ഇന്ത്യൻ ഓഹരി വിപണി ഇന്ന് നേട്ടത്തിൽ വ്യാപാരം അവസാനിപ്പിച്ചു. സെൻസെക്സ് 59 പോയിന്റ് ഉയർന്ന് 41,932 എന്ന നിലയിലെത്തി. ഇന്നത്തെ ഏറ്റവും ഉയർന്ന നിരക്കായ 42,059 പോയിന്റ് നിലനിർത്താനായില്ലെങ്കിലും നേട്ടത്തിൽ തന്നെ ക്ലോസ് ചെയ്തു. കഴിഞ്ഞ ദിവസം 12,389 എന്ന പുതിയ ഉയരത്തിലെത്തിയ നിഫ്റ്റി ഇന്ന് 12,354 എന്ന നിലയിൽ ക്ലോസ് ചെയ്തു.
സെൻസെക്സ് ഓഹരികളിൽ ഇന്ന് ഏറ്റവും കൂടുതൽ നേട്ടമുണ്ടാക്കിയത് നെസ്ലെ ഇന്ത്യയാണ്. 3.5 ശതമാനം വർധനവാണ് നെസ്ലെ ഇന്ത്യ ഇന്ന് നേടിയത്. കൊട്ടക് മഹീന്ദ്ര ബാങ്ക്, ഭാരതി എയർടെൽ, എച്ച്യുഎൽ, ആർഐഎൽ ഓഹരികൾ ഒരു ശതമാനത്തിനും 1.3 ശതമാനത്തിനും ഇടയിൽ നേട്ടം കൈവരിച്ചു. ഇൻഡസ്ഇൻഡ് ബാങ്ക് ഓഹരികൾ ഇന്ന് ഒരു ശതമാനം ഇടിഞ്ഞു, നഷ്ടം മൂന്നാം ദിവസത്തിലേയ്ക്കും കടന്നു.
യുഎസ്-ഇറാൻ സംഘർഷം; ഓഹരി വിപണിയിൽ ഇന്ന് കനത്ത ഇടിവ്
ബിഎസ്ഇ മിഡ്ക്യാപ്പ്, സ്മോൾക്യാപ് സൂചികകൾ 0.75 ശതമാനം വീതം ഉയർന്ന് ഇന്ന് മികച്ച പ്രകടനം കാഴ്ചവച്ചു. ഗെയിൽ, ഭാരതി ഇൻഫ്രാടെൽ, എൻടിപിസി, ജെഎസ്ഡബ്ല്യു സ്റ്റീൽ, ഹിൻഡാൽകോ ഇൻഡസ്ട്രീസ് എന്നിവയാണ് നിഫ്റ്റിയിൽ നഷ്ടം ഏറ്റവും കൂടുതൽ നഷ്ടം നേരിട്ട ഓഹരികൾ.
മെറ്റൽ, ഊർജ്ജ ഓഹരികൾ ഒഴികെ മറ്റെല്ലാ സൂചികകളും നാമമാത്ര നേട്ടത്തോടെ അവസാനിച്ചു. ഗ്രാനുലസ് ഓഹരി വില 52 ആഴ്ചയിലെ ഏറ്റവും ഉയർന്ന നിരക്കായ 144.90 രൂപയിലെത്തി. 6 ശതമാനം വർധനവാണ് രേഖപ്പെടുത്തിയത്. കാംലിൻ ഫൈൻ സയൻസസ് ഓഹരി വില ഇന്ന് 4.6 ശതമാനം ഇടിഞ്ഞു.
സെൻസെക്സിലും നിഫ്റ്റിയിലും ഇന്ന് ഇടിവ്, ഐടി ഓഹരികൾ മികച്ച പ്രകടനം കാഴ്ച്ചവച്ചു