സെൻസെക്സ് 437 പോയിന്റ് ഉയർന്നു, നിഫ്റ്റി 13,600 ന് മുകളിൽ ക്ലോസ് ചെയ്തു

സമ്മിശ്ര ആഗോള സൂചനകൾക്കിടയിൽ ഓഹരി വിപണി ഇന്ന് മികച്ച നേട്ടം കൈവരിച്ചു. സെൻസെക്സ് 437 പോയിൻറ് അഥവാ 0.95 ശതമാനം ഉയർന്ന് 46,444.18 ലും നിഫ്റ്റി 135 പോയിൻറ് അഥവാ ഒരു ശതമാനം ഉയർന്ന് 13,601.10 ലും ക്ലോസ് ചെയ്തു. മിഡ്, സ്മോൾക്യാപ് ഓഹരികളും ഇന്ന് മികച്ച പ്രകടനം കാഴ്ച്ച വച്ചു. ബി‌എസ്‌ഇ മിഡ്‌ക്യാപ്, സ്‌മോൾകാപ്പ് സൂചികകൾ യഥാക്രമം 2.40 ശതമാനവും 2.65 ശതമാനവും ഉയർന്നു.

സെൻസെക്സ് 437 പോയിന്റ് ഉയർന്നു, നിഫ്റ്റി 13,600 ന് മുകളിൽ ക്ലോസ് ചെയ്തു

ഐടി ഓഹരികളാണ് ഇന്നത്തെ നേട്ടത്തിന് നേതൃത്വം നൽകിയത്. നിക്ഷേപകർ ആത്മവിശ്വാസം വീണ്ടെടുത്തതോടെ ഉച്ചകഴിഞ്ഞുള്ള വ്യാപാരം കൂടുതൽ മുന്നേറ്റത്തിന് സാക്ഷ്യം വഹിച്ചു. വരും ദിവസങ്ങളിൽ, ബ്രെക്‌സിറ്റ് വ്യാപാര ഇടപാടുകൾ വിപണികളെ സ്വാധീനിക്കാനിടയുണ്ട്.

നിഫ്റ്റി 50 സൂചികയിൽ വിപ്രോ, സിപ്ല, ടാറ്റ സ്റ്റീൽ, ടാറ്റ മോട്ടോഴ്സ്, എച്ച് യു എൽ എന്നിവയാണ് മികച്ച നേട്ടം കൈവരിച്ച ഓഹരികൾ. ഹീറോ മോട്ടോ, ഡിവിസ് ലാബ്സ്, ടൈറ്റൻ, എൻ‌ടി‌പി‌സി, പവർ‌ഗ്രിഡ് എന്നിവയാണ് നഷ്ടം നേരിട്ട ഓഹരികൾ.

നിഫ്റ്റി ഐടി, നിഫ്റ്റി എഫ്എം‌സി‌ജി സൂചികകൾ‌ രണ്ടു ശതമാനം ഉയർ‌ന്നതോടെ എല്ലാ മേഖല സൂചികകളും ഇന്ന് നേട്ടത്തിൽ അവസാനിച്ചു. നിഫ്റ്റി മെറ്റൽ, നിഫ്റ്റി ഫാർമ എന്നിവ 1.5 ശതമാനം വീതവും നിഫ്റ്റി ഓട്ടോ ഒരു ശതമാനത്തിലധികവും ഉയർന്നു. അതേസമയം, നിഫ്റ്റി ബാങ്ക് 0.8 ശതമാനം ഉയർന്നു.