ജനുവരി ഒന്ന് മുതൽ സ്കോഡ കാറുകൾക്കും വില ഉയരും, 2.5 ശതമാനം വരെ വർദ്ധനവ്

ഉൽപാദനച്ചെലവ് കണക്കിലെടുത്ത് 2021 ജനുവരി ഒന്നിന് കാർ വില 2.5 ശതമാനം വരെ ഉയർത്തുമെന്ന് യൂറോപ്യൻ കാർ നിർമാതാക്കളായ സ്‌കോഡ ചൊവ്വാഴ്ച അറിയിച്ചു. വിനിമയ നിരക്കിലെ ഏറ്റക്കുറച്ചിലുകൾ കൂടാതെ ഇൻ‌പുട്ട്, മെറ്റീരിയൽ ചെലവുകൾ എന്നിവ കാരണം രാജ്യത്തെ ചില വാഹന നിർമാതാക്കൾ 2021 ജനുവരി 1 മുതൽ തങ്ങളുടെ വാഹന മോഡലുകൾക്ക് വിലവർധന പ്രഖ്യാപിച്ചിട്ടുണ്ട്.

ജനുവരി ഒന്ന് മുതൽ സ്കോഡ കാറുകൾക്കും വില ഉയരും, 2.5 ശതമാനം വരെ വർദ്ധനവ്

ആഗോള ചരക്കുകളുടെ വിലയിലും വിദേശനാണ്യ വിനിമയ നിരക്കിലും ഗണ്യമായ ചാഞ്ചാട്ടമുണ്ടായതിനാൽ ഉൽ‌പാദന ചെലവ് കൂടിയതാണ് കാറുകളെ വില വർദ്ധനവിന് കാരണം. ജനുവരി ഒന്നിന് പ്രാബല്യത്തിൽ വരുന്ന തരത്തിൽ 2.5 ശതമാനം വരെ വില വർദ്ധനവ് വിവിധ മോഡലുകളിലുടനീളം പരിഗണിക്കുന്നതായി സ്കോഡ ഓട്ടോ ഇന്ത്യ വക്താവ് പ്രസ്താവനയിൽ പറഞ്ഞു.

മാരുതി സുസുക്കി, ടാറ്റ മോട്ടോഴ്‌സ് മുതൽ ബി‌എം‌ഡബ്ല്യു വരെ മിക്കവാറും എല്ലാ പ്രമുഖ കാർ നിർമാതാക്കളും 2021 മുതൽ വില വർദ്ധനവ് പ്രഖ്യാപിച്ചിട്ടുണ്ട്. വർദ്ധിച്ച നി‌ർമ്മാണ ചെലവുകളെയും ബി‌എസ് 6 മാനദണ്ഡങ്ങളിലേക്കുള്ള മാറ്റത്തെയും തുട‍ർന്നാണ് വിവിധ കമ്പനികൾ വില വ‍ർദ്ധനവ് പ്രഖ്യാപിച്ചിരിക്കുന്നത്.