ഓഹരി വിപണിയിൽ ഇന്ന് നേട്ടം; അവസാന മണിക്കൂറിൽ സമ്മർദ്ദം

ഓഹരി വിപണിയിൽ ഇന്ന് നേട്ടം കൈവരിക്കാനായെങ്കിലും അവസാന മണിക്കൂർ വിൽപ്പന ഇന്നത്തെ ഇൻട്രാഡേ നേട്ടങ്ങൾ ഇല്ലാതാക്കി. നിഫ്റ്റി 11,900 പോയിന്റിന് അടുത്താണ് ഇന്ന് ക്ലോസ് ചെയ്തത്. സെൻസെക്സ് 70.21 പോയിന്റ് ഉയർന്ന് 40,356.69ലും നിഫ്റ്റി 23.20 പോയിന്റ് ഉയർന്ന് 11,895.30ലുമാണ് വ്യാപാരം അവസാനിപ്പിച്ചത്.

ഭാരതി ഇൻഫ്രാടെൽ, ഭാരതി എയർടെൽ, എസ്‌ബി‌ഐ, സീ എന്റർ‌ടൈൻ‌മെന്റ്, ഗ്രാസിം ഇൻഡസ്ട്രീസ് എന്നിവയാണ് നിഫ്റ്റിയിൽ മികച്ച നേട്ടമുണ്ടാക്കിയ ഓഹരികൾ. ഐ‌ഒ‌സി, ഹീറോ മോട്ടോകോർപ്പ്, ബി‌പി‌സി‌എൽ, മാരുതി സുസുക്കി, ഐ‌ടി‌സി എന്നീ ഓഹരികൾക്കാണ് ഇന്ന് നഷ്ടം നേരിട്ടത്. ഓട്ടോ, എനർജി, ഐടി, മെറ്റൽ എന്നീ മേഖലകളിലാണ് ഇന്ന് ഏറ്റവും കൂടുതൽ വിൽപ്പന നടന്നത്. ബാങ്ക്, ഫാർമ, ഇൻഫ്രാ മേഖലകൾ ഇന്ന് വാങ്ങലുകൾക്ക് സാക്ഷ്യം വഹിച്ചു.

ഓഹരി വിപണിയിൽ ഇന്ന് നേട്ടം; അവസാന മണിക്കൂറിൽ സമ്മർദ്ദം

ക്യാപിറ്റൽ മാർക്കറ്റ് സബ്സിഡിയറിയിലെ ഓഹരി വിൽപ്പന അറിയിച്ചതിനെത്തുടർന്ന് ഇന്ന് എൽ ആൻഡ് ടി ഫിനാൻസ് ഹോൾഡിംഗ്സിന്റെ ഓഹരികൾ 2.6 ശതമാനം ഉയർന്നു. പിസി ജ്വല്ലറിന്റെ ഓഹരി വില ഇന്ന് 5 ശതമാനം ഇടിഞ്ഞു. ജ്വല്ലറിയുടെ രണ്ടാം പാദ അറ്റാദായം 51.2 ശതമാനം ഇടിഞ്ഞ് 46.4 കോടി രൂപയായതിനെ തുടർന്നായിരുന്നു ഇടിവ്. പേജ് ഇൻഡസ്ട്രീസി ഓഹരികൾ ഏകദേശം 5 ശതമാനം നേട്ടമുണ്ടാക്കി. രണ്ടാം പാദത്തിൽ 159.4 കോടി രൂപയുടെ നഷ്ടം രേഖപ്പെടുത്തിയതിനെത്തുടർന്ന് ജി‌വി‌കെ പവർ അഞ്ച് ശതമാനം ഇടിഞ്ഞു.

ഇന്നലെ സെൻസെക്സ് 170.42 പോയിന്റ്, അഥവാ 0.42 ശതമാനം ഉയർന്ന് 40286.48 എന്ന നിലയിലും നിഫ്റ്റി 30 പോയിന്റ് അഥവാ 0.25 ശതമാനം ഉയർന്ന് 11870.50 എന്ന നിലയിലുമാണ് ഇന്ന് വ്യാപാരം അവസാനിപ്പിച്ചത്. ഐസിഐസിഐ ബാങ്ക്, ഇൻഫോസിസ്, ബജാജ് ഫിനാൻസ്,, ടിസിഎസ്, എച്ച്ഡിഎഫ്സി ബാങ്ക് എന്നിവയാണ് ഇന്നലെ ഏറ്റവും കൂടുതൽ നേ‍ട്ടമുണ്ടാക്കിയ ഓഹരികൾ.