സെൻസെക്സ് എക്കാലത്തെയും ഉയർന്ന നിരക്കായ 40,931.71 പോയിന്റിലെത്തി. എൻഎസ്ഇ നിഫ്റ്റിയും 12,050ന് മുകളിൽ വ്യാപാരം നടത്തി. സെൻസെക്സ് 572 പോയിന്റും നിഫ്റ്റി 170 പോയിന്റും നേട്ടം ഇന്ന് രേഖപ്പെടുത്തി. എച്ച്ഡിഎഫ്സി, ഭാരതി എയർടെൽ, ആക്സിസ് ബാങ്ക്, റിലയൻസ് ഇൻഡസ്ട്രീസ്, കൊട്ടക് മഹീന്ദ്ര ബാങ്ക് എന്നിവയാണ് ഏറ്റവും മികച്ച പ്രകടനം കാഴ്ച്ച വച്ച ഓഹരികൾ.
ബിഎസ്ഇ സെൻസെക്സ് 530 പോയിൻറ് അഥവാ 1.31 ശതമാനം ഉയർന്ന് 40,889.23 എന്ന നിലയിലാണ് ക്ലോസ് ചെയ്തത്. നിഫ്റ്റി 159 പോയിൻറ് അഥവാ 1.34 ശതമാനം ഉയർന്ന് 12,073.75ലും ക്ലോസ് ചെയ്തു. 30 ഓഹരികളുള്ള സെൻസെക്സിൽ ഒഎൻജിസിയും യെസ് ബാങ്കും രണ്ട് ശതമാനം വരെ ഇടിവ് രേഖപ്പെടുത്തി. ഭാരതി എയർടെൽ, ടാറ്റാ സ്റ്റീൽ, ഇൻഡസ്ഇൻഡ് ബാങ്ക്, ആക്സിസ് ബാങ്ക്, എച്ച്ഡിഎഫ്സി എന്നിവയാണ് ഏറ്റവും മികച്ച പ്രകടനം കാഴ്ച്ച വച്ച ഓഹരികൾ.
ബിഎസ്ഇ മിഡ്ക്യാപ് സൂചിക 1.17 ശതമാനവും സ്മോൾകാപ്പ് സൂചിക 0.81 ശതമാനം ഉയർന്നു. മേഖലാ സൂചികകളിൽ ബിഎസ്ഇ ടെലികോം 6.78 ശതമാനം ഉയർന്നു. മെറ്റൽ (3.34 ശതമാനം), റിയൽറ്റി (2.04 ശതമാനം), ബേസിക് മെറ്റീരിയൽസ് (2.02 ശതമാനം) എന്നിങ്ങനെയാണ് നേട്ടം രേഖപ്പെടുത്തിയത്. ലോകത്തിലെ രണ്ട് വലിയ സമ്പദ്വ്യവസ്ഥകൾ (യുഎസ്-ചൈന) തമ്മിലുള്ള ഒരു വ്യാപാര ഇടപാടിന്റെ പ്രതീക്ഷകൾ വിപണിയുടെ വികാരത്തിന് ഊർജം പകർന്നു.
പ്രധാന ആഗോള വിപണികൾ ഇന്ന് മികച്ച പ്രകടനം കാഴ്ച്ച വച്ചതിനാൽ പോസിറ്റീവ് ആഗോള വികാരം ഇന്ത്യൻ വിപണിയിലേക്കും വ്യാപിച്ചു. ഏഷ്യൻ രാജ്യങ്ങളിൽ ചൈന, ജപ്പാൻ, കൊറിയ എന്നിവിടങ്ങളിലും പ്രധാന സൂചികകൾ ഒരു ശതമാനം ഉയർന്നു. നിഫ്റ്റി 12,000 പോയിന്റിന് മുകളിലാണ് ഇന്ന് വ്യാപാരം അവസാനിപ്പിച്ചത്.