Just In
-
-
-
-
Don't Miss
-
ജാസ്മിന് മികച്ച ഗെയ്മര്, പക്ഷെ വിശ്വസിക്കാന് കൊള്ളില്ല; അഫ്സലും കുടുംബവും നാണംകെട്ടു: ദിയ സന -
IPL 2024: മുംബൈക്ക് പുതിയ തലവേദന, ഹാര്ദിക്കിനെതിരേ ബുംറ! ഒപ്പം നബിയും; പ്രശ്നം രൂക്ഷം -
ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള് -
പൂരം അട്ടിമറിച്ച് ബിജെപിക്ക് വോട്ടുണ്ടാക്കി കൊടുക്കാനുള്ള ശ്രമമെന്ന് മുരളീധരൻ;സുരേഷ് ഗോപിയുടെ പ്രതികരണം ഇങ്ങനെ -
കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ് -
ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം -
ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
മുംബൈ: ഓഹരി വിപണിയില്‍ വന്‍ തകര്‍ച്ച. ലോഹ, ബാങ്കിങ് ഓഹരികളിലെ ഇടിവ് മുന്‍നിര്‍ത്തി ഇന്ത്യന്‍ സൂചികകള്‍ വലിയ നഷ്ടത്തിലാണ് വ്യാഴാഴ്ച്ച വ്യാപാരം പൂര്‍ത്തിയാക്കിയത്. ബിഎസ്ഇ സെന്‍സെക്‌സ് സൂചിക 598.57 പോയിന്റ് ഇടറി 50,846.08 എന്ന നിലയില്‍ തിരിച്ചെത്തി (1.16 ശതമാനം ഇടിവ്). എന്‍എസ്ഇ നിഫ്റ്റി ഫിഫ്റ്റി സൂചികയില്‍ നിന്നും 164.85 പോയിന്റാണ് ചോര്‍ന്നത്. 15,080.75 എന്ന നിലയില്‍ നിഫ്റ്റി ഇടപാടുകള്‍ മതിയാക്കി (1.08 ശതമാനം ഇടിവ്). വിശാല വിപണികള്‍ ബെഞ്ച്മാര്‍ക്ക് സൂചികകളെ ഇന്ന് പിന്നിലാക്കി. നിഫ്റ്റി സ്‌മോള്‍ക്യാപ് 100 സൂചിക 1.17 ശതമാനവും നിഫ്റ്റി മിഡ്ക്യാപ് 100 സൂചിക 0.49 ശതമാനവും നേട്ടത്തിലാണ് വ്യാപാരം അവസാനിപ്പിച്ചത്.
വ്യവസായങ്ങളുടെ വില സൂചിക പരിശോധിച്ചാല്‍ നിഫ്റ്റി ലോഹ സൂചിക 2 ശതമാനത്തിലേറെ താഴോട്ടു പോയി. നിഫ്റ്റി സ്വകാര്യ ബാങ്ക്, നിഫ്റ്റി ഫൈനാന്‍ഷ്യല്‍ സര്‍വീസസ്, നിഫ്റ്റി ഐടി, നിഫ്റ്റി ഓട്ടോ ഓഹരികളും നഷ്ടത്തിലാണ് ഇന്ന് ചുവടുവെച്ചത്. നിഫ്റ്റി മീഡിയ, നിഫ്റ്റി റിയല്‍റ്റി സൂചികകള്‍ മാത്രമേ ഇന്ന് മുന്നേറിയുള്ളൂ. ജെഎസ്ഡബ്ല്യു സ്റ്റീല്‍, എച്ച്ഡിഎഫ്‌സി, ഹിന്‍ഡാല്‍കോ ഇന്‍ഡസ്ട്രീസ്, ടാറ്റ സ്റ്റീല്‍, ടാറ്റ മോട്ടോര്‍സ് കമ്പനികള്‍ നിഫ്റ്റിയില്‍ നഷ്ടം നേരിടുന്നവരുടെ പട്ടികയില്‍ മുന്നിലുണ്ട്. അള്‍ട്രാടെക്ക് സിമന്റ്, അദാനി പോര്‍ട്‌സ്, ശ്രീ സിമന്റ്, ഗ്രാസിം ഇന്‍ഡസ്ട്രീസ്, ഡോക്ടര്‍ റെഡ്ഢീസ് ലബോറട്ടറീസ് ഓഹരികളാണ് ഇന്ന് നേട്ടത്തില്‍ കാലുറപ്പിച്ചത്. വിപണിയിലെ ഇന്നത്തെ പ്രധാന സംഭവവികാസങ്ങള്‍ ചുവടെ കാണാം.
- അമേരിക്കന്‍ ബോണ്ട് വരുമാനം ഉയര്‍ന്ന സാഹചര്യം ഇന്ത്യന്‍ വിപണിക്ക് ക്ഷീണം ചെയ്തു; സെന്‍സെക്‌സും നിഫ്റ്റിയും 1 ശതമാനം വീതം ഇടറി.
- മിഡ്ക്യാപ് സൂചിക നേട്ടം കൊയ്തു.
- എച്ച്ഡിഎഫ്‌സി ബാങ്ക്, ഐസിഐസിഐ ബാങ്ക്, ആക്‌സിസ് ബാങ്ക്, എസ്ബിഐ ഓഹരികള്‍ നിഫ്റ്റി ബാങ്ക് സൂചികയെ പിന്നോട്ടു വലിച്ചു; ഇടിവ് 1.6 ശതമാനം.
- നിഫ്റ്റിയില്‍ ലോഹ സൂചിക 2 ശതമാനത്തിലേറെ വീണു.
- സെന്‍സെക്‌സില്‍ 599 പോയിന്റ് ചോര്‍ന്നു; പുതിയ നില 50,846.
- നിഫ്റ്റിയില്‍ 165 പോയിന്റ് ചോര്‍ന്നു; പുതിയ നില 15,081.
- നിഫ്റ്റി ബാങ്ക് സൂചിക 561 പോയിന്റ് ഇടിഞ്ഞു; പുതിയ നില 35,803; മിഡ്ക്യാപ് സൂചിക 120 പോയിന്റ് കൂടി 24,608 രേഖപ്പെടുത്തി.
- വിലവര്‍ധനവ് വരുമെന്ന വാര്‍ത്ത മുന്‍നിര്‍ത്തി സിമന്റ് ഓഹരികള്‍ കുതിച്ചു; അള്‍ട്രാടെക്കും ശ്രീ സിമന്റും നിഫ്റ്റിയും മുന്നേറി.
- ഗംഗാവരം പോര്‍ടിലെ 31 ശതമാനം ഓഹരി പങ്കാളിത്തം വാങ്ങിയ പശ്ചാത്തലത്തില്‍ അദാനി പോര്‍ട്‌സ് ഓഹരികള്‍ 3 ശതമാനം ഉയര്‍ന്നു.
- ജെഎസ്ഡബ്ല്യു സ്റ്റീല്‍, ഹിന്‍ഡാല്‍കോ, എച്ച്ഡിഎഫ്‌സി, ടാറ്റ മോട്ടോര്‍സ്, ബജാജ് ഫിന്‍സെര്‍വ് എന്നിവര്‍ വലിയ നഷ്ടം നേരിട്ടു.
- റാണെ മദ്രാസ്, ഇന്ത്യാബുള്‍സ് റിയല്‍ എസ്റ്റേറ്റ്, അദാനി പവര്‍, ഗ്ലാന്‍ഡ് ഫാര്‍മ ഓഹരികള്‍ മിഡ്ക്യാപില്‍ നേട്ടം കൊയ്തു.
