വിപണി: സെന്‍സെക്‌സ് 50,441 പോയിന്റില്‍, നിഫ്റ്റി 15,000 നില കൈവിട്ടു

മുംബൈ: തിങ്കളാഴ്ച്ച നേരിയ നേട്ടത്തോടെ വിപണി വ്യാപാരം അവസാനിപ്പിച്ചു. അവസാന മണി മുഴങ്ങുമ്പോള്‍ ബിഎസ്ഇ സെന്‍സെക്‌സ് സൂചിക 35.75 പോയിന്റ് ഉയര്‍ന്ന് 50,441.07 എന്ന നില രേഖപ്പെടുത്തി (0.07 ശതമാനം നേട്ടം). എന്‍എസ്ഇ നിഫ്റ്റി സൂചിക 18.10 പോയിന്റ് കൂടി 14,956.20 എന്ന നിലയിലും ഇടപാടുകള്‍ മതിയാക്കി (0.12 ശതമാനം). ഊര്‍ജ്ജ, വാതക, പെട്രോളിയം മേഖലകളിലെ കമ്പനികളാണ് ഇന്ന് മുന്നേറ്റം നടത്തിയത്. ലോഹ മേഖലയില്‍ നിന്നുള്ള കമ്പനികളും വലിയ നേട്ടത്തില്‍ കാലുറപ്പിച്ചു.

എല്‍ ആന്‍ഡ് ടി (3.54 ശതമാനം), ഓഎന്‍ജിസി (3.22 ശതമാനം), എച്ച്‌സിഎല്‍ ടെക്‌നോളജീസ് (2.12 ശതമാനം), ആക്‌സിസ് ബാങ്ക് (1.80 ശതമാനം), എന്‍ടിപിസി (1.66 ശതമാനം), എസ്ബിഐ (1.62 ശതമാനം), ഇന്‍ഫോസിസ് (1.56 ശതമാനം), മഹീന്ദ്ര ആന്‍ഡ് മഹീന്ദ്ര (0.95 ശതമാനം), ടെക്ക് മഹീന്ദ്ര (0.89 ശതമാനം), റിലയന്‍സ് (0.59 ശതമാനം), നെസ്‌ലെ ഇന്ത്യ (0.57 ശതമാനം), സണ്‍ഫാര്‍മ (0.50 ശതമാനം), ഏഷ്യന്‍ പെയിന്റ്‌സ് (0.01 ശതമാനം) ഓഹരികള്‍ സെന്‍സെക്‌സില്‍ നേട്ടം കൊയ്തവരുടെ പട്ടികയിലുണ്ട്. ഇന്‍ഡസ്ഇന്‍ഡ് ബാങ്കാണ് ഇന്ന് വലിയ ഇടിവ് രേഖപ്പെടുത്തിയത്. ഇന്‍ഡസ്ഇന്‍ഡ് ബാങ്ക് ഓഹരികള്‍ 2.10 ശതമാനം തകര്‍ച്ച കുറിച്ചു.

ബജാജ് ഫൈനാന്‍സ് (-2.01 ശതമാനം), അള്‍ട്രാടെക്ക് സിമന്റ് (-1.81 ശതമാനം), ബജാജ് ഓട്ടോ (-1.47 ശതമാനം), ഹിന്ദുസ്താന്‍ യുണിലെവര്‍ (-1.44 ശതമാനം), ഭാരതി എയര്‍ടെല്‍ (-1.39 ശതമാനം), ടൈറ്റന്‍ (-1.26 ശതമാനം), ബജാജ് ഫിന്‍സെര്‍വ് (-1.21 ശതമാനം), എച്ച്ഡിഎഫ്‌സി (-1.15 ശതമാനം), പവര്‍ ഗ്രിഡ് (-0.54 ശതമാനം), എച്ച്ഡിഎഫ്‌സി ബാങ്ക് (-0.48 ശതമാനം), കൊട്ടാക്ക് മഹീന്ദ്ര ബാങ്ക് (-0.45 ശതമാനം), ഐടിസി (-0.36 ശതമാനം), ഐസിഐസിഐ ബാങ്ക് (-0.08 ശതാനം), ഡോക്ടര്‍ റെഡ്ഢീസ് ലബോറട്ടറീസ് (-0.03 ശതമാനം), മാരുതി സുസുക്കി (-0.02 ശതമാനം) ഓഹരികളും നഷ്ടം നേരിടുന്നവരുടെ പട്ടികയിലുണ്ട്.