ഓഹരി വിപണിയിൽ ഇന്ന് നേരിയ ഇടിവ്; ഐ‌ടി‌സിയ്ക്ക് മികച്ച നേട്ടം

അന്താരാഷ്ട്ര നാണയ നിധി (ഐ‌എം‌എഫ്) ഇന്ത്യയുടെ വളർച്ച നിരക്ക് വെട്ടിക്കുറയ്ക്കുകയും മാന്ദ്യം രൂക്ഷമായിരിക്കുമെന്ന് പ്രവചിക്കുകയും ചെയ്തതോടെ വ്യാഴാഴ്ച ഇന്ത്യൻ ഓഹരികൾ നേട്ടങ്ങൾക്കും നഷ്ടങ്ങൾക്കും ഇടയിലായി. സെൻസെക്സ് 27 പോയിന്റ് കുറഞ്ഞ് 34,842 ലും നിഫ്റ്റി 16 പോയിന്റ് കുറഞ്ഞ് 10,289 ലും എത്തി. അതേസമയം, നിഫ്റ്റി മിഡ്‌ക്യാപ്, നിഫ്റ്റി സ്‌മോൾകാപ്പ് സൂചികകൾ യഥാക്രമം 0.9 ശതമാനവും 0.6 ശതമാനവും ഉയർന്നു.

2020 ൽ ഇന്ത്യൻ സമ്പദ്‌വ്യവസ്ഥയുടെ വളർച്ച 4.5 ശതമാനമായി കുറയുമെന്ന് ഐ‌എം‌എഫ് ബുധനാഴ്ച വൈകുന്നേരം പ്രവചിച്ചു. ആഗോള ഉൽ‌പാദനം ഈ വർഷം 4.9 ശതമാനമായി കുറയുമെന്നും ഐഎംഎഫ് വ്യക്തമാക്കി. ഏപ്രിലിൽ പ്രവചിച്ച 3 ശതമാനം ഇടിവിനേക്കാൾ കൂടുതലാണിത്. ഐടിസി, ഹീറോ മോട്ടോ, കൊട്ടക് ബാങ്ക്, ബജാജ് ഫിനാൻസ്, ഗെയിൽ എന്നിവയാണ് മികച്ച നേട്ടം കൈവരിച്ച ഓഹരികൾ. ഏഷ്യൻ പെയിന്റ്സ്, ഹിൻഡാൽകോ, ഐഒസി, ഐഷർ മോട്ടോഴ്സ്, എച്ച്സിഎൽ ടെക് എന്നിവയ്ക്കാണ് ഇന്ന് നഷ്ടം നേരിട്ടത്.

ഓഹരി വിപണിയിൽ ഇന്ന് നേരിയ ഇടിവ്; ഐ‌ടി‌സിയ്ക്ക് ഇന്ന് മികച്ച നേട്ടം

നിഫ്റ്റി എഫ്എം‌സിജിയും നിഫ്റ്റി ഫാർമയും യഥാക്രമം രണ്ട് ശതമാനവും 0.8 ശതമാനവും ഉയർന്നു. അതേസമയം, നിഫ്റ്റി ബാങ്ക് 0.4 ശതമാനം ഉയർന്നു. നിഫ്റ്റി ഐടി, നിഫ്റ്റി റിയൽറ്റി എന്നിവ ഒരു ശതമാനവും നിഫ്റ്റി മെറ്റൽ 0.7 ശതമാനവും ഇടിഞ്ഞു.