സെൻസെക്സിൽ നേരിയ നഷ്ടം, നിഫ്റ്റിയിൽ നേരിയ നേട്ടം; മെറ്റൽ ഓഹരികൾ തിളങ്ങി

ഇന്ത്യൻ ബെഞ്ച്മാർക്ക് ഇക്വിറ്റി സൂചികകളായ സെൻസെക്സ് നേരിയ നഷ്ടത്തിലും നിഫ്റ്റി നേരിയ നേട്ടത്തിലും ഇന്ന് വ്യാപാരം അവസാനിപ്പിച്ചു. സെൻസെക്സ് 24.58 പോയിന്റ് അഥവാ 0.07 ശതമാനം താഴ്ന്ന് 37,663.33 എന്ന നിലയിലെത്തി. നിഫ്റ്റി 24.85 പോയിന്റ് അഥവാ 0.22 ശതമാനം ഉയർന്ന് 11,120.10 ൽ എത്തി. നിഫ്റ്റി മിഡ്‌ക്യാപ്പ് 0.5 ശതമാനവും നിഫ്റ്റി സ്‌മോൾകാപ്പ് സൂചിക ഒരു ശതമാനത്തിലധികം ഉയർന്നു. മേഖല സൂചികകളിൽ നിഫ്റ്റി മെറ്റൽ ഏറ്റവും കൂടുതൽ നേട്ടം കൈവരിച്ചു. 4 ശതമാനത്തിലധികമാണ് മെറ്റൽ ഓഹരികൾ ഉയർന്നത്.

സെൻസെക്സിൽ നേരിയ നഷ്ടം, നിഫ്റ്റിയിൽ നേരിയ നേട്ടം; മെറ്റൽ ഓഹരികൾ തിളങ്ങി

നിഫ്റ്റി ഓട്ടോയ്ക്ക് രണ്ട് ശതമാനത്തിലധികം നേട്ടമുണ്ടാക്കി. നിഫ്റ്റി ഫാർമയും നിഫ്റ്റി എഫ്എംസിജിയും നഷ്ടത്തിൽ വ്യാപാരം അവസാനിപ്പിച്ചു. ആക്സിസ് ബാങ്കിന്റെ ഓഹരി വില ഇന്ന് ഒരു ശതമാനം ഉയർന്നു. 2020 ജൂണിൽ അവസാനിച്ച പാദത്തിൽ സൺ ഫാർമ അഡ്വാൻസ്ഡ് റിസർച്ച് കമ്പനി മികച്ച നേട്ടം കൈവരിച്ചതിനെ തുടർന്ന് ഓഹരികൾ ആറ് ശതമാനം ഉയർന്നു. കമ്പനി ഒന്നാം പാദത്തിൽ 56.69 കോടി രൂപയുടെ അറ്റാദായം നേടി. കഴിഞ്ഞ വർഷം ഇത് 94.19 കോടി രൂപയുടെ നഷ്ടമായിരുന്നു. ഈ കാലയളവിൽ പ്രവർത്തനങ്ങളിൽ നിന്നുള്ള വരുമാനം 17.32 കോടിയിൽ നിന്ന് 185.45 കോടി രൂപയായി ഉയർന്നു.