പെരുന്നാൾ ദിനത്തിൽ കുതിച്ച് ഓഹരി വിപണി, നിഫ്റ്റി ആദ്യമായി 75,000-ത്തിന് മുകളിൽ, 183 ഓഹരികൾക്ക് മികച്ച നേട്ടം

ലോകം മുഴുവൻ ഈദ് മുബാറക് ആഘോഷത്തിലാണ്. പരസ്പരം സമ്മാനങ്ങൾ കൈമാറിയും സ്നേഹം പങ്കിട്ടും മനുഷ്യർ സന്തോഷിക്കുന്നു. ആഭ്യന്തര ഓഹരി വിപണിയും ആ ആഘോഷത്തിനൊപ്പം ചേരുകയാണ്. ബുധനാഴ്ച വലിയ മുന്നേറ്റമാണ് ഓഹരി വിപണിയിലുണ്ടായത്. ചരിത്രത്തിലാദ്യമായി സെൻസെക്സ് 75,000 പോയിന്‍റ് കടന്നു.

ആകെ പോസിറ്റീവ്

ബിഎസ്ഇ സെന്‍സെക്സ് 354.45 പോയിന്‍റ് അഥവാ 0.47 ശതമാനം ഉയര്‍ന്ന് 75,038.15 എന്ന നിലയില്‍ ക്ലോസ് ചെയ്തു. എന്‍എസ്ഇയുടെ നിഫ്റ്റി 111.05 പോയിന്‍റ് അഥവാ 0.49 ശതമാനം ഉയര്‍ന്ന് 22,753.80 എന്ന റെക്കോര്‍ഡ് ഉയരത്തില്‍ ക്ലോസ് ചെയ്തു. ഫെഡ് ഓപ്പണ്‍ മാര്‍ക്കറ്റ് കമ്മിറ്റി മിനിറ്റുസും യുഎസ് പണപ്പെരുപ്പ ഡാറ്റയും ബുധനാഴ്ച പുറത്തുവരാനിരിക്കുന്നതിലാണ് നിക്ഷേപകരുടെ ശ്രദ്ധ. സമ്മിശ്ര ആഗോള സൂചനകൾക്കിടയിലും സെക്ടറുകളിലുടനീളം ആരോഗ്യകരമായ വാങ്ങലുകൾക്ക് സാക്ഷ്യം വഹിച്ചു.

നിരക്ക് കുറയ്ക്കൽ, ആരോഗ്യകരമായ കോർപ്പറേറ്റ് വരുമാനം, ലോക്‌സഭാ തിരഞ്ഞെടുപ്പിന് ശേഷമുള്ള രാഷ്ട്രീയ സ്ഥിരത എന്നിവയുടെ പ്രതീക്ഷകൾക്കിടയിലുള്ള ഇന്ത്യയുടെ ശക്തമായ സാമ്പത്തിക വളർച്ചാ കാഴ്ചപ്പാട് അടിസ്ഥാന വികാരത്തെ പോസിറ്റീവായി നിലനിർത്തുന്നു.

നേട്ടം 2 ലക്ഷം കോടി

ബിഎസ്ഇ മിഡ്‌ക്യാപ് സൂചിക സെൻസെക്‌സിനെ മറികടന്ന് 0.89 ശതമാനം കുതിച്ചുയർന്നപ്പോൾ സ്‌മോൾക്യാപ് സൂചിക 0.46 ശതമാനം ഉയർന്നു.ബിഎസ്ഇയിൽ ലിസ്റ്റ് ചെയ്തിട്ടുള്ള സ്ഥാപനങ്ങളുടെ മൊത്തത്തിലുള്ള മാർക്കറ്റ് ക്യാപിറ്റലൈസേഷൻ കഴിഞ്ഞ സെഷനിലെ ഏകദേശം 400 ലക്ഷം കോടി രൂപയിൽ നിന്ന് ഏകദേശം 402.2 ലക്ഷം കോടി രൂപയായി ഉയർന്നു. അതായത് ഇന്നത്തെ ഒരു സെഷനിൽ നിന്ന് മാത്രം നിക്ഷേപകരുടെ കയ്യിലെത്തിയത് 2 ലക്ഷം കോടി രൂപയോളമാണ്.

52 ആഴ്ചയിലെ ഏറ്റവും ഉയരത്തിൽ

ഐസിഐസിഐ ബാങ്ക്, മഹീന്ദ്ര ആൻഡ് മഹീന്ദ്ര, എൻടിപിസി, ടാറ്റ പവർ , വേദാന്ത , സൊമാറ്റോ , ഇൻഡിഗോ, ഐഷർ മോട്ടോഴ്‌സ് , ഡിമാർട്ട്, ഗെയിൽ എന്നിവയുൾപ്പെടെ 183 ഓഹരികൾ ബിഎസ്ഇയിലെ ഇൻട്രാഡേ ട്രേഡിൽ 52 ആഴ്‌ചയിലെ ഏറ്റവും ഉയർന്ന നിലയിലെത്തി.

ഏറ്റവും ഉയർന്ന നേട്ടം

നിഫ്റ്റി 50 സൂചികയിൽ 32 ഓഹരികൾ നേട്ടത്തിലാണ് അവസാനിച്ചത്. കോൾ ഇന്ത്യ (3.56 ശതമാനം), ബിപിസിഎൽ (3.46 ശതമാനം), ഐടിസി (2.26 ശതമാനം) എന്നിവയുടെ ഓഹരികൾ മികച്ച നേട്ടമുണ്ടാക്കി.

ഏറ്റവും വലിയ നഷ്ടം

എച്ച്‌ഡിഎഫ്‌സി ലൈഫ് ഇൻഷുറൻസ് കമ്പനി (2.04 ശതമാനം ഇടിവ്), സിപ്ല (1.68 ശതമാനം ഇടിവ്), മാരുതി സുസുക്കി (1.65 ശതമാനം ഇടിവ്) എന്നിവയുടെ ഓഹരികളാണ് നിഫ്റ്റി 50 സൂചികയിൽ ഏറ്റവും കൂടുതൽ ഇടിവ് നേരിട്ടത്.

നിഫ്റ്റി ഫാർമ (0.34 ശതമാനം ഇടിവ്), ഓട്ടോ (0.06 ശതമാനം ഇടിവ്) എന്നിവ ഒഴികെ മിക്ക മേഖലാ സൂചികകളും ബുധനാഴ്ച നേട്ടത്തിലാണ് അവസാനിച്ചത്. ഹെവിവെയ്റ്റ് നിഫ്റ്റി ബാങ്ക് സൂചിക 0.53 ശതമാനം ഉയർന്ന് ക്ലോസ് ചെയ്തു.

നിഫ്റ്റി മീഡിയ (1.80 ശതമാനം വർധന), പിഎസ്‌യു ബാങ്ക് (1.53 ശതമാനം), ഓയിൽ ആൻഡ് ഗ്യാസ് (1.50 ശതമാനം), എഫ്എംസിജി (1.23 ശതമാനം), മെറ്റൽ (1.18 ശതമാനം വരെ) എന്നിവ കാര്യമായ നേട്ടത്തോടെ അവസാനിച്ചു.

നാളെ അവധി

ഈദുൽ ഫിത്തർ പ്രമാണിച്ച് ഇന്ത്യൻ ഓഹരി വിപണിക്ക് നാളെ അവധിയാണ്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.