ഓഹരി വിപണിയിൽ ഇന്ന് തുടക്കം തന്നെ റെക്കോർഡിൽ, പൊതുമേഖല ബാങ്ക്, ഐടി ഓഹരികൾക്ക് മുന്നേറ്റം

ഇന്ത്യൻ സൂചികകൾ ഡിസംബർ 9 ന് റെക്കോർഡ് ഉയരത്തിൽ വ്യാപാരം ആരംഭിച്ചു. നിഫ്റ്റി 13450 ന് മുകളിൽ വ്യാപാരം നടത്തി. രാവിലെ 09:17ന് സെൻസെക്സ് 254.48 പോയിൻറ് അഥവാ 0.56 ശതമാനം ഉയർന്ന് 45862.99 ലും നിഫ്റ്റി 74.60 പോയിൻറ് ഉയർന്ന് 0.56 ശതമാനവും 13467.60ലും എത്തി. ഏകദേശം 1137 ഓഹരികൾ ഇന്ന് മുന്നേറി. 247 ഓഹരികൾ ഇടിഞ്ഞു. 40 ഓഹരികൾ മാറ്റമില്ലാതെ തുടർന്നു.

ടെക് മഹീന്ദ്ര, അൾട്രാ ടെക്ക് സിമന്റ് എന്നിവയാണ് ബിഎസ്ഇ സെൻസെക്സിൽ ഇന്ന് നഷ്ടം രേഖപ്പെടുത്തുന്ന ഓഹരികൾ. ഐടിസി, ഒഎൻജിസി, ഇൻഡസിൻഡ് ബാങ്ക്, ഐസിഐസിഐ ബാങ്ക്, റിലയൻസ്, ടാറ്റ സ്റ്റീൽ എന്നിവ ഇന്ന് മികച്ച പ്രകടനം കാഴ്ച്ച വച്ചു കൊണ്ടിരിക്കുകയാണ്. ബി‌എസ്‌ഇ റിയൽ‌റ്റി സൂചിക ഒരു ശതമാനം ഉയർ‌ന്നു. പ്രസ്റ്റീജ് എസ്റ്റേറ്റ്, ഡി‌എൽ‌എഫ്, ബ്രിഗേഡ് എന്റർ‌പ്രൈസസ് എന്നിവയാണ് റിയൽറ്റി സൂചികയിൽ മുന്നേറുന്ന ഓഹരികൾ.

ഓഹരി വിപണിയിൽ ഇന്ന് തുടക്കം തന്നെ റെക്കോർഡിൽ, പൊതുമേഖല ബാങ്ക്, ഐടി ഓഹരികൾക്ക് മുന്നേറ്റം

ഐസിഐസിഐ സെക്യൂരിറ്റീസിലെ ഓഹരി ഓഫർ ഫോർ സെയിൽ (ഒഎഫ്എസ്) വഴി വിൽക്കാൻ കമ്പനി അനുമതി നൽകിയതിനെത്തുടർന്ന് ഡിസംബർ 9 ന് ഐസിഐസിഐ ബാങ്ക് ഓഹരി വില ഉയർന്നു. ഐസിഐസിഐ സെക്യൂരിറ്റീസിലെ 2.21 ശതമാനം വരെ ഓഹരികൾ വിൽക്കാനാണ് ബാങ്ക് പദ്ധതിയിടുന്നത്.

സെൻട്രൽ ബാങ്ക് ഓഫ് ഇന്ത്യ, ഇന്ത്യൻ ബാങ്ക്, മഹാരാഷ്ട്ര ബാങ്ക് എന്നിവയുടെ പിന്തുണയോടെ നിഫ്റ്റി പി‌എസ്‌യു ബാങ്ക് ഒരു ശതമാനം ഉയർന്നു. ഇന്ത്യൻ രൂപ ഇന്ന് ഇടിഞ്ഞ് 73.59 എന്ന നിലയിലെത്തി. നവംബർ എട്ടിന് ആഭ്യന്തര യൂണിറ്റ് ഒരു ഡോളറിന് 73.52 എന്ന നിലയിലെത്തിയിരുന്നു.