സെൻസെക്സും നിഫ്റ്റിയും പുതിയ ഉയരങ്ങളിൽ; എച്ച്ഡിഎഫ്സി, ഐസിഐസിഐ ബാങ്ക് ഓഹരികൾക്ക് മുന്നേറ്റം

ഇന്ത്യൻ ഓഹരി സൂചികകൾ ചൊവ്വാഴ്ച റെക്കോർഡ് ഉയരത്തിൽ വ്യാപാരം ആരംഭിച്ചു. സെൻസെക്സ് 112.87 അല്ലെങ്കിൽ 0.24 ശതമാനം ഉയർന്ന് 47,466.62 ൽ തുറന്നപ്പോൾ നിഫ്റ്റി 37.15 പോയിന്റ് അഥവാ 0.27 ശതമാനം ഉയർന്ന് 13,910.35 ൽ എത്തി. സെൻ‌സെക്സിൽ ഏറ്റവും കൂടുതൽ നേട്ടമുണ്ടാക്കിയത് ഇൻഡസ് ഇൻ‌ഡ് ബാങ്കാണ്. 2% നേട്ടമാണ് ഇൻഡസിൻഡ് ബാങ്ക് കൈവരിച്ചിരിക്കുന്നത്.

ആക്സിസ് ബാങ്ക്, ബജാജ് ഓട്ടോ, എസ്‌ബി‌ഐ, എച്ച്ഡിഎഫ്സി ബാങ്ക്, ഐസിഐസിഐ ബാങ്ക് എന്നിവയും മികച്ച മുന്നേറ്റം നടത്തി. ഏഷ്യൻ പെയിന്റ്, ടെക് മഹീന്ദ്ര, പവർഗ്രിഡ്, എൽ ആൻഡ് ടി എന്നീ ഓഹരികൾ മാത്രമാണ് ഇന്ന് സെൻസെക്സിൽ ഇടിവ് രേഖപ്പെടുത്തിയത്. എൻ‌എസ്‌ഇയിലെ എല്ലാ മേഖലാ സൂചികകളും ഇന്ന് നേട്ടത്തിലാണ് വ്യാപാരം ആരംഭിച്ചിരിക്കുന്നത്.

സെൻസെക്സും നിഫ്റ്റിയും പുതിയ ഉയരങ്ങളിൽ; എച്ച്ഡിഎഫ്സി, ഐസിഐസിഐ ബാങ്ക് ഓഹരികൾക്ക് മുന്നേറ്റം

എച്ച്ഡിഎഫ്സി, ഐസിഐസിഐ ബാങ്ക് ഓഹരികളാണ് സെൻസെക്സിനെ 270 പോയിൻറ് ഉയർത്താൻ പ്രധാന കാരണം. ഇൻ‌ഡസ് ഇൻ‌ഡ് ബാങ്ക്, ആർ‌ബി‌എൽ ബാങ്ക്, ബന്ദൻ ബാങ്ക് തുടങ്ങിയ ബാങ്ക് ഓഹരികളുടെ പിന്തുണയോടെ നിഫ്റ്റി ബാങ്ക് സൂചിക ഒരു ശതമാനം ഉയർന്നു. ഇൻഡസ്ഇൻഡ് ബാങ്ക്, എച്ച്സി‌എൽ ടെക്, ആക്സിസ് ബാങ്ക്, വിപ്രോ, ഗ്രാസിം ഇൻഡസ്ട്രീസ് എന്നിവയാണ് നിഫ്റ്റിയിൽ മികച്ച നേട്ടമുണ്ടാക്കി മുന്നേറുന്ന ഓഹരികൾ.