ഭവനവായ്പയുടെ മിനിമം പലിശ നിരക്ക് ഉയർത്തി എസ്ബിഐ: പലിശ നിരക്ക് 6.95 ശതമാനത്തിൽ

ദില്ലി: ഭവനവായ്പയ്ക്കുള്ള മിനിമം പലിശ നിരക്ക് ഉയർത്തി സ്റ്റേറ്റ് ബാങ്ക് ഓഫ് ഇന്ത്യ. 25 ബേസിസ് പോയിൻറ് (ബിപിഎസ്) 6.70 ശതമാനത്തിൽ നിന്ന് 6.95 ശതമാനമായാണ് ഉയർത്തിയിട്ടുള്ളത്. എസ്‌ബി‌ഐ മിനിമം ഭവനവായ്പ നിരക്ക് വർദ്ധിപ്പിച്ചത് കുടുതൽ പേരെ വായ്പയെടുക്കാൻ പ്രേരിപ്പിക്കും.
എസ്‌ബി‌ഐ 2021 മാർച്ച് 1 നാണ് മിനിമം പലിശ നിരക്ക് 6.21 ശതമാനത്തിൽ നിന്ന് 6.70 ശതമാനമായി കുറച്ചത്.

ഏകീകൃത പ്രോസസ്സിംഗ് ഫീസും ബാങ്ക് ഈടാക്കും. ഇത് വായ്പ തുകയുടെ 0.40 ശതമാനവും ജിഎസ്ടിയും അടക്കമാണ്. കുറഞ്ഞത് 10,000 രൂപയും പരമാവധി 30,000 രൂപയുമാണ് ജിഎസ്ടി. എന്നിരുന്നാലും, വ്യക്തിഗത ടി‌ആർ‌, മൂല്യനിർണ്ണയം എന്നിവ ആവശ്യമില്ലാത്ത ബിൽ‌ഡർ‌ ടൈ-അപ്പ് പ്രോജക്ടുകൾ‌ക്ക്, പ്രോസസ്സിംഗ് മുൻ‌കൂട്ടിപ്പറഞ്ഞ ഫീസ് വായ്പ തുകയുടെ 0.40 ശതമാനമായിരിക്കും. കൂടാതെ, ടി‌ഐ‌ആറും മൂല്യനിർണ്ണയവും ആവശ്യമാണെങ്കിൽ, സാധാരണ ചാർജ് ബാധകമാകുമെന്നാണ് എസ്ബിഐ വെബ്സൈറ്റിൽ നൽകിയിരിക്കുന്ന വിവരം. ഭവന വായ്പകളുടെ പ്രോസസ്സിംഗ് ഫീസ് 2021 മാർച്ച് 31 വരെയുള്ള കാലയളവിലേക്ക് ഒഴിവാക്കിയിരുന്നു.

അടുത്ത സാമ്പത്തിക വർഷത്തിൽ ഭവനവായ്പയുടെ പോർട്ട്‌ഫോളിയോ ഇരട്ടിയാക്കുമെന്ന് ഫെബ്രുവരിയിൽ എസ്ബിഐ അറിയിച്ചിരുന്നു. ഭവന വായ്പാ പോർട്ട്ഫോളിയോ 2011 സാമ്പത്തിക വർഷത്തിൽ 89,000 കോടിയിൽ നിന്ന് 5 ലക്ഷം കോടി രൂപയിലെത്തിക്കാൻ എസ്‌ബി‌ഐ 10 വർഷം സമയമാണെടുത്തതെന്നാണ് ചെയർമാൻ ദിനേശ് കുമാർ ഖാര 2021 ഫെബ്രുവരിയിൽ വ്യക്തമാക്കിയത്.