ഇന്ത്യൻ ഇക്വിറ്റി ബെഞ്ച്മാർക്ക് സൂചികകൾ വെള്ളിയാഴ്ച നേട്ടത്തിൽ വ്യാപാരം ആരംഭിച്ചു. മെറ്റൽ, ഫിനാൻസ് ഓഹരികളാണ് ഇന്നത്തെ നേട്ടത്തിന് പ്രധാന കാരണം. റിസർവ് ബാങ്ക് ഓഫ് ഇന്ത്യയുടെ (ആർബിഐ) ധനനയത്തിന് മുന്നോടിയായി ആഗോള സമ്മിശ്ര സൂചനകൾക്കിടയിലാണ് ഇന്ന് വിപണി നേട്ടത്തിൽ തുടക്കമിട്ടത്.
ഓഹരി വിപണിയിൽ ഇന്ന് നേട്ടത്തിൽ തുടക്കം, മെറ്റൽ ഓഹരികൾക്ക് തിളക്കം
രാവിലെ 9: 15 ന് സെൻസെക്സ് 0.07 ശതമാനം അഥവാ 33.26 പോയിന്റ് ഉയർന്ന് 44,665.91 ൽ എത്തി. നിഫ്റ്റി 50 സൂചിക 43.50 പോയിന്റ് അഥവാ 0.33 ശതമാനം ഉയർന്ന് 13,177.40ൽ എത്തി. നിഫ്റ്റി സ്മോൾകാപ്പ് 100, നിഫ്റ്റി മിഡ്കാപ്പ് 100 സൂചികകൾ 0.6 ശതമാനം വീതം ഉയർന്നു.
നിഫ്റ്റി ഐടി ഒഴികെ, എല്ലാ മേഖലാ സൂചികകളും നിഫ്റ്റി പിഎസ്യു ബാങ്ക്, നിഫ്റ്റി മെറ്റൽ, നിഫ്റ്റി ഓട്ടോ, നിഫ്റ്റി മീഡിയ, നിഫ്റ്റി എഫ്എംസിജി എന്നിവയുടെ നേതൃത്വത്തിൽ നേട്ടത്തിൽ വ്യാപാരം നടത്തി. അൾട്രാടെക് സിമൻറ്, ഒഎൻജിസി, ഗെയിൽ ഇന്ത്യ, ഭാരതി എയർടെൽ, ടാറ്റ മോട്ടോഴ്സ് എന്നിവയാണ് നിഫ്റ്റി 50 ഏറ്റവും കൂടുതൽ നേട്ടമുണ്ടാക്കിയത്.
കോവിഡ് കാലത്തും ഓഹരി വിപണികളില് നേട്ടമുണ്ടാക്കി ഫാര്മ കമ്പനികള്
ഏഷ്യൻ പെയിന്റ്സ്, ടെക് മഹീന്ദ്ര, ഇൻഫോസിസ്, റിലയൻസ് ഇൻഡസ്ട്രീസ്, ഡോ. റെഡ്ഡീസ് ലബോറട്ടറീസ് എന്നിയാണ് ഏറ്റവും കൂടുതൽ നഷ്ടം നേരിടുന്നത്. സ്ഥിരമായ ഉയർന്ന പണപ്പെരുപ്പവും സമ്പദ്വ്യവസ്ഥയുടെ പ്രതീക്ഷിച്ചതിലും കുറഞ്ഞ സങ്കോചവും കാരണം റിസർവ് ബാങ്ക് ഇത്തവണ പലിശ നിരക്കിൽ മാറ്റം വരുത്താൻ സാധ്യതയില്ലെന്നാണ് വിദഗ്ധരുടെ അഭിപ്രായം.