Click it and Unblock the Notifications
ഐടി ഓഹരികളിലെ നേട്ടത്തെ തുടർന്ന് ഇന്ത്യൻ ഓഹരികൾ തുടർച്ചയായ ആറാം ദിവസവും നേട്ടത്തിൽ വ്യാപാരം അവസാനിപ്പിച്ചു. ഓഹരി തിരിച്ചു വാങ്ങൽ പദ്ധതികളെ തുടർന്ന് വിപ്രോയുടെ ഓഹരികൾ 7 ശതമാനത്തിലധികം ഉയർന്നു. സിപ്ല രണ്ടാം സ്ഥാനത്തെത്തി. അഞ്ച് ശതമാനം നേട്ടമാണ് സിപ്ല കൈവരിച്ചത്. ടിസിഎസ്, അൾട്രാടെക് സിമൻറ്, ഇൻഫോസിസ് എന്നിവയും ഇന്ന് മികച്ച പ്രകടനം കാഴ്ച്ച വച്ചു. എഫ്എംസിജിയും മീഡിയ സൂചികകളും ഒഴികെ എല്ലാ മേഖല സൂചികകളും ഇന്ന് നേട്ടത്തിൽ വ്യാപാരം അവസാനിപ്പിച്ചു.
ഐടി സൂചിക ഇന്നത്തെ ഏറ്റവും മികച്ച സൂചികയായി മാറി. മൂന്ന് ശതമാനത്തിലധികം നേട്ടത്തിൽ ക്ലോസ് ചെയ്തു. നിഫ്റ്റി ഐടി 16 വർഷത്തെ ഉയർന്ന നിലയിലേക്ക് എത്തി. സെൻസെക്സ് 304 പോയിന്റ് ഉയർന്ന് 40,183 ലും നിഫ്റ്റി 96 പോയിൻറ് ഉയർന്ന് 11,835 ലുമാണ് ക്ലോസ് ചെയ്തത്. നിഫ്റ്റി ബാങ്ക് സൂചിക 227 പോയിൻറ് ഉയർന്ന് 23,191 ലും മിഡ്കാപ്പ് സൂചിക 18 പോയിന്റ് ഉയർന്ന് 17,146 ലും എത്തി. വിപ്രോ ഓഹരി വില ഇന്ന് 20 വർഷത്തെ ഉയർന്ന നിലയിൽ എത്തി.
ജസ്റ്റ് ഡയൽ, മൈൻട്രീ, കാഡില ഹെൽത്ത് കെയർ, ബയോകോൺ, പിടിസി, അപ്പോളോ ഹോസ്പിറ്റൽ എന്നിവയാണ് മിഡ്ക്യാപ് സൂചികയിലെ മികച്ച നേട്ടക്കാർ.
Sign in with Google