സെൻസെക്സും നിഫ്റ്റിയും റെക്കോർഡ് നേട്ടത്തിൽ ക്ലോസ് ചെയ്തു; ബാങ്ക്, എഫ്എംസിജി ഓഹരികൾ മുന്നേറി

ഇന്ത്യൻ സൂചികകൾ തുടർച്ചയായ മൂന്നാം സെഷനിലും റെക്കോർഡ് നേട്ടത്തിൽ ക്ലോസ് ചെയ്തു. ബജറ്റിന് ശേഷം വിപണിയിൽ നേട്ടങ്ങൾ ഉയരുകയാണ്. എഫ്എംസിജി, മെറ്റൽ, ബാങ്കിംഗ് ഓഹരികളാണ് ഇന്ന് നേട്ടങ്ങൾക്ക് നേതൃത്വം നൽകിയത്. സെൻസെക്സ് 358 പോയിന്റ് ഉയർന്ന് 50,614 എന്ന റെക്കോഡിലാണ് അവസാനിച്ചത്. നിഫ്റ്റി 106 പോയിന്റ് ഉയർന്ന് 14,895 എന്ന ഉയർന്ന നിരക്കിലാണ് ക്ലോസ് ചെയ്തത്. നിഫ്റ്റി ബാങ്കും റെക്കോർഡ് ഉയർന്ന നിലവാരത്തിൽ ക്ലോസ് ചെയ്തു.

stock market

നിഫ്റ്റി ബാങ്ക് ആദ്യമായി 35,000 കടന്നു അതേസമയം, നിഫ്റ്റി എഫ്എംസിജി 2.5 ശതമാനവും നിഫ്റ്റി മെറ്റൽ രണ്ട് ശതമാനം വീതം ഉയർന്നു. നിഫ്റ്റി ഓട്ടോ, നിഫ്റ്റി ഫിൻ സർവീസസ് സൂചികകളും ഒരു ശതമാനം വീതം ഉയ‍ർന്നു. നിഫ്റ്റി പി‌എസ്‌യു ബാങ്ക് ഓഹരികൾ ആറ് ശതമാനം ഉയർന്നു. നിഫ്റ്റി 50 സൂചികയിൽ എസ്‌ബി‌ഐ, ഐ‌ടി‌സി, ബജാജ് ഫിനാൻസ്, ശ്രീ സിമൻറ്, ഒ‌എൻ‌ജി‌സി എന്നിവയാണ് ഏറ്റവും കൂടുതൽ നേട്ടമുണ്ടാക്കിയത്.

ഐ‌ടി‌സി, എസ്‌ബി‌ഐ, ബജാജ് ഫിൻ സ‍ർവ്വീസസ്‌ ഉൾപ്പെടെ 8 നിഫ്റ്റി ഓഹരികൾ ഇന്ന്‌ 52 ആഴ്‌ചയിലെ ഏറ്റവും ഉയർന്ന നിരക്കിലെത്തി.
ഐടിസി, ബജാജ് ഫിൻ, ഒ‌എൻ‌ജി‌സി, കോൾ ഇന്ത്യ, ശ്രീ സിമൻറ്, എം ആൻഡ് എം എന്നിവയാണ് നിഫ്റ്റിയിൽ ഏറ്റവും കൂടുതൽ നേട്ടം കൈവരിച്ച ഓഹരികൾ. ഏഷ്യൻ പെയിന്റ്സ്, സിപ്ല, യു‌പി‌എൽ, ഇൻ‌ഡസ്ഇൻഡ്, ഭാരതി എയർടെൽ എന്നിവയാണ് നഷ്ടം രേഖപ്പെടുത്തിയ ഓഹരികൾ.