Click it and Unblock the Notifications
ബെഞ്ച്മാർക്ക് സൂചികകൾ ഇന്ന് നേട്ടത്തിൽ വ്യാപാരം അവസാനിപ്പിച്ചു. നിഫ്റ്റി 12,000 ലെവലിൽ അവസാനിച്ചപ്പോൾ സെൻസെക്സ് റെക്കോർഡ് ഉയരത്തിൽ നേട്ടം കൈവരിച്ചു. സെൻസെക്സ് 181.94 പോയിൻറ് ഉയർന്ന് 40651.64 എന്ന നിലയിലും നിഫ്റ്റി 59 പോയിന്റ് ഉയർന്ന് 11999.10 ലുമാണ് ക്ലോസ് ചെയ്തത്. ഏകദേശം 1190 ഓഹരികൾ ഇന്ന് മുന്നേറിയപ്പോൾ, 1339 ഓഹരികൾ ഇടിവ് രേഖപ്പെടുത്തി. 193 ഓഹരികൾ മാറ്റമില്ലാതെ തുടർന്നു.
ഇന്നത്തെ വ്യാപാരത്തിനിടെ ബിഎസ്ഇ സെൻസെക്സ് റെക്കോഡ് ഉയർന്ന നിലവാരമായ 40816.38 പോയിന്റ് വരെ ഉയർന്നിരുന്നു. സീ എന്റർടൈൻമെന്റ്, സൺ ഫാർമ, ഇൻഡസ്ഇൻഡ് ബാങ്ക്, ബിപിസിഎൽ, ഡോ. റെഡ്ഡീസ് ലബോറട്ടറീസ് എന്നിവ നിഫ്റ്റിയിൽ മികച്ച നേട്ടമുണ്ടാക്കിയപ്പോൾ, ഭാരതി ഇൻഫ്രാടെൽ, ഐഒസി, കൊട്ടക് മഹീന്ദ്ര ബാങ്ക്, ഐഷർ മോട്ടോഴ്സ്, ടാറ്റ സ്റ്റീൽ എന്നീ ഓഹരികൾക്ക് കനത്ത നഷ്ടം നേരിട്ടു.
നിഫ്റ്റി പിഎസ്യു ബാങ്ക് സൂചിക ഒഴികെ ഫാം, എനർജി, ഇൻഫ്ര, എഫ്എംസിജി തുടങ്ങി എല്ലാ സൂചികകളും ഇന്ന് നേട്ടത്തിലാണ് വ്യാപാരം അവസാനിപ്പിച്ചത്. നിഫ്റ്റി നിലവിലെ വർദ്ധനവ് തുടരുമെന്നും അടുത്ത ഏതാനും ആഴ്ചകൾക്കുള്ളിൽ 12,200 കടക്കുമെന്നുമാണ് വിദഗ്ധരുടെ അഭിപ്രായം.
കമ്പനി പ്രൊമോട്ടർമാർ കമ്പനിയിൽ 0.4 ശതമാനം അധിക ഓഹരികൾ സ്വന്തമാക്കിയതിനെത്തുടർന്ന് ഇന്ന് ജെ കുമാർ ഇൻഫ്രാ പ്രൊജക്റ്റിന്റെ ഓഹരി വില ആറ് ശതമാനത്തിലധികം വർദ്ധിച്ചു. ഇന്ത്യൻ രൂപയുടെ മൂല്യം ഡോളറിന് എതിരെ 71.90 എന്ന നിലയിലാണ് ക്ലോസ് ചെയ്തത്.
Sign in with Google