സെൻസെക്സും നിഫ്റ്റിയും റെക്കോർഡ് നേട്ടത്തിൽ ക്ലോസ് ചെയ്തു; ബാങ്ക്, മെറ്റൽ ഓഹരികൾക്ക് നേട്ടം

കൊവിഡ് വാക്സിൻ പുരോഗതി നിക്ഷേപകരുടെ വികാരം ഉയർത്തിയതോടെ ഇന്ത്യൻ സൂചികകൾ തിങ്കളാഴ്ച റെക്കോഡ് നേട്ടത്തിൽ ക്ലോസ് ചെയ്തു. ബാങ്ക്, ഫിനാൻഷ്യൽ, മെറ്റൽ, ഫാർമ മേഖലകളാണ് ഇന്ന് മികച്ച പ്രകടനം കാഴ്ച്ച വച്ചത്. നിഫ്റ്റി മിഡ്‌ക്യാപ്പ്, നിഫ്റ്റി സ്‌മോൾകാപ്പ് സൂചികകൾ അര ശതമാനത്തിലധികം ഉയർച്ചയോടെ ബെഞ്ച്മാർക്കുകളെ മറികടന്നു.

സെൻസെക്സും നിഫ്റ്റിയും റെക്കോർഡ് നേട്ടത്തിൽ ക്ലോസ് ചെയ്തു; ബാങ്ക്, മെറ്റൽ ഓഹരികൾക്ക് നേട്ടം

നിഫ്റ്റി 44 പോയിന്റുകൾ ഉയർന്ന് 13,558 വരെയും സെൻസെക്സ് 154 പോയിന്റുകൾ ഉയർന്ന് 46,253 വരെയും നേട്ടം കൈവരിച്ചു. നിഫ്റ്റി ബാങ്ക് ഓഹരികൾ 141 പോയിൻറുകൾ ഉയർന്ന്‌ 30,746 ലും മിഡ്‌കാപ്പ് ഇൻ‌ഡെക്സ് 134 പോയിന്റുകൾ ഉയർന്ന് 20,571ലും എത്തി. നിഫ്റ്റി സി‌പി‌എസ്‌ഇ 3% ത്തിൽ കൂടുതൽ ഉയർന്ന് പി‌എസ്‌യു കമ്പനികൾ ഇന്ന് മികച്ച നേട്ടക്കാരായി മാറി.

ബിപി‌സി‌എൽ, ഐ‌ഒ‌സി, എൻ‌ടി‌പി‌സി, കോൾ‌ ഇന്ത്യ, ഒ‌എൻ‌ജി‌സി എന്നിവ 2-6% വരെ നേട്ടം കൈവരിച്ചു. സിപ്ല ഓഹരികൾ ഇന്ന് 4% ഉയർന്നു. ബർഗർ കിംഗ്സ് ഓഹരികൾ ഇന്ന് ശക്തമായ അരങ്ങേറ്റം കാഴ്ച്ച വച്ചു. ഓട്ടോ ഓഹരികളായ ഐഷർ, ഹീറോ, എം & എം എന്നിവയ്ക്കാണ് നിഫ്റ്റിയിൽ ഏറ്റവും കൂടുതൽ നഷ്ടം നേരിട്ടത്.