10000 രൂപയുടെ എസ്ഐപിലൂടെ 19 ലക്ഷം നേടാം... 5 വർഷം കാത്തിരുന്നാൽ മതി; ഇതാണ് ആ മോഹിപ്പിച്ച മ്യൂച്വൽ ഫണ്ട്

റിസ്ക് എടുക്കാൻ താൽപര്യമുള്ളവർ മാത്രമേ ജീവിത വിജയം കൈവരിച്ചിട്ടുള്ളു എന്ന് പൊതുവിൽ പറയാറുണ്ട്. അത്തരത്തിൽ റിസ്ക് എടുക്കാൻ താൽപര്യമുള്ളവർക്ക് അനുയോജ്യമാണ് മ്യൂച്വൽ ഫണ്ട് നിക്ഷേപങ്ങൾ. വിപണിയിലെ ലാഭനഷ്ട സാധ്യതകൾക്ക് മ്യൂച്വൽ ഫണ്ടുകളും വിധേയമാണെന്ന് പ്രത്യേകം പറയേണ്ടതില്ലല്ലോ. നിക്ഷേപകരുടെ പ്രായം, സാമ്പത്തിക നില, റിസ്‌ക് എടുക്കുവാനുള്ള മനസ്ഥിതി തുടങ്ങിയവയെക്കുറിച്ച് കൃത്യമായ ധാരണയോടുകൂടി അനുയോജ്യമായ മ്യൂച്വൽ ഫണ്ടുകൾ തെരഞ്ഞെടുക്കാം. നിക്ഷേപം തുടങ്ങുമ്പോൾ റിസ്‌ക് എടുക്കാൻ മനസുള്ളവർക്ക് സ്‌മോൾ ക്യാപ് ഫണ്ടുകൾ തെരഞ്ഞെടുക്കാവുന്നതാണ്.

എന്താണ് സ്‌മോൾ ക്യാപ് ഫണ്ടുകൾ..?

വിപണി മൂല്യത്തിന്റെ അടിസ്ഥാനത്തിൽ ഓഹരികളെ ലാർജ് ക്യാപ്, മിഡ് ക്യാപ് പിന്നെ സ്മോൾ ക്യാപ് എന്ന് മൂന്നായി തരംതിരിക്കാം. ചെറുകിട കമ്പനികളിൽ നിക്ഷേപിക്കുന്ന ഫണ്ടാണ് സ്‌മോൾ ക്യാപ് ഫണ്ട്. മറ്റു ഫണ്ടുകളെ അപേക്ഷിച്ച് വരുമാന സാധ്യതയും നഷ്ടസാധ്യതയും സ്‌മോൾ ക്യാപ് ഫണ്ടുകളിൽ കൂടുതലാണ്. കഴിഞ്ഞ 5 വർഷത്തിനിടെ മികച്ച വരുമാനം നൽകിയ സ്‌മോൾ ക്യാപ് ഫണ്ടുകളിൽ ഒന്നാണ് ക്വൻ്റ് സ്‌മോൾ ക്യാപ് ഫണ്ട്. അഞ്ച് വർഷത്തിനുള്ളിൽ സിസ്റ്റമാറ്റിക് ഇൻവെസ്റ്റ്‌മെൻ്റ് പ്ലാൻ (എസ്ഐപി) വഴി പ്രതിമാസം 10,000 രൂപയുടെ നിക്ഷേപം ഇന്ന് ഏകദേശം 19 ലക്ഷം രൂപയായി വർദ്ധിച്ചിട്ടുണ്ടാകും.

ക്വൻ്റ് സ്‌മോൾ ക്യാപ് ഫണ്ട്

1996 ഒക്ടോബർ 29-ന് ആരംഭിച്ച ക്വൻ്റ് സ്‌മോൾ ക്യാപ് ഫണ്ട് നിഫ്റ്റി സ്മോൾക്യാപ് 250 ബെഞ്ച്മാർക്ക് മറികടന്നു. ഈ കാലയളവിൽ 40 ശതമാനമായിരുന്നു വാർഷിക വളർച്ചാ നിരക്ക്. 35 ശതമാനം വിപുലീകരിച്ച ആന്തരിക റിട്ടേൺ നിരക്ക് (extended internal rate of return) 35 ശതമാനവും ആയിരുന്നു.

6 ലക്ഷം 13 ലക്ഷമായി

പ്രധാനമായും സ്മോൾക്യാപ് സ്റ്റോക്കുകളിൽ നിക്ഷേപിക്കുന്ന ക്വാണ്ട് സ്മോൾ ക്യാപ് ഫണ്ട് (ജി), എയ്‌സ് ഇക്വിറ്റീസിൽ നിന്നുള്ള ഡാറ്റ അനുസരിച്ച് 49% വിപുലീകൃത ഇൻ്റേണൽ റിട്ടേൺ നിരക്ക് നൽകി. 2019 ഫെബ്രുവരി 10 നും 2024 ഫെബ്രുവരി 10 നും ഇടയിൽ നടത്തിയ 6 ലക്ഷം രൂപ 13 ലക്ഷമായാണ് വളർന്നത്. അതായത് വാർഷിക വളർച്ചാ നിരക്ക് 59 ശതമാനം.

ലോക്ക്-ഇൻ കാലയളവില്ല

സ്‌മോൾ ക്യാപ് കമ്പനികളുടെ പോർട്ട്‌ഫോളിയോയിൽ നിക്ഷേപിച്ച് മൂലധന വിലമതിപ്പ് നൽകുകയും ദീർഘകാല വളർച്ചാ അവസരങ്ങൾ നൽകുകയും ചെയ്യുക എന്നതാണ് ക്വൻ്റ് സ്‌മോൾ ക്യാപ് ഫണ്ടിന്റെ പ്രാഥമിക നിക്ഷേപ ലക്ഷ്യം. അതേ സമയം പ്രത്യേക ലോക്ക്-ഇൻ കാലയളവില്ല എന്നതും ശ്രദ്ധേയമാണ്. സ്മോൾ ക്യാപ് അലോക്കേഷൻ 100% വരെ പോകുന്ന സ്മോൾ ക്യാപ് കമ്പനികളുടെ ഇക്വിറ്റി, ഇക്വിറ്റി സംബന്ധിയായ ഉപകരണങ്ങൾ എന്നിവയിൽ കുറഞ്ഞത് 65% ഫണ്ട് ക്വൻ്റ് സ്‌മോൾ ക്യാപ് ഫണ്ട് വകയിരുത്തുന്നു. അതോടൊപ്പം വിപണി സാഹചര്യത്തെ ആശ്രയിച്ച്, മൊത്തം ആസ്തിയുടെ 35% കവിയാത്ത ഡെറ്റ്, മണി മാർക്കറ്റ് സെക്യൂരിറ്റികളും ഫണ്ട് അനുവദിച്ചേക്കാം.

എസ് ഐ പി 1000 രൂപ

പുതിയ നിക്ഷേപകർക്ക് 5,000 രൂപയും അതിന് ശേഷമുള്ള ഏത് തുകയും ഉപയോഗിച്ച് നിക്ഷേപിക്കാം, നിലവിലുള്ള നിക്ഷേപകർക്ക് 1,000 രൂപയും അതിന് ശേഷം ഏത് തുകയും അനുവദിക്കും. സിസ്റ്റമാറ്റിക് ഇൻവെസ്റ്റ്‌മെൻ്റ് പ്ലാനിന് ഏറ്റവും കുറഞ്ഞ തുക 1,000 രൂപയും അതിനുശേഷം 1 രൂപയുടെ ഗുണിതങ്ങളുമാണ്.

എൻഎവി 266.23 രൂപ

എയ്‌സ് ഇക്വിറ്റീസ് വിലയിരുത്തൽ അനുസരിച്ച് ക്രമീകരിച്ച നെറ്റ് അസറ്റ് മൂല്യം ( എൻഎവി ) 266.23 രൂപയാണ്. അങ്കിത് പാണ്ഡെ, വാസവ് സാഹ്ഗൽ, സഞ്ജീവ് ശർമ എന്നിവരാണ് ഫണ്ട് മാനേജർമാർ.

അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.