ഇന്ത്യൻ ബെഞ്ച്മാർക്ക് സൂചികകളായ സെൻസെക്സും നിഫ്റ്റിയും ഇന്ന് നഷ്ട്ടത്തിൽ വ്യാപാരം അവസാനിപ്പിച്ചു. ബാങ്ക്, എനർജി ഓഹരികളാണ് ഇന്ന് ഏറ്റവും കൂടുതൽ നഷ്ടം രേഖപ്പെടുത്തിയത്. സെൻസെക്സ് 335.06 പോയിൻറ് അഥവാ 0.88 ശതമാനം കുറഞ്ഞ് 37,736.07 ൽ എത്തി. നിഫ്റ്റിക്ക് 100.70 പോയിൻറ് അഥവാ 0.90 ശതമാനം നഷ്ടത്തിൽ 11,102.15 ലെവലിൽ എത്തി. നിഫ്റ്റി മിഡ്ക്യാപ്, നിഫ്റ്റി സ്മോൾകാപ്പ് സൂചികകളും യഥാക്രമം 0.75 ശതമാനവും 1.06 ശതമാനവും കുറഞ്ഞു.
ഇൻഡക്സ് ഇൻഡ് ബാങ്ക്, എച്ച്ഡിഎഫ്സി, ആക്സിസ് ബാങ്ക് തുടങ്ങിയ ഓഹരികളുടെ നഷ്ടം ഇന്ന് നിഫ്റ്റിയെ ഏറ്റവും താഴ്ന്ന നിലയിലേക്ക് എത്തിച്ചു. ഹൌസിംഗ് ഫിനാൻസ് കോർപ്പറേഷൻ ലിമിറ്റഡ് (എച്ച്ഡിഎഫ്സി) ഓഹരികൾ ഇന്ന് മൂന്ന് ശതമാനം ഇടിഞ്ഞു. 2021 സാമ്പത്തിക വർഷത്തിന്റെ ആദ്യ പാദത്തിൽ 3,051.5 കോടി രൂപയുടെ അറ്റാദായമാണ് എച്ച്ഡിഎഫ്സി നേടിയത്. കഴിഞ്ഞ വർഷം ഇതേ കാലയളവിൽ ഇത് 3,203.1 കോടി രൂപയായിരുന്നു.
സെൻസെക്സിൽ 550 പോയിന്റ് കുതിപ്പ്, നിഫ്റ്റി 11,300ൽ ക്ലോസ് ചെയ്തു; ഓട്ടോ, മെറ്റൽ ഓഹരികൾക്ക് നേട്ടം
യൂറോപ്പിലെ STOXX 600 ഇന്ന് 0.7 ശതമാനം ഇടിഞ്ഞു. 49 രാജ്യങ്ങളിലെ ഓഹരികൾ ട്രാക്കുചെയ്യുന്ന എംഎസ്സിഐ ലോക ഇക്വിറ്റി സൂചിക 0.3 ശതമാനം ഇടിഞ്ഞു.
ഓഹരി വിപണിയിൽ ഇന്ന് നേട്ടത്തിൽ തുടക്കം, ബാങ്ക് ഓഹരികൾക്ക് നേട്ടം