ തിരഞ്ഞെടുപ്പ്; കേരളം നാളെ ബൂത്തിലേക്ക്.. ഇന്ന് നിശബ്ദ പ്രചരണം, 4 ജില്ലകളിൽ നിരോധനാജ്ഞ -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
മുംബൈ: മുംബൈ അന്താരാഷ്ട്ര വിമാനത്താവളത്തിന്റെ (മിയാല്‍) ഭൂരിപക്ഷം ഓഹരികളും അദാനി ഗ്രൂപ്പ് സ്വന്തമാക്കിയിട്ട് അധികനാള്‍ ആയിട്ടില്ല. ഇപ്പോള്‍ അദാനി ഗ്രൂപ്പിന് 74 ശതമാനം ഓഹരികളും എയര്‍ പോര്‍ട്ട് അതോറിറ്റി ഓഫ് ഇന്ത്യക്ക് 26 ശതമാനം ഓഹരികളും ആണ് മുംബൈ വിമാനത്താവളത്തില്‍ ഉള്ളത്.
ഇപ്പോള്‍ മുംബൈ വിമാനത്താവളത്തില്‍ കൂടുതല്‍ നിക്ഷേപമെത്തിക്കാനുള്ള നീക്കത്തിലാണ് അദാനി എയര്‍പോര്‍ട്ട്. ഖത്തര്‍ ഇന്‍വെസ്റ്റ്‌മെന്റ് ഏജന്‍സി(ക്യുഐഎ) യുമായി ഇത് സംബന്ധിച്ച ചര്‍ച്ചകള്‍ നടന്നുകൊണ്ടിരിക്കുകയാണ് എന്നാണ് റിപ്പോര്‍ട്ടുകള്‍. വിശദാംശങ്ങള്‍...
മിയാല്‍
മുംബൈ അന്താരാഷ്ട്ര വിമാനത്താവളത്തില്‍ (മിയാല്‍) ഖത്തര്‍ നിക്ഷേപക ഏജന്‍സി 750 ദശലക്ഷം ഡോളര്‍ നിക്ഷേപിച്ചേക്കും എന്നാണ് റിപ്പോര്‍ട്ടുകള്‍. ഇത് ഏതാണ്ട് 5.,500 കോടി ഇന്ത്യന്‍ രൂപയോളം വരും. ചെറിയശതമാനം ഓഹരികള്‍ വിറ്റഴിച്ച് നിക്ഷേപം സമാഹരിക്കാനാണ് നീക്കം.
നിക്ഷേപം എങ്ങനെ?
മുംബൈ അന്താരാഷ്ട്ര വിമാനത്താവളത്തില്‍ നേരിട്ട് നിക്ഷേപം നടത്താനാണ് ഖത്തര്‍ നിക്ഷേപക ഏജന്‍സി താത്പര്യം പ്രകടിപ്പിച്ചിട്ടുള്ളത് എന്നാണ് റിപ്പോര്‍ട്ടുകള്‍. അതോടൊപ്പം തന്നെ മാതൃകമ്പനിയായ അദാനി എയര്‍പോര്‍ട്ടിലും അവര്‍ നിക്ഷേപം നടത്തിയേക്കും.
നേരത്തേയും അദാനി ഗ്രൂപ്പില്‍
ഖത്തര്‍ നിക്ഷേപക ഏജന്‍സി നേരത്തേയും അദാനി ഗ്രൂപ്പില്‍ നിക്ഷേപം നടത്തിയിട്ടുണ്ട്. അദാനി ട്രാന്‍സ്മിഷന്റെ ഭാഗമായ അദാനിയ മുംബൈ ഇലക്ട്രിസിറ്റി ലിമിറ്റഡില്‍ ആയിരുന്നു അവര്‍ നിക്ഷേപിച്ചത്. 452 ദശലക്ഷം ഡോളര്‍ (3,220 കോടി രൂപ) ആയിരുന്നു അവര്‍ ഇക്കഴിഞ്ഞ ഫെബ്രുവരി മാസത്തില്‍ നിക്ഷേപിച്ചത്.
രാജ്യത്തെ രണ്ടാമത്തെ വന്‍ വിമാനത്താവളം
രാജ്യത്തെ ഏറ്റവും വലിയ രണ്ടാമത്തെ വിമാനത്താവളമാണ് മുംബൈ അന്താരാഷ്ട്ര വിമാനത്താവളം. മിയാല്‍ സ്വന്തമാക്കിയതോടെ അദാനി എയര്‍പോര്‍ട്ട് രാജ്യത്തെ ഒന്നാം നിര വിമാനത്താവള കമ്പനിയായി മാറുകയും ചെയ്തു. തിരുവനന്തപുരം വിമാനത്താവളത്തിന്റെ നടത്തിപ്പും അദാനിഗ്രൂപ്പ് സ്വന്തമാക്കിയിരുന്നു.
