ഓഹരി സൂചികകൾ നേട്ടത്തിൽ; ഐടി, ബാങ്ക് ഓഹരികൾക്ക് മുന്നേറ്റം

റിസർവ് ബാങ്ക് ധനനയ പ്രഖ്യാപനത്തിന് മുന്നോടിയായി ഇന്ന് ഇന്ത്യൻ സൂചികകൾ നേട്ടത്തിൽ വ്യാപാരം ആരംഭിച്ചു. 09:16ന് സെൻസെക്സ് 114.37 പോയിൻറ് അഥവാ 0.30 ശതമാനം ഉയർന്ന് 37777.70 ൽ എത്തി, നിഫ്റ്റി 28.70 പോയിൻറ് അഥവാ 0.26 ശതമാനം ഉയർന്ന് 11130.40ൽ എത്തി. ഏകദേശം 748 ഓഹരികൾ രാവിലെ മുന്നേറി. 209 ഓഹരികൾ ഇടിഞ്ഞു. 52 ഓഹരികൾ മാറ്റമില്ലാതെ തുട‍‍ർന്നു.

റിസർവ് ബാങ്ക് ഗവർണർ ശക്തികാന്ത ദാസിന്റെ നേതൃത്വത്തിലുള്ള ആറ് അംഗ ധനകാര്യ സമിതി (എംപിസി) ഇന്ന് യോഗം ചേരും. ഇന്ന് ഉച്ചയ്ക്ക് 12 മണിക്ക് ദാസ് മാധ്യമങ്ങളെ അഭിസംബോധന ചെയ്യുമെന്ന് റിസർവ് ബാങ്ക് അറിയിച്ചു. ഓഗസ്റ്റ് 31 ന് അവസാനിക്കുന്ന ലോൺ മൊറട്ടോറിയം സംബന്ധിച്ച് സെൻട്രൽ ബാങ്ക് നിർദേശങ്ങൾ പുറപ്പെടുവിക്കുമെന്നാണ് പ്രതീക്ഷിക്കുന്നത്.

ഓഹരി സൂചികകൾ നേട്ടത്തിൽ; ഐടി, ബാങ്ക് ഓഹരികൾക്ക് മുന്നേറ്റം

ബജാജ് ഓട്ടോ, എച്ച്‍ഡിഎഫ്സി ബാങ്ക്, ടെക്ക് മഹീന്ദ്ര, എച്ച്‍ഡിഎഫ്സി, ബജാജ് ഫിനാൻസ്, ഒൻജിസി തുടങ്ങിയ ഓഹരികളാണ് രാവിലെ ഏറ്റവും മികച്ച പ്രകടനം കാഴ്ച്ച വച്ചിരിക്കുന്നത്. ഇൻഫോസിസ്, എൽടി, ഭാരതി എയ‍‍ർടെൽ, ആക്സിസ് ബാങ്ക്, മാരുതി തുടങ്ങിയ ഓഹരികളാണ് നഷ്ടം രേഖപ്പെടുത്തിയിരിക്കുന്നത്.