സെൻസെക്സ് 40,000 വീണ്ടെടുത്തു, നിഫ്റ്റിയിൽ 1% നേട്ടം; ഐടി ഓഹരികൾ കുതിക്കുന്നു

ഇന്ത്യൻ ഓഹരി വിപണിയിൽ ഇന്ന് കുതിപ്പ്. ഐടി ഓഹരികളാണ് ഇന്ന് ഏറ്റവും മികച്ച പ്രകടനം കാഴ്ച്ച വയ്ക്കുന്നത്. രാവിലെ 09:16ന് സെൻസെക്സ് 386.55 പോയിൻറ് അഥവാ 0.97% ഉയർന്ന് 40265.50ൽ എത്തി. നിഫ്റ്റി 110.60 പോയിൻറ് അഥവാ 0.94% ഉയർന്ന് 11849.50 ൽ എത്തി. ഏകദേശം 725 ഓഹരികൾ മുന്നേറി, 235 ഓഹരികൾ ഇടിഞ്ഞു, 45 ഓഹരികൾ മാറ്റമില്ലാതെ തുടരുന്നു.

സെൻസെക്സ് 40,000 വീണ്ടെടുത്തു, നിഫ്റ്റിയിൽ 1% നേട്ടം; ഐടി ഓഹരികൾ കുതിക്കുന്നു

നിഫ്റ്റി 50 സൂചികയിലെ മികച്ച 5 നേട്ടങ്ങൾ ഐടി ഓഹരികളാണ് നയിക്കുന്നത്. ടി‌സി‌എസാണ് ഏറ്റവും കൂടുതൽ നേട്ടമുണ്ടാക്കിയത്. വിപ്രോ, ടെക് മഹീന്ദ്ര, എച്ച്സി‌എൽ ടെക്, ഇൻ‌ഫോസിസ് എന്നിവ 3 ശതമാനത്തിനും ആറ് ശതമാനത്തിനും ഇടയിൽ ഉയർന്നു. ബിഎസ്ഇ സെൻസെക്സിൽ ബജാജ് ഓട്ടോ, പവർഗ്രിഡ്, ഒൻജിസി, ഏഷ്യൻ പെയിന്റ്, ടൈറ്റാൻ എന്നിവയാണ് നഷ്ടത്തിൽ വ്യാപാരം നടത്തുന്നത്.

2020 ഒക്ടോബർ 13 ന് നടക്കാനിരിക്കുന്ന യോഗത്തിൽ കമ്പനിയുടെ ഇക്വിറ്റി ഓഹരികൾ തിരിച്ചുവാങ്ങാനുള്ള നിർദ്ദേശം ബോർഡ് ഡയറക്ടർമാർ പരിഗണിക്കുന്നതിനാൽ ഇന്ന് വിപ്രോ ഓഹരി വില 4 ശതമാനം ഉയർന്നു. ആർ‌ബി‌എൽ ബാങ്ക് ഓഹരി വിലയും ഇന്ന് രണ്ട് ശതമാനം ഉയർന്നു. ഇന്ത്യൻ രൂപ ഇന്ന് 73.33 എന്ന നിരക്കിലാണ് വ്യാഴാഴ്ച വ്യാപാരം ആരംഭിച്ചത്.