റിസര്‍വ് ബാങ്കിന് കയ്യടിച്ച് നിക്ഷേപകര്‍; വിപണി നേട്ടത്തില്‍

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: വായ്പാ നിരക്കുകള്‍ നിലനിര്‍ത്താനുള്ള റിസര്‍വ് ബാങ്ക് ഗവര്‍ണര്‍ ശക്തികാന്ത ദാസിന്റെ തീരുമാനത്തെ വിപണി ഇരുകയ്യും നീട്ടി സ്വീകരിച്ചിരിക്കുകയാണ്. കോവിഡ് വ്യാപനം വീണ്ടും രൂക്ഷമാകവെ ഏതു അടിയന്തര സാഹചര്യവും നേരിടാന്‍ സര്‍ക്കാരും റിസര്‍വ് ബാങ്കും സജ്ജമാണെന്ന് ശക്തികാന്ത ദാസ് ബുധനാഴ്ച്ച അറിയിച്ചു. നടപ്പു സാമ്പത്തിക വര്‍ഷം ഇന്ത്യയുടെ ജിഡിപി വളര്‍ച്ചാ നിരക്ക് 10.5 ശതമാനമായും റിസര്‍വ് ബാങ്ക് പ്രവചിച്ചിട്ടുണ്ട്. ഈ പശ്ചാത്തലത്തില്‍ ഇന്ന് നിക്ഷേപകരുടെ ആത്മവിശ്വാസം പതിന്മടങ്ങ് വര്‍ധിച്ചു.

റിസര്‍വ് ബാങ്കിന് കയ്യടിച്ച് നിക്ഷേപകര്‍; വിപണി നേട്ടത്തില്‍

 

ഫലമോ, ബോംബെ സൂചിക 700 പോയിന്റ് വരെ മുന്നേറി 49,900 വരെ തൊട്ടു. നിഫ്റ്റി സൂചികയിലും മുന്നേറ്റം ഇന്ന് കാര്യമായ മുന്നേറ്റം ദൃശ്യമായി. ദിവസ വ്യാപാരത്തിനിടെ നിഫ്റ്റി 200 പോയിന്റ് വരെ ചാടി 14,888 നില വരെയെത്തി. ബാങ്കിങ്, സാമ്പത്തികകാര്യ ഓഹരികളാണ് ബുധനാഴ്ച്ച തിളങ്ങിയത്. നിഫ്റ്റി ബാങ്ക്, നിഫ്റ്റി സ്വകാര്യ ബാങ്ക്, നിഫ്റ്റി പൊതുമേഖലാ ബാങ്ക് സൂചികകള്‍ 1.5 മുതല്‍ 2 ശതമാനം വരെ നേട്ടം കയ്യടക്കിയത് കാണാം. നിഫ്റ്റി സാമ്പത്തികം, ഐടി, ഫാര്‍മ, മെറ്റല്‍, റിയല്‍റ്റി സൂചികകള്‍ക്ക് 1.5 ശതമാനം വരെ കുതിക്കാന്‍ സാധിച്ചു.

എന്തായാലും അവസാന മണി മുഴങ്ങുമ്പോള്‍ ബിഎസ്ഇ സെന്‍സെക്‌സ് സൂചിക 460 പോയിന്റ് കയറി 49,662 നിലയില്‍ ഇടപാടുകള്‍ മതിയാക്കി (0.9 ശതമാനം നേട്ടം). എന്‍എസ്ഇ നിഫ്റ്റി സൂചിക 135 പോയിന്റ് ഉയര്‍ന്ന് 14,819 നിലയിലും തിരശ്ശീലയിട്ടു. വിശാല വിപണികളില്‍ മിഡ്ക്യാപ്, ലാര്‍ജ്ക്യാപ് സൂചികകളെ സ്‌മോള്‍ക്യാപ് പിന്നിലാക്കി. ബിഎസ്ഇ സ്‌മോള്‍ക്യാപ് സൂചിക 1.3 ശതമാനം നേട്ടത്തിലാണ് വ്യാപാരം അവസാനിപ്പിച്ചത്. ബിഎസ്ഇ മിഡ്ക്യാപ് സൂചിക 0.9 ശതമാനം നേട്ടത്തിലും ദിനം പൂര്‍ത്തിയാക്കി.

ആഗോള വിപണി

ചൈനീസ് ഓഹരികളിലെ തകര്‍ച്ച മുന്‍നിര്‍ത്തി ഏഷ്യന്‍ വിപണികളെല്ലാം നഷ്ടത്തിലാണ് കച്ചവടം മതിയാക്കിയത്. കഴിഞ്ഞ മൂന്നാഴ്ച്ചക്കിടെയുള്ള ഏറ്റവും ഉയര്‍ന്ന നിലയില്‍ നിന്നും ഏഷ്യന്‍ വിപണികള്‍ താഴെയിറങ്ങി. ജപ്പാന് വെളിയിലുള്ള ഏഷ്യാ പസിഫിക് ഓഹരികളുടെ എംഎസ്‌സിഐ സൂചിക 0.1 ശതമാനമാണ് ഇടിഞ്ഞത്. ചൈനീസ്, ഹോങ്കോങ് വിപണികളിലെ നഷ്ടമാണ് ഇതിനുള്ള പ്രധാന കാരണവും. ചൈനയുടെ ബ്ലൂ ചിപ്പ് സൂചികയായ സിഎസ്‌ഐ 300 ഒരു ശതമാനത്തോളം വീണു. ഹോങ്കോങ്ങിന്റെ ഹാങ് സെങ് സൂചിക 0.8 ശതമാനവും തകര്‍ച്ച രേഖപ്പെടുത്തി. ജപ്പാന്റെ നിക്കെയ് സൂചിക താരതമ്യേന ഭേദപ്പെട്ട നില കയ്യടക്കി. ഓസ്‌ട്രേലിയന്‍ വിപണി 0.6 ശതമാനവും ദക്ഷിണ കൊറിയന്‍ സൂചികയായ കോസ്പി 0.3 ശതമാനവും മുന്നേറി. ന്യൂസിലാന്‍ഡ് വിപണിയിലും 0.7 ശതമാനം ഉണര്‍വ് കാണാം.

English summary

Stock Market Close: Investors Welcome RBI's Monetary Policy; Sensex and Nifty End In Gains

Stock Market Close: Investors Welcome RBI's Monetary Policy; Sensex and Nifty End In Gains. Read in Malayalam.
Story first published: Wednesday, April 7, 2021, 16:20 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X