ഐടി ഓഹരികള്‍ തുണച്ചു; റെക്കോര്‍ഡ് തിരുത്തി നിഫ്റ്റി, സെന്‍സെക്‌സ് 98 പോയിന്റ് കൂടി

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: ഇന്ന് അവസാന മണിക്കൂറിലാണ് വിപണി കൂടുതല്‍ സജീവമായത്. മെയ് മാസത്തെ എഫ് ആന്‍ഡ് ഓ (ഫ്യൂച്ചേഴ്‌സ് ആന്‍ഡ് ഓപ്ഷന്‍സ്) കോണ്‍ട്രാക്ടുകള്‍ വ്യാഴാഴ്ച്ച അവസാനിക്കുമെന്നിരിക്കെ പൊതുമേഖലാ ബാങ്ക്, ഐടി, ലോഹ ഓഹരികള്‍ വാങ്ങാന്‍ തിക്കിത്തിരക്കുകയായിരുന്നു നിക്ഷേപകര്‍.

 

ഫലമോ, ദേശീയ സ്‌റ്റോക്ക് എക്‌സ്‌ചേഞ്ചിലെ നിഫ്റ്റി ഫിഫ്റ്റി സൂചിക റെക്കോര്‍ഡ് നേട്ടത്തില്‍ ക്ലോസ് ചെയ്തു. 15,272 പോയിന്റില്‍ നിന്നും 15,384 പോയിന്റ് വരെയാണ് സൂചിക ഇന്ന് കുതിച്ചത്. അവസാന മണി മുഴങ്ങുമ്പോള്‍ 66 പോയിന്റ് ഉയര്‍ന്ന് 15,338 എന്ന ഭേദപ്പെട്ട നില നിഫ്റ്റി കണ്ടെത്തി.

ഐടി ഓഹരികള്‍ തുണച്ചു; റെക്കോര്‍ഡ് തിരുത്തി നിഫ്റ്റി, സെന്‍സെക്‌സ് 98 പോയിന്റ് കൂടി

ബോംബെ സൂചിക 98 പോയിന്റ് നേട്ടത്തില്‍ 51,115 എന്ന ഉയര്‍ന്ന നിലയിലാണ് ഇന്ന് ഇടപാടുകള്‍ മതിയാക്കിയത്. വ്യാഴാഴ്ച്ച കൊട്ടാക്ക് മഹീന്ദ്ര ബാങ്ക്, റിലയന്‍സ് ഇന്‍ഡസ്ട്രീസ്, ടിസിഎസ്, ആക്‌സിസ് ബാങ്ക്, സ്റ്റേറ്റ് ബാങ്ക് ഓഫ് ഇന്ത്യ ഓഹരികള്‍ സെന്‍സെക്‌സിനെ മുന്നിലെത്തിച്ചു. എന്നാല്‍ എച്ച്ഡിഎഫ്‌സി, ബജാജ് ഫൈനാന്‍സ്, ഹിന്ദുസ്താന്‍ യുണിലെവര്‍, ഭാരതി എയര്‍ടെല്‍ ഓഹരികളിലെ തകര്‍ച്ച സെന്‍സെക്‌സിന് വിനയായി. ഇന്നത്തെ വ്യാപാരത്തിനിടെ 51,283 പോയിന്റ് വരെയും സൂചിക ചലിച്ചിരുന്നു.

മൊത്തത്തിലുള്ള ചിത്രം പരിശോധിച്ചാല്‍ ശ്രീ സിമന്റ്, എസ്ബിഐ, ബജാജ് ഓട്ടോ, കൊട്ടാക്ക് മഹീന്ദ്ര ബാങ്ക്, ടെക്ക് മഹീന്ദ്ര, അള്‍ട്രാടെക്ക് സിമന്റ്, ആക്‌സിസ് ബാങ്ക്, ടാറ്റ സ്റ്റീല്‍ ഓഹരികളാണ് ലാര്‍ജ് ക്യാപില്‍ തിളങ്ങിയത്. 2 മുതല്‍ 4 ശതമാനം വരെ നേട്ടം ഈ ഓഹരികളില്‍ നിക്ഷേപകര്‍ കണ്ടു. മറുഭാഗത്ത് എച്ച്ഡിഎഫ്‌സി, ബജാജ് ഫൈനാന്‍സ്, ഓഎന്‍ജിസി, ഭാരതി എയര്‍ടെല്‍, ഇന്ത്യന്‍ ഓയില്‍ കോര്‍പ്പറേഷന്‍ ഓഹരികള്‍ ഇരു സൂചികകളിലും താഴോട്ടുപോയി (2.7 ശതമാനം വരെ തകര്‍ച്ച).

ബെഞ്ച്മാര്‍ക്ക് സൂചികകള്‍ക്കൊപ്പമാണ് ഇന്ന് വിശാല വിപണികളും ചുവടുവെച്ചത്. ബിഎസ്ഇ മിഡ്ക്യാപ് 0.54 ശതമാനവും ബിഎസ്ഇ സ്‌മോള്‍ക്യാപ് 0.34 ശതമാനവും വീതം മുന്നേറി. വ്യവസായങ്ങള്‍ അടിസ്ഥാനപ്പെടുത്തിയുള്ള നിഫ്റ്റി വില സൂചികകളില്‍ പൊതുമേഖലാ ബാങ്കാണ് കയ്യടി നേടിയത്. 3 ശതമാനം നേട്ടം സൂചിക കുറിച്ചു. നിഫ്റ്റി ഐടി സൂചിക 1.5 ശതമാനവും ഉണര്‍ന്നു.

 

ഇന്നത്തെ വ്യാപാരത്തിനിടെ വിപ്രോ, ബിര്‍ലാസോഫ്റ്റ്, കോഫോര്‍ഗ്, ഫസ്റ്റ് സോഴ്‌സ് സൊല്യൂഷന്‍സ്, മൈന്‍ഡ്ട്രീ, പേഴ്‌സിസ്റ്റന്റ് സിസ്റ്റംസ്, സൊനാട്ട സോഫ്റ്റ്‌വെയര്‍ ഓഹരികള്‍ റെക്കോര്‍ഡ് ഉയരം തിരുത്തിയിരുന്നു. ടാറ്റ കണ്‍സള്‍ട്ടന്‍സി സര്‍വീസസ് (ടിസിഎസ്), ടെക്ക് മഹീന്ദ്ര, എച്ച്‌സിഎല്‍ ടെക്‌നോളജീസ്, ലാര്‍സന്‍ ആന്‍ഡ് ടൂര്‍ബോ ഓഹരികള്‍ 1 മുതല്‍ 3 ശതമാനം വരെയും നേട്ടം കൊയ്തു.

1 മുതല്‍ 1.5 ശതമാനം വരെ നേട്ടമാണ് നിഫ്റ്റി ബാങ്ക്, സ്വകാര്യ ബാങ്ക്, ലോഹ സൂചികകളില്‍ കണ്ടത്. ഇതേസമയം, നിഫ്റ്റി റിയല്‍റ്റിയും (1 ശതമാനം) നിഫ്റ്റി ഫാര്‍മയും (0.12 ശതമാനം) നഷ്ടത്തില്‍ ദിനം പിന്നിട്ടു.

English summary

Stock Market Close: IT Shares Surge; Nifty Closes At New Record; Sensex Up By 98 Points

Stock Market Close: IT Shares Surge; Nifty Closes At New Record; Sensex Up By 98 Points. Read in Malayalam.
Story first published: Thursday, May 27, 2021, 16:12 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X