4761% നേട്ടം നൽകിയ ഓഹരി, പുതിയ കരാറിന് പിന്നാലെ വില കുതിക്കുന്നു, ഇപ്പോൾ വാങ്ങിയാൽ ലാഭം

ഇലക്ട്രിക് മേഖലയിൽ നിന്നുള്ള സ്മോൾ ക്യാപ് കമ്പനിയായ സെർവോടെക് പവർ സിസ്റ്റംസ് ലിമിറ്റഡ് ഓഹരികൾ കഴിഞ്ഞ 3 മാസത്തിനുള്ളിൽ 40 ശതമാനത്തികം വളർച്ചയാണ് നേടിയത്. ഭാരത് പെട്രോളിയം കോർപ്പറേഷൻ ലിമിറ്റഡിൽ നിന്നും മറ്റ് കമ്പനികളിൽ നിന്നുമായി 400 ഡിസി ഫാസ്റ്റ് ഇവി ചാർജേഴ്സ് യൂണിറ്റുകൾ വിതരണം ചെയ്യാനുള്ള പുതിയ കരാർ കമ്പനി നേടിയിട്ടുണ്ട്. എൻഎസ്ഇയിൽ സെർവോടെക് പവർ സിസ്റ്റംസ് ഷെയറിൻ്റെ നിലവിലെ വിപണി വില ഒരു ഷെയറിന് 122.50 രൂപയാണ്. അതിൻ്റെ വിപണി മൂലധനം 2790 കോടി രൂപയാണ്. കൂടുതൽ വിശദാംശങ്ങൾ പരിശോധിക്കാം.

കൂടുതൽ ഓർഡറുകൾ

മുമ്പ്, ബിപിസിഎല്ലിൽ നിന്നും 120 കോടി വിലയുള്ള മറ്റ് ഇവി ചാർജർ ഒഇഎമ്മുകളിൽ നിന്നും 1800 ഡിസി ഫാസ്റ്റ് ഇവി ചാർജറുകൾക്കുള്ള ഓർഡർ കമ്പനിക്ക് ലഭിച്ചിരുന്നു. അവ ഇപ്പോൾ 20% വർദ്ധിച്ചു. കമ്പനിയുടെ സമയോചിതമായ ഡെലിവറികൾ, സ്ഥിരതയാർന്ന പ്രകടനം എന്നിവയെ തുടർന്നാണ് വീണ്ടും ഓർഡറുകൾ ലഭിച്ചത്.

ഓഹരി വിപണിയിലെ പ്രകടനം

പുതിയ കരാറിന്‍റെ വിവരങ്ങൾ പുറത്ത് വന്നതിന് പിന്നാലെ സെർവോടെക് പവർ സിസ്റ്റംസ് ഓഹരി ശക്തമായ വാങ്ങലുകൾക്ക് സാക്ഷ്യം വഹിച്ചു. അതോടെ ഓഹരി ഇൻട്രാഡേ ഉയർന്ന നിലവാരമായ 129 രൂപയിലെത്തി. ഓഹരിയുടെ ഏറ്റവും ഉയർന്ന ഓഹരി വില 129.81 രൂപയാണ്. കഴിഞ്ഞ അഞ്ച് ദിവസത്തിനിടെ 7.91 ശതമാനം വളർച്ച നേടാൻ ഓഹരിക്ക് സാധിച്ചിരുന്നു. 37.33 ശതമാനമാണ് ഒരു മാസത്തെ മുന്നേറ്റം. ആറ് മാസം കൊണ്ട് 51 ശതമാനം നേട്ടമുണ്ടാക്കാനും ഇവി ഓഹരിക്ക് സാധിച്ചു.

കഴിഞ്ഞ ഒരു വർഷത്തിനിടെ 36 ശതമാനം വളർച്ചയാണ് സെർവോടെക് പവർ ഓഹരി നേടിയത്. മൂന്ന് വർഷം കൊണ്ട് 4761 ശതമാനം വളർച്ചയാണ് ഓഹരി നേടിയത്.

ഷെയർഹോൾഡിംഗ്

2024 മെയ് മാസത്തിലെ കമ്പനിയുടെ ഷെയർഹോൾഡിംഗ് പാറ്റേൺ അനുസരിച്ച്, പ്രൊമോട്ടർമാർ സെർവോടെക് പവർ സിസ്റ്റത്തിൽ 59.70 ശതമാനം ഓഹരികൾ സ്വന്തമാക്കി. ഏപ്രിലിലെ 3.76 ശതമാനത്തിൽ നിന്ന് ഈ വർഷം മേയിൽ സെർവോടെക് പവർ സിസ്റ്റംസിലെ തങ്ങളുടെ ഓഹരി 5.53 ശതമാനമായി എഫ്ഐഐകൾ വർധിപ്പിച്ചു. സ്ഥാപനേതര നിക്ഷേപകർക്ക് 34.77 ശതമാനം ഓഹരിയുണ്ട്.

സെർവോടെക് പവർ സിസ്റ്റംസ് ലിമിറ്റഡ്

നൂതന സൗരോർജ്ജ ഉൽപ്പന്നങ്ങൾ, മെഡിക്കൽ ഉപകരണങ്ങൾ, ഊർജ്ജ-കാര്യക്ഷമമായ ലൈറ്റിംഗ് സൊല്യൂഷനുകൾ എന്നിവ നിർമ്മിക്കുകയും സംഭരിക്കുകയും വിതരണം ചെയ്യുകയും ചെയ്യുന്ന കമ്പനിയാണ് സെർവോടെക് പവർ സിസ്റ്റംസ്. ഇവി ചാർജറുകൾ, എൽഇഡികൾ, പവർ, ബാക്കപ്പ് എന്നിവയും സ്പാർക്ക്, സ്ക്വാഡ് സീരീസ് ഉൾപ്പെടെയുള്ള സോളാർ ഉൽപ്പന്നങ്ങളും കമ്പനി നിർമ്മിക്കുന്നു.

ഓഹരി വിപണി വീണ്ടും ചുവപ്പിൽ

തുടർച്ചയായ അഞ്ചാം സെഷനിലും ഓഹരി വിപണിക്ക് ചുവപ്പിൽ അവസാനം. വ്യാഴാഴ്ച സെൻസെക്‌സ് 109 പോയിൻ്റ് അഥവാ 0.14 ശതമാനം താഴ്ന്ന് 80,039.80 ലും നിഫ്റ്റി 50 7 പോയിൻ്റ് അഥവാ 0.03 ശതമാനം ഇടിഞ്ഞ് 24,406.10 ലും ക്ലോസ് ചെയ്തത്.

ദുർബലമായ ആഗോള സൂചനകൾ വ്യാഴാഴ്ച ഇന്ത്യൻ വിപണിയിൽ അധിക സമ്മർദ്ദം ചെലുത്തി. 2024 ലെ ബജറ്റും വിപണിയുടെ വികാരം ഉയർത്തുന്നതിൽ പരാജയപ്പെട്ടു. ഹ്രസ്വകാല, ദീർഘകാല മൂലധന നേട്ട നികുതികളിലെ വർദ്ധനവ് നിക്ഷേപകരെ സംബന്ധിച്ചിടത്തോളം ഹ്രസ്വകാല ആശങ്കയായി തുടരുന്നു.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.