മുംബൈ: ഹാത്ത് വേ കേബിള് ആന്ഡ് ഡാറ്റാം കോം ലിമിറ്റഡ് വില്ക്കാനുളള നീക്കവുമായി റിലയന്സ് ഇന്ഡസ്ട്രീസ്. 442 കോടി രൂപയ്ക്കാണ് വില്പ്പനയ്ക്കുളള തീരുമാനം. ഏപ്രില് 26, 27 തിയ്യതികളില് ഒഎഫ്എസ് വഴിയാണ് ഓഹരികള് വില്ക്കുക. ജിയോ കണ്ടന്റ് ഡിസ്ട്രീബ്യൂഷന് ഹോള്ഡിംഗ്സ് പ്രൈവറ്റ് ലിമിറ്റഡ്, ജിയോ ഇന്റര്നെറ്റ് ഡിസ്ട്രിബ്യൂഷന് ഹോള്ഡിംസ് പ്രൈവറ്റ് ലിമിറ്റഡ്, ജിയോ കേബിള് ആന്ഡ് ബ്രോഡ് ബാന്ഡ് ഹോള്ഡിംഗ്സ് പ്രൈവറ്റ് ലിമിറ്റഡ്, ഹാത്ത് വേ കേബിള് ആന്ഡ് ഡാറ്റാ കോം ലിമിറ്റഡ് എന്നിവ 205.44 മില്യണ് ഷെയറുകളോ അല്ലെങ്കില് 11.61 ശതമാനം ഓഹരിയോ ആണ് വില്പന നടത്തുക. 21.50 അടിസ്ഥാന വിലയും ആകെ വില 441.61 കോടിയുമാണ്.
കഴിഞ്ഞ മാസം ജിയോ കണ്ടന്റ് ഡിസ്ട്രീബ്യൂഷന് ഹോള്ഡിംഗ്സ് പ്രൈവറ്റ് ലിമിറ്റഡ്, ജിയോ ഇന്റര്നെറ്റ് ഡിസ്ട്രിബ്യൂഷന് ഹോള്ഡിംസ് പ്രൈവറ്റ് ലിമിറ്റഡ്, ജിയോ കേബിള് ആന്ഡ് ബ്രോഡ് ബാന്ഡ് ഹോള്ഡിംഗ്സ് പ്രൈവറ്റ് ലിമിറ്റഡ്, ഹാത്ത് വേ കേബിള് ആന്ഡ് ഡാറ്റാ കോം ലിമിറ്റഡ് എന്നിവ 853.45 കോടിയുടെ 338 മില്യണ് ഓഹരികള് വില്പന നടത്തിയിരുന്നു.
പ്രമോട്ടര് സ്ഥാപനങ്ങള് ഷെയര് വില്പനയിലൂടെ ലക്ഷ്യമിടുന്നത് സെബിയുടെ ചട്ടങ്ങള് പ്രകാരമുളള മിനിമം പബ്ലിക് ഹോള്ഡിംഗ് കമ്പനികള് ഉറപ്പാക്കുക എന്നതാണ്. നോണ്-റീട്ടെയില് നിക്ഷേപകര്ക്കുളള ബിഡുകള് ഏപ്രില് 26ന് തുറക്കും. റീട്ടെയില്, നോണ് റീട്ടെയില് നിക്ഷേപകര്ക്ക് 27നും ബിഡ് തുടരാം. റിലയന്സ് ഇന്ഡസ്ട്രീസിന്റെ മീഡിയ, വിതരണ ബിസിനസ്സുകളെ ഒരുമിപ്പിക്കുന്നതിന്റെ ഭാഗമായി 2020 ജൂണില് ഡെന് നെറ്റ് വര്ക്കിനേയും ഹാത്ത് വേയേയും നെറ്റ്വര്ക്ക് 18, ടിവി 18 എന്നിവയുമായി ലയിപ്പിച്ചിരുന്നു.