സെൻസെക്സും നിഫ്റ്റിയും റെക്കോർഡ് നേട്ടത്തിൽ ക്ലോസ് ചെയ്തു; ഐടി, ഫാർമ, മെറ്റൽ ഓഹരികൾ കുതിച്ചുയർന്നു

ഐടി, ഫാർമ, മെറ്റൽ തുടങ്ങിയ മേഖല സൂചികകളിലെ നേട്ടങ്ങളെ തുടർന്ന് ഇന്ത്യൻ സൂചികകൾ ചൊവ്വാഴ്ച റെക്കോഡ് നേട്ടത്തിൽ ക്ലോസ് ചെയ്തു. ജിഡിപി വളർച്ച പ്രതീക്ഷിച്ചതിലും വേഗത്തിലായതാണ് നേട്ടത്തിന് കാരണം. സെൻസെക്സ് 506 പോയിന്റ് ഉയർന്ന് 44,655 ലും നിഫ്റ്റി 140 പോയിന്റ് ഉയർന്ന് 13,109 ലുമാണ് ക്ലോസ് ചെയ്തതത്. നിഫ്റ്റി സൂചികയിൽ ഗെയിൽ, സൺ ഫാർമ, ഇൻഡസ് ഇൻഡ് ബാങ്ക്, ടെക് മഹീന്ദ്ര, യുപിഎൽ എന്നിവയാണ് ഇന്ന് മികച്ച നേട്ടം കൈവരിച്ചത്.

അതേസമയം നെസ്ലെ, കൊട്ടക് ബാങ്ക്, ടൈറ്റൻ, ബജാജ് ഫിനാൻസ്, എച്ച്ഡിഎഫ്സി ബാങ്ക് എന്നിവ ഏറ്റവും കൂടുതൽ നഷ്ടം രേഖപ്പെടുത്തി. വിപണി ഇന്ന് വെള്ളിയാഴ്ചത്തെ നഷ്ടം വീണ്ടെടുത്തു. നിഫ്റ്റി ബാങ്ക് 209 പോയിൻറുകൾ ഉയർന്ന്‌ 29,818 ലും മിഡ്‌ക്യാപ് ഇൻ‌ഡെക്സ് 189 പോയിൻറുകളും ഉയർന്ന് 19,904ലും ക്ലോസ് ചെയ്തു.

സെൻസെക്സും നിഫ്റ്റിയും റെക്കോർഡ് നേട്ടത്തിൽ ക്ലോസ് ചെയ്തു; ഐടി, ഫാർമ, മെറ്റൽ ഓഹരികൾ കുതിച്ചുയർന്നു

എഫ്എംസിജി ഒഴികെ, എല്ലാ മേഖലാ സൂചികകളും റെക്കോർഡ് നേട്ടം കൈവരിച്ചു. റിയൽറ്റി, പി‌എസ്‌യു ബാങ്ക് ഓഹരികളാണ് ഏറ്റവും കൂടുതൽ നേട്ടം കൈവരിച്ചത്. 35 നിഫ്റ്റി ഓഹരികൾ നേട്ടത്തിൽ ക്ലോസ് ചെയ്തു. ഇൻ‌ഫോസിസ്, ഐ‌സി‌ഐ‌സി‌ഐ, ആർ‌ഐ‌എൽ, എച്ച്ഡി‌എഫ്‌സി എന്നിവയാണ് നിഫ്റ്റിയിൽ മികച്ച സംഭാവന നൽകിയ ഓഹരികൾ.

റിയൽറ്റി ഓഹരികൾ ഇന്ന് മികച്ച പ്രകടനം കാഴ്ച്ച വച്ചു. ഗോദ്‌റെജ് പ്രോപ്പർട്ടീസ് 2% ഉയർന്നു. നിഫ്റ്റി ഐടി, നിഫ്റ്റി ഫാർമ, നിഫ്റ്റി മെറ്റൽ എന്നിവ 1.5 ശതമാനം വീതം ഉയർന്നു. നിഫ്റ്റി മിഡ്‌ക്യാപ്, നിഫ്റ്റി സ്‌മോൾകാപ്പ് സൂചികകൾ ഒരു ശതമാനം വീതം ഉയർന്നു.