സെൻസെക്സിൽ ഇന്ന് 282 പോയിന്റ് നേട്ടം, നിഫ്റ്റി 12,850 ന് മുകളിൽ; ഫിനാൻസ് ഓഹരികൾക്ക് മുന്നേറ്റം

ഇന്ത്യൻ സൂചികകൾ വെള്ളിയാഴ്ച മികച്ച നേട്ടം കൈവരിച്ചു. ഐടി, എഫ്എംസിജി ഓഹരികളാണ് ഇന്നത്തെ നേട്ടത്തിന് കാരണമായത്. സെൻസെക്സ് 282 പോയിന്റ് ഉയർന്ന് 43,882 എന്ന നിലയിലും നിഫ്റ്റി 72 പോയിന്റ് ഉയർന്ന് 12,844 ലുമാണ് ക്ലോസ് ചെയ്തത്. ഈ ആഴ്‌ചയിൽ, ബെഞ്ച്മാർക്കുകൾ ഒരു ശതമാനം ഉയർന്നു. നിഫ്റ്റി മിഡ്‌ക്യാപ്, നിഫ്റ്റി സ്‌മോൾകാപ്പ് സൂചികകൾ യഥാക്രമം 0.8 ശതമാനവും 1.2 ശതമാനവും ഉയർന്നു.

സെൻസെക്സിൽ ഇന്ന് 282 പോയിന്റ് നേട്ടം, നിഫ്റ്റി 12,850 ന് മുകളിൽ; ഫിനാൻസ് ഓഹരികൾക്ക് മുന്നേറ്റം

മേഖല സൂചികകളിൽ നിഫ്റ്റി ഫിൻ സർവീസസ്, നിഫ്റ്റി ഐടി എന്നിവ 1.5 ശതമാനം വീതവും നിഫ്റ്റി എഫ്എംസിജി ഒരു ശതമാനം ഉയർന്നു. നിഫ്റ്റി ബാങ്ക് 0.8 ശതമാനവും നിഫ്റ്റി മെറ്റൽ 0.5 ശതമാനവും ഉയർന്നു. എന്നാൽ, നിഫ്റ്റി മീഡിയയും നിഫ്റ്റി ഫാർമയും ഇന്ന് നഷ്ടത്തിലാണ് വ്യാപാരം അവസാനിപ്പിച്ചത്. നിഫ്റ്റി 50 സൂചികയിൽ ബജാജ് ഫിൻ‌സെർവ്, ടൈറ്റൻ, ഗെയ്ൽ, ബജാജ് ഫിനാൻസ്, ഭാരതി എയർടെൽ എന്നിവയാണ് ഏറ്റവും ഉയർന്നത്.

കൊട്ടക് മഹീന്ദ്ര ബാങ്കിന്റെയും ബജാജ് ഫിനാൻസിന്റെ നേതൃത്വത്തിലാണ് ധനകാര്യ ഓഹരികൾ ഇന്ന് മുന്നേറിയത്. ടെലികോം, കൺസ്യൂമർ ഡ്യൂറബിൾസ് ഓഹരിളും ഇന്ന് മികച്ച നേട്ടത്തിലാണ് വ്യാപാരം അവസാനിപ്പിച്ചത്.