സെൻസെക്സിൽ 550 പോയിന്റ് കുതിപ്പ്, നിഫ്റ്റി 11,300ൽ ക്ലോസ് ചെയ്തു; ഓട്ടോ, മെറ്റൽ ഓഹരികൾക്ക് നേട്ടം

ഇന്ത്യൻ ബെഞ്ച്മാർക്ക് സൂചികകളായ സെൻസെക്സും നിഫ്റ്റിയും ചൊവ്വാഴ്ച 1.5 ശതമാനത്തിലധികം നേട്ടത്തോടെ അവസാനിച്ചു. സെൻസെക്സ് 558.22 പോയിൻറ് അഥവാ 1.47 ശതമാനം ഉയർന്ന് 38,492.95 എന്ന നിലയിലാണ് ക്ലോസ് ചെയതത്. നിഫ്റ്റി മിഡ്‌കാപ്പ്, നിഫ്റ്റി സ്‌മോൾകാപ്പ് സൂചികകൾ യഥാക്രമം 0.89 ശതമാനവും 1.36 ശതമാനവും ഉയർന്നു. നിഫ്റ്റി മീഡിയ ഒഴികെ മറ്റെല്ലാ മേഖല സൂചികകളും നേട്ടത്തിൽ അവസാനിച്ചു.

സെൻസെക്സിൽ 550 പോയിന്റ് കുതിപ്പ്, നിഫ്റ്റി 11,300ൽ ക്ലോസ് ചെയ്തു; ഓട്ടോ, മെറ്റൽ ഓഹരികൾക്ക് നേട്ടം

നിഫ്റ്റി ഓട്ടോയ്ക്ക് 3 ശതമാനത്തിലധികം നേട്ടമുണ്ടായി. നിഫ്റ്റി ഐടി, നിഫ്റ്റി മെറ്റൽസ് രണ്ട് ശതമാനം വീതം ഉയർന്നു. അൾട്രാടെക് സിമൻറ്, കൊട്ടക് മഹീന്ദ്ര ബാങ്ക്, ടിസിഎസ്, ഗ്രാസിം ഇൻഡസ്ട്രീസ്, ടാറ്റ മോട്ടോഴ്‌സ് എന്നിവ നിഫ്റ്റിയിൽ നേട്ടമുണ്ടാക്കി. കമ്പനിയുടെ 2021 സാമ്പത്തിക വർഷത്തെ ഒന്നാം പാദ വരുമാനം പ്രതീക്ഷകളെ മറികടന്നതിന് ശേഷം അൾട്രാടെക് സിമന്റിന്റെ ഓഹരികൾ 7 ശതമാനം ഉയർന്നു. 2021 ഏപ്രിൽ-ജൂൺ പാദത്തിൽ 796.3 കോടി രൂപയുടെ അറ്റാദായമാണ് കമ്പനി രേഖപ്പെടുത്തിയത്. കമ്പനിയുടെ അറ്റാദായം 37.8 ശതമാനം ഇടിഞ്ഞു. കഴിഞ്ഞ വർഷം ഇതേ കാലയളവിൽ അറ്റാദായം 1,281.27 കോടി രൂപയായിരുന്നു.

കൊട്ടക് മഹീന്ദ്ര ബാങ്ക് ഓഹരികൾ നാല് ശതമാനത്തിലധികം നേട്ടമുണ്ടാക്കി. ഏഷ്യൻ ഓഹരികളെ കൊറോണ വൈറസ് ആശങ്കകളും ചൈന-യുഎസ് പിരിമുറുക്കങ്ങളും ഇളക്കിമറിച്ചു.