ഇഷ്ട വാഹനം വാങ്ങാൻ കാർ ലോൺ വേണോ? കുറഞ്ഞ പലിശ നിരക്കും പ്രൊസസിംഗ് ചാർജും ഈ ബാങ്കുകളിൽ

വീട് പോലെ തന്നെ ഏതൊരാളുടെയും ജീവിത അഭിലാഷങ്ങളിൽ പ്രധാനപ്പെട്ടതാണ് സ്വന്തമായി ഒരു വാഹനമെന്നതും. എന്നാൽ അതിവേഗം കുതിക്കുന്ന കാർ വില പലപ്പോഴും ആ ആഗ്രഹത്തിന് ഒരു തടസമാകുന്നുണ്ട്. അത്തരം ഘട്ടങ്ങളിലാണ് കാർ ലോൺ ഒരു പരിഹാരമാകുന്നതും. കാർ വില വർധിക്കുന്നതിനിടയിലും കാർ ലോൺ വാഗ്ദാനം ചെയ്യുന്ന ബാങ്കുകളും ബാങ്കിതര ധനകാര്യ സ്ഥാപനങ്ങളും ഉപഭോക്താക്കൾക്കുള്ള മാനദണ്ഡങ്ങളും നിബന്ധനകളും കൃത്യമായ ഇടവേളകളിൽ മാറ്റം വരുത്തിക്കൊണ്ടിരിക്കുന്നു. പലിശ നിരക്കും പ്രൊസസിംഗ് ചാർജുമെല്ലം ഇങ്ങനെ പരിഷ്കരിക്കപ്പെടാറുണ്ട്. ചില മുൻനിര വായ്പ ദാതക്കൾ ഇപ്പോൾ സീറോ-ഡൗൺ പേയ്മെന്റിലും കാർ ലോൺ ലഭ്യമാക്കുന്നുണ്ട്.

നിങ്ങൾ ഒരു കാർ വാങ്ങാൻ ആഗ്രഹിക്കുന്നുവെങ്കിൽ, അതിനായ കാർ ലോൺ എടുക്കുന്നത് പരിഗണിക്കുന്നുവെങ്കിൽ എടുത്തുചാടി തീരുമാനമെടുക്കരുത്. അനുയോജ്യമായ ലോൺ ഓപ്ഷൻ തിരഞ്ഞെടുക്കുന്നതിന് ചില വിലയിരുത്തലുകളും താരതമ്യ പഠനങ്ങളും അനിവാര്യമാണ് എന്ന കാര്യം ഓർക്കുക. കുറഞ്ഞത് രണ്ട് മുതൽ മൂന്ന് ബാങ്കുകളുടെ വരെയെങ്കിലും പലിശ നിരക്കുകളും പ്രൊസസിംഗ് ചാർജും മറ്റ് നിരക്കുകളും നിബന്ധനകളും താരതമ്യം ചെയ്യുന്നത് ശരിയായ തീരുമാനമെടുക്കാൻ നിങ്ങളെ സഹായിക്കും. ഒരു കാർ വാങ്ങുന്നയാൾ എന്ന നിലയിൽ, വിവിധ ബാങ്കുകൾ നൽകുന്ന കാർ ലോൺ നിരക്കുകളുടെയും ചാർജുകളുടെയും ഏറ്റവും പുതിയ അപ്‌ഡേറ്റുകൾ നിങ്ങൾ അറിഞ്ഞിരിക്കണം. പ്രൊസസിംഗ് ചാർജില്ലാതെ തന്നെ കുറഞ്ഞ പലിശ നിരക്കിൽ കാർ ലോൺ ലഭ്യമാക്കുന്ന നിരവധി സ്ഥാപനങ്ങളുണ്ട്. അത്തരത്തിൽ മികച്ച കാർ ലോൺ ഓപ്ഷനുകൾ വാഗ്ദാനം ചെയ്യുന്ന ബാങ്കുകൾ ഏതൊക്കെയെന്ന് നോക്കാം.

യു.സി.ഒ ബാങ്ക്: അഞ്ച് വർഷത്തേക്ക് അഞ്ച് ലക്ഷം രൂപയാണ് യു.സി.ഒ ബാങ്കിൽ നിന്ന് കാർ വാങ്ങുന്നതിനായി വായ്പ എടുക്കുന്നതെങ്കിൽ നിങ്ങളുടെ പ്രതിമസ അടവ് 10,246 രൂപ മുതൽ 10,759 രൂപ വരെയായിരിക്കും. 8.45 ശതമാനം മുതൽ 10.55 ശതമാനം വരെയാണ് ഇവിടെ പലിശ നിരക്ക് വരുന്നത്. വായ്പ തുക എത്രയാണെങ്കിലും പ്രൊസസിംഗ് ചാർജ് ഇല്ല.

യൂണിയൻ ബാങ്ക് ഓഫ് ഇന്ത്യ: കേരളത്തിൽ നിരവധി ബ്രാഞ്ചുകളുള്ള യൂണിയൻ ബാങ്ക് ഓഫ് ഇന്ത്യയും മികച്ച നിരക്കിൽ കാർ ലോൺ വാഗ്ദാനം ചെയ്യുന്നുണ്ട്. 8.70 ശതമാനം മുതൽ 10.45 ശതമാനം വരെയാണ് യൂണിയൻ ബാങ്കിലെ പലിശ നിരക്ക്. പ്രതിമാസ അടവ് അഞ്ച് ലക്ഷത്തിന് അഞ്ച് വർഷത്തേക്ക് 10,307 മുതൽ 10,735 രൂപ വരെ വരും. പ്രൊസസിംഗ് ചാർജ് 1000 രൂപയും ഈടാക്കുന്നു

കാനറ ബാങ്ക്: പലിശ നിരക്ക് 8.70 ശതമാനത്തിലാണ് തുടങ്ങുന്നതെങ്കിലും 12.70 ശതമാനമാണ് ഉയർന്ന പലിശ. അതുകൊണ്ട് പ്രതിമാസ അടവ് അഞ്ച് ലക്ഷത്തിന് അഞ്ച് വർഷത്തേക്ക് 10,307 മുത 11,300 വരെയാകാനുള്ള സാധ്യത കൂടുതലാണ്. ലോൺ തുകയുടെ 0.25 ശതമാനമാണ് പലിശ നിരക്ക്. മുകളിൽ സൂചിപ്പിച്ച തുകയാണ് ലോൺ തുകയെങ്കിൽ പ്രൊസസിംഗ് ചാർജ് 2500 രൂപയായിരിക്കും.

സ്റ്റേറ്റ് ബാങ്ക് ഓഫ് ഇന്ത്യ: രാജ്യത്തെ ഏറ്റവും വലിയ ദേശസാൽകൃത ബാങ്കുകളിൽ ഒന്നായ എസ്ബിഐ 8.75 ശതമാനം മുതൽ 9.80 ശതമാനം വരെ പലിശ നിരക്കിൽ കാർ ലോൺ വാഗ്ദാനം ചെയ്യുന്നു. അങ്ങനെ നോക്കുമ്പോൾ അഞ്ച് വർഷത്തേക്ക് അഞ്ച് ലക്ഷം രൂപയെന്ന ലോൺ തുകയുടെ പ്രതിമാസ അടവ് 10,319 രൂപ മുതൽ 10,544 രൂപ വരെ വരും. പ്രൊസസിംഗ് ചാർജ് പരമാവധി 1,500 രൂപ വരെ ഈടാക്കാനും ബാങ്കിന് അധികാരമുണ്ട്.

പഞ്ചാബ് നാഷ്ണൽ ബാങ്ക്: പി.എൻ.ബിയിൽ കാർ ലോൺ പലിശ നിരക്ക് 8.75 ശതമാനം മുതൽ 10.60 ശതമാനം വരെയാണ്. വർഷത്തേക്ക് അഞ്ച് ലക്ഷം രൂപയാണ് യു.സി.ഒ ബാങ്കിൽ നിന്ന് കാർ വാങ്ങുന്നതിനായി വായ്പ എടുക്കുന്നതെങ്കിൽ നിങ്ങളുടെ പ്രതിമസ അടവ് 10,319 രൂപ മുതൽ 10,772 രൂപ വരെയായിരിക്കും. ലോൺ തുകയുടെ 0.25 ശതമാനമാണ് പലിശ നിരക്ക്. മുകളിൽ സൂചിപ്പിച്ച തുകയാണ് ലോൺ തുകയെങ്കിൽ പ്രൊസസിംഗ് ചാർജ് 2500 രൂപയായിരിക്കും.