സെൻസെക്സ് കുതിച്ചുയർന്നു, 600 പോയിന്റ് നേട്ടം; ഇന്ന് വിപണിയെ നയിക്കുന്ന പ്രധാന ഘടകങ്ങൾ

ജോ ബൈഡൻ അമേരിക്കൻ പ്രസിഡന്റാകാനുള്ള ശക്തമായ സാധ്യത നിക്ഷേപകർ ആഘോഷിച്ചതിനാൽ ഇന്ത്യൻ ഓഹരി വിപണിയിലും ഇന്ന് നേട്ടം. വിപണിയിലെ എല്ലാ മേഖലാ സൂചികകളും ഇന്നും മികച്ച പ്രകടനമാണ് കാഴ്ച്ച വയ്ക്കുന്നത്. യുഎസിൽ നിന്ന് ആരാകും പ്രസിഡന്റ് എന്ന കാര്യത്തിൽ കൂടുതൽ വ്യക്തത പുറത്തുവന്നതോടെ ഇന്ത്യൻ വിപണി കൂടുതൽ സജീവമായി. ഇന്ന് വിപണികളെ നയിക്കുന്ന ഘടകങ്ങൾ എന്തെല്ലാമാണെന്ന് പരിശോധിക്കാം.

യുഎസ് തിരഞ്ഞെടുപ്പ്

ജോ ബൈഡൻ യുഎസിലെ അടുത്ത പ്രസിഡന്റാകാൻ സാധ്യതയുണ്ടെന്ന് റിപ്പോർട്ടുകൾ പുറത്തു വന്നത് വിപണിയെ ഇന്ന് സ്വാധീനിച്ച പ്രധാന ഘടകമാണ്. റിപ്പബ്ലിക്കൻ, ഡെമോക്രാറ്റിക് പാർട്ടികൾ സെനറ്റിന്റെയും ജനപ്രതിനിധിസഭയുടെയും നിയന്ത്രണം നിലനിർത്തുമെന്ന് നിക്ഷേപകർ പ്രതീക്ഷിക്കുന്നു.

യുകെയിലെ നെഗറ്റീവ് നിരക്കുകൾ

നെഗറ്റീവ് പലിശ നിരക്കിലേക്കുള്ള നീക്കം ബാങ്ക് ഓഫ് ഇംഗ്ലണ്ട് പരിഗണിക്കുന്നതായി ടെലിഗ്രാഫ് പത്രം ബുധനാഴ്ച റിപ്പോർട്ട് ചെയ്തിരുന്നു. സെൻട്രൽ ബാങ്കിന്റെ നവംബറിലെ ധനനയ തീരുമാനത്തിന് മുന്നോടിയായി പുറത്തു വന്ന റിപ്പോർട്ടാണിത്.

യുഎസ് ഫെഡറൽ മീറ്റിംഗ്

ഫെഡറൽ ഓപ്പൺ മാർക്കറ്റ് കമ്മിറ്റിയുടെ (എഫ്ഒഎംസി) തീരുമാനങ്ങൾ പുറത്തു വരാനിരിക്കുന്നതും വിപണിയെ സ്വാധീനിച്ചിട്ടുണ്ട്. പകർച്ചവ്യാധി ബാധിച്ച സമ്പദ്‌വ്യവസ്ഥയെ പിന്തുണയ്ക്കാനും പലിശനിരക്കുകളിൽ മാറ്റമില്ലാതെ തുടരാനുമുള്ള സാധ്യതകളാണ് നിലനിൽക്കുന്നത്.

സേവനമേഖല 8 മാസത്തിനുശേഷം സജീവമായി

ഇന്ത്യയിലെ പ്രമുഖ സേവന വ്യവസായത്തിലെ മേഖല ഒക്ടോബറിൽ എട്ട് മാസത്തിനിടെ ആദ്യമായി ഉയർന്നു. ആവശ്യങ്ങൾ വർദ്ധിച്ചെങ്കിലും മഹാമാരി ബാധിത സ്ഥാപനങ്ങൾ ജോലികൾ വെട്ടിക്കുറയ്ക്കുന്നത് തുടരുകയാണെന്ന് സ്വകാര്യ സർവേ ബുധനാഴ്ച വ്യക്തമാക്കി. സെപ്റ്റംബറിലെ 49.8ൽ നിന്ന് ഒക്ടോബറിൽ നിക്കി / ഐഎച്ച്എസ് മാർക്കിറ്റ് സർവീസസ് പിഎംഐ 54.1 ആയി ഉയർന്നു.

സെൻസെക്സും നിഫ്റ്റിയും

ഒരു ഇടവേളയ്‌ക്ക് ശേഷം, ബെഞ്ച്മാർക്ക് സൂചികകൾ ഓപ്പണിംഗ് സെഷനുശേഷം നേട്ടം നിലനിർത്തി. രാവിലെ 11.27 ന് ബി‌എസ്‌ഇ സെൻസെക്സ് 593.79 പോയിൻറ് അഥവാ 1.46 ശതമാനം ഉയർന്ന് 41,209.93ൽ എത്തി. എൻ‌എസ്‌ഇ ബെഞ്ച്മാർക്ക് സൂചികയായ നിഫ്റ്റി 174.50 പോയിൻറ് അഥവാ 1.47 ശതമാനം ഉയർന്ന് 12,083 ലെത്തി. നിഫ്റ്റിയിൽ എസ്‌ബി‌ഐയാണ് ഏറ്റവും കൂടുതൽ നേട്ടമുണ്ടാക്കിയത്. 5.58 ശതമാനം നേട്ടമാണ് എസ്ബിഐ ഓഹരികൾ ഇന്ന് കൈവരിച്ചിരിക്കുന്നത്.

നേട്ടവും നഷ്ടവും

എച്ച്സി‌എൽ ടെക്, ഗ്രാസിം ഇൻഡസ്ട്രീസ്, ബി‌പി‌സി‌എൽ, യു‌പി‌എൽ, നെസ്‌ലെ ഇന്ത്യ, ഏഷ്യൻ പെയിന്റ്സ്, ടെക് മഹീന്ദ്ര, ഇൻ‌ഫോസിസ് എന്നിവയാണ് മുന്നേറുന്ന മറ്റ് ഓഹരികൾ. ഹീറോ മോട്ടോ മാത്രമാണ് 0.81 ശതമാനം ഇടിവ് രേഖപ്പെടുത്തിയത്. നിഫ്റ്റി സ്മോൾകാപ്പ് 1.21 ശതമാനവും നിഫ്റ്റി മിഡ്കാപ്പ് 0.77 ശതമാനവും ഉയർന്നു. എൻ‌എസ്‌ഇയിലെ ഏറ്റവും വലിയ സൂചികയായ നിഫ്റ്റി 500 1.14 ശതമാനം ഉയർന്നു.

ആഗോള വിപണികൾ

ജപ്പാനിലെ നിക്കി 1.1 ശതമാനം ഉയർന്ന് ഒമ്പത് മാസത്തെ ഏറ്റവും ഉയർന്ന നിലയിലും ദക്ഷിണ കൊറിയൻ വിപണി 1.5 ശതമാനമായും ഉയർന്നു. ചൈനീസ് ബ്ലൂ ചിപ്പുകൾ 0.8 ശതമാനം നേട്ടമുണ്ടാക്കി. എസ് ആന്റ് പി 500 ന്റെ ഇ-മിനി ഫ്യൂച്ചറുകൾ 0.1 ശതമാനം ഉയർന്നു, ഒറ്റരാത്രികൊണ്ട് മികച്ച നേട്ടങ്ങൾക്ക് ശേഷം, യൂറോസ്റ്റോക്സ് 50 ഫ്യൂച്ചറുകൾ 0.3 ഇടിഞ്ഞു.