സെൻസെക്സും നിഫ്റ്റിയും ഒരു ശതമാനം ഉയർന്നു, മെറ്റൽ ഓഹരികൾക്ക് മികച്ച നേട്ടം

ഇന്ത്യൻ ഓഹരികൾ വ്യാഴാഴ്ച ഒരു ശതമാനം ഉയർന്നു. സെൻസെക്സ് 409 പോയിന്റ് ഉയർന്ന് 36,737 എന്ന നിലയിലും നിഫ്റ്റി 108 പോയിന്റ് ഉയർന്ന് 10,813 ലും ക്ലോസ് ചെയ്തു. എച്ച്ഡിഎഫ്സി, ആർ‌ഐ‌എൽ, എച്ച്ഡി‌എഫ്സി ബാങ്ക്, ബജാജ് ഫിനാൻസ്, എസ്‌ബി‌ഐ എന്നിവയാണ് സൂചികയിൽ ഇന്ന് മികച്ച നേട്ടം കൈവരിച്ച ഓഹരികൾ. നിഫ്റ്റി മിഡ്‌കാപ്പ്, നിഫ്റ്റി സ്‌മോൾക്യാപ്പ് എന്നിവ യഥാക്രമം 0.4 ശതമാനവും 1.1 ശതമാനവും ഉയർന്നു.

ഹിൻഡാൽകോ, എച്ച്ഡിഎഫ്സി, എസ്‌ബി‌ഐ, ബജാജ് ഫിനാൻസ്, ടാറ്റ സ്റ്റീൽ എന്നിവയാണ് നിഫ്റ്റി 50 സൂചികയിൽ 6.5 ശതമാനം വരെ ഉയർന്നത്. ഭാരതി ഇൻഫാറ്റെൽ, കോൾ ഇന്ത്യ, ടെക് മഹീന്ദ്ര, ഒ‌എൻ‌ജി‌സി, ഹീറോ മോട്ടോ എന്നിവയ്ക്കാണ് നഷ്ടം നേരിട്ടത്.

സെൻസെക്സും നിഫ്റ്റിയും ഒരു ശതമാനം ഉയർന്നു, മെറ്റൽ ഓഹരികൾക്ക് മികച്ച നേട്ടം

നിഫ്റ്റി എഫ്എം‌സി‌ജി ഒഴികെയുള്ള എല്ലാ മേഖലാ സൂചികകളും ഇന്ന് നേട്ടം കൈവരിച്ചു. നിഫ്റ്റി മെറ്റൽ രണ്ട് ശതമാനം ഉയർന്നപ്പോൾ നിഫ്റ്റി ബാങ്ക്, നിഫ്റ്റി ഫിൻ സർവീസസ് 1.5 ശതമാനം വീതം ഉയർന്നു. നിഫ്റ്റി ഓട്ടോ, നിഫ്റ്റി ഫാർമ എന്നിവയും 0.4 ശതമാനം വീതം ഉയർന്നു. അതേസമയം, എഫ്എംസിജി സൂചിക 0.3 ശതമാനം ഇടിഞ്ഞു.

ഹിൻഡാൽകോ 6.5 ശതമാനത്തിലധികം ഉയർന്നത് മെറ്റൽ ഓഹരികൾ കുതിച്ചുയരാൻ കാരണമായി. ജെ‌എസ്‌പി‌എൽ, സെയിൽ എന്നിവ യഥാക്രമം 4 ശതമാനവും അഞ്ച് ശതമാനവും ഉയർന്നു.