Just In
-
-
-
-
Don't Miss
-
ലോക്സഭ തിരഞ്ഞെടുപ്പ് 2024 ഒന്നാം ഘട്ടം Live: 102 മണ്ഡലങ്ങള് ബൂത്തിലേക്ക്; ബിജെപിക്ക് നിര്ണായകം -
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
മുംബൈ: വ്യാഴാഴ്ച്ചയും വന്‍ നഷ്ടത്തില്‍ വിപണി വ്യാപാരം പൂര്‍ത്തിയാക്കി. ഒരു ഘട്ടത്തില്‍ 647 പോയിന്റ് വരെ തിരിച്ചുപിടിക്കാന്‍ സെന്‍സെക്‌സിന് സാധിച്ചെങ്കിലും അവസാന മണിക്കൂറില്‍ വിപണിയെ 'കരടി വിഴുങ്ങുകയായിരുന്നു'. 30 ഓഹരികള്‍ അടങ്ങിയ ബിഎസ്ഇ സെന്‍സെക്‌സ് സൂചിക ഇന്ന് 740 പോയിന്റ് നഷ്ടത്തില്‍ 48,440 എന്ന നിലയില്‍ ഇടപാടുകള്‍ക്ക് തിരശ്ശീലയിട്ടു (1.5 ശതമാനം തകര്‍ച്ച). എന്‍എസ്ഇ നിഫ്റ്റി ഫിഫ്റ്റി സൂചികയില്‍ നിന്നും 201 പോയിന്റാണ് വ്യാഴാഴ്ച്ച ചോര്‍ന്നത്; ക്ലോസിങ് ബെല്‍ 14,348 പോയിന്റ് (1.4 ശതമാനം തകര്‍ച്ച).
സെന്‍സെക്‌സില്‍ മാരുതി സുസുക്കി, ഭാരതി എയര്‍ടെല്‍, ഹിന്ദുസ്താന്‍ യുണിലെവര്‍, ബജാജ് ഫൈനാന്‍സ്, ഓഎന്‍ജിസി, അള്‍ട്രാടെക്ക് സിമന്റ്, റിലയന്‍സ് ഇന്‍ഡസ്ട്രീസ് ഓഹരികള്‍ കനത്ത പ്രഹരം ഏറ്റുവാങ്ങി. ഇന്ത്യന്‍ ഓയില്‍ കോര്‍പ്പറേഷന്‍, ഹീറോ മോട്ടോകോര്‍പ്പ്, കോള്‍ ഇന്ത്യ, ഐഷര്‍ മോട്ടോര്‍സ്, ബ്രിട്ടാണിയ ഓഹരികളാണ് നിഫ്റ്റിയില്‍ കാര്യമായി ഇടറിയത്. മേല്‍പ്പറഞ്ഞ സ്‌റ്റോക്കുകൡ 3 മുതല്‍ 4 ശതമാനം വരെ തകര്‍ച്ച ദൃശ്യം. നേട്ടക്കാരുടെ പട്ടികയില്‍ ടാറ്റ സ്റ്റീല്‍, ഐസിഐസിഐ ബാങ്ക്, എല്‍ ആന്‍ഡ് ടി, എച്ച്ഡിഎഫ്‌സി, ഡോക്ടര്‍ റെഡ്ഢീസ് ലാബ്‌സ് ഓഹരികളാണ് കടന്നുകയറിയത്. 0.35 മുതല്‍ 3 ശതമാനം വരെ നേട്ടം ഇക്കൂട്ടര്‍ കയ്യടക്കി.
ബെഞ്ച്മാര്‍ക്ക് സൂചികകളെക്കാളും കഷ്ടമാണ് വിശാല വിപണികളുടെ കാര്യം. ബിഎസ്ഇ മിഡ്ക്യാപ് സൂചിക 2.22 ശതമാനവും സ്‌മോള്‍ക്യാപ് സൂചിക 1.85 ശതമാനവും നഷ്ടമാണ് ഇന്ന് രേഖപ്പെടുത്തിയത്. ബോംബെ സ്‌റ്റോക്ക് എക്‌സ്‌ചേഞ്ചില്‍ 684 സ്‌റ്റോക്കുകള്‍ മാത്രമേ നേട്ടത്തില്‍ ചുവടുവെച്ചുള്ളൂ. 2,224 സ്‌റ്റോക്കുകള്‍ നഷ്ടത്തില്‍ ദിനം പൂര്‍ത്തിയാക്കി. വ്യവസായങ്ങള്‍ അടിസ്ഥാനപ്പെടുത്തിയുള്ള വില സൂചിക പരിശോധിച്ചാല്‍ നിഫ്റ്റി പൊതുമേഖലാ ബാങ്ക് സൂചിക 2.5 ശതമാനം പിന്നോട്ടു പോയി. ഇതോടെ കഴിഞ്ഞ രണ്ടു ദിവസം കൊണ്ട് സൂചിക 5.5 ശതമാനത്തിലേറെയാണ് തകര്‍ച്ച കുറിക്കുന്നത്. നിഫ്റ്റി റിയല്‍റ്റി, നിഫ്റ്റി മീഡിയ, നിഫ്റ്റി ഓട്ടോ ഓഹരികളും ഇന്ന് 2 ശതമാനത്തിലേറെ നഷ്ടം നേരിട്ടു. കൂട്ടത്തില്‍ നിഫ്റ്റി മെറ്റല്‍ സൂചിക മാത്രമാണ് നേട്ടത്തില്‍ ഇടപാടുകള്‍ അവസാനിപ്പിച്ചത് (0.02 ശതമാനം).
