അവസാന മണിക്കൂറില്‍ വിപണി മുന്നേറി; സെന്‍സെക്‌സ് 260 പോയിന്റ് ഉയര്‍ന്നു, 14,550 തൊട്ട് നിഫ്റ്റി

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: ദിവസം മുഴുവന്‍ നഷ്ടത്തില്‍ തുടര്‍ന്ന വിപണി അവസാന മണിക്കൂറിലെ മുന്നേറ്റത്തില്‍ നേട്ടത്തില്‍ ചുവടുവെച്ചു. സ്വകാര്യ ബാങ്ക്, ലോഹം, ഫാര്‍മ ഓഹരികളിലെ കുതിപ്പാണ് ഇന്ത്യന്‍ സൂചികകള്‍ക്ക് ഇന്ന് തുണയായത്. അവസാന മണി മുഴങ്ങുമ്പോള്‍ ബിഎസ്ഇ സെന്‍സെക്‌സ് സൂചിക 259 പോയിന്റ് ഉയര്‍ന്ന് 48,803.7 എന്ന നില രേഖപ്പെടുത്തി (0.5 ശതമാനം നേട്ടം). എന്‍എസ്ഇ നിഫ്റ്റി ഫിഫ്റ്റി സൂചിക 76.6 പോയിന്റ് മുന്നേറി 14,581 എന്ന നിലയിലും ഇടപാടുകള്‍ക്ക് തിരശ്ശീലയിട്ടു (0.5 ശതമാനം നേട്ടം).

 

ടിസിഎസ്, എച്ച്ഡിഎഫ്‌സി ബാങ്ക്, ഐസിഐസിഐ ബാങ്ക്, എച്ച്ഡിഎഫ്‌സി, റിലയന്‍സ് ഇന്‍ഡസ്ട്രീസ്, ഓഎന്‍ജിസി, ആക്‌സിസ് ബാങ്ക് ഓഹരികള്‍ വ്യാഴാഴ്ച്ച ഭേദപ്പെട്ട പ്രകടനം പുറത്തെടുത്തു. മേല്‍പ്പറഞ്ഞ ഓഹരികള്‍ 1 മുതല്‍ 4 ശതമാനം വരെ ഇന്ന് നേട്ടം കൊയ്തു. പ്രതിദിന കോവിഡ് കേസുകളുടെ എണ്ണം 2 ലക്ഷം മറികടന്നതോടെ രാവിലെ സെന്‍സെക്‌സ് 48,000 പോയിന്റിലേക്കും നിഫ്റ്റി 14,300 പോയിന്റിലേക്കും കൂപ്പുകുത്തിയിരുന്നു.

അവസാന മണിക്കൂറില്‍ വിപണി മുന്നേറി; സെന്‍സെക്‌സ് 260 പോയിന്റ് ഉയര്‍ന്നു, 14,550 തൊട്ട് നിഫ്റ്റി

ദില്ലിയില്‍ വാരാന്ത്യം പ്രഖ്യാപിച്ചിരിക്കുന്ന കര്‍ഫ്യൂ നിയന്ത്രണങ്ങളും മൊത്ത വില സൂചിക അടിസ്ഥാനമാക്കിയുള്ള പണപ്പെരുപ്പം എട്ടു വര്‍ഷത്തിനിടെയുള്ള ഏറ്റവും ഉയര്‍ന്ന നില രേഖപ്പെടുത്തിയതും നിക്ഷേപകരുടെ ആത്മവിശ്വാസം ഇന്ന് കുറച്ചു. ഇതോടെ വ്യാപകമായ ലാഭമെടുപ്പിലേക്കാണ് നിക്ഷേപകര്‍ തിരിഞ്ഞത്. ഓട്ടോ, പൊതുമേഖലാ ബാങ്ക് ഓഹരികളില്‍ വില്‍പ്പന തകൃതിയായി നടന്നു. നെസ്‌ലെ ഇന്ത്യ, ബ്രിട്ടാണിയ, ഇന്‍ഫോസിസ്, ടെക്ക് മഹീന്ദ്ര പോലുള്ള എഫ്എംസിജി, ഐടി ഓഹരികളിലും കാര്യമായ ലാഭമെടുപ്പ് ദൃശ്യമായി. വ്യവസായങ്ങള്‍ അടിസ്ഥാനപ്പെടുത്തിയുള്ള വില സൂചികകളില്‍ നിഫ്റ്റി ബാങ്ക്, നിഫ്റ്റി ഫാര്‍മ, നിഫ്റ്റി മെറ്റല്‍, നിഫ്റ്റി ഐടി, നിഫ്റ്റി സാമ്പത്തികം, നിഫ്റ്റി സ്വകാര്യ ബാങ്ക് എന്നിവ 1.4 ശതമാനം വരെ മുന്നേറി. മറുഭാഗത്ത് നിഫ്റ്റി ഓട്ടോ, റിയല്‍റ്റി, പൊതുമേഖലാ ബാങ്ക്, എഫ്എംസിജി സൂചികകള്‍ 0.04 മുതല്‍ 1.5 ശതമാനം വരെ ഇടര്‍ച്ച രേഖപ്പെടുത്തി.

വിശാല വിപണികളില്‍ ബിഎസ്ഇ മിഡ്ക്യാപ് 0.1 ശതമാനവും ബിഎസ്ഇ സ്‌മോള്‍ക്യാപ് 0.03 ശതമാനം ഇടര്‍ച്ച നേരിട്ടുണ്ട്. ദിവസവ്യാപാരത്തിനിടെ ഒരു ഘട്ടത്തില്‍ മിഡ്ക്യാപ് 19,641 പോയിന്റ് വരെയും സ്‌മോള്‍ക്യാപ് 20,555 പോയിന്റ് വരെയും താഴോട്ടു പോയിരുന്നു. ആഗോള ചിത്രം പരിശോധിച്ചാല്‍ വ്യാഴാഴ്ച്ച മിക്ക ഏഷ്യന്‍ വിപണികളും നഷ്ടത്തിലാണ് കച്ചവടം മതിയാക്കിയത്. ജപ്പാന് വെളിയിലുള്ള ഏഷ്യാ പസിഫിക് ഓഹരികളുടെ എംഎസ്‌സിഐ സൂചിക 0.1 ശതമാനം ഇടിഞ്ഞു. ന്യൂസിലാന്‍ഡിന്റെ ബെഞ്ച്മാര്‍ക്ക് സൂചിക 0.9 ശതമാനമാണ് നഷ്ടം രേഖപ്പെടുത്തിയത്. ഇതേസമയം, ജപ്പാന്റെ നിക്കെയ് സൂചിക 0.07 ശതമാനം മുന്നേറി. ചൈനീസ് സൂചികയായ സിഎസ്‌ഐ 300 0.9 ശതമാനവും ഹോങ്കോങ്ങിന്റെ ഹാങ് സെങ് സൂചിക 0.8 ശതമാനവും തകര്‍ച്ച നേരിട്ടു.

English summary

Stock Market Close: Sensex Gains 260 Points; Nifty At 14,550 Level

Stock Market Close: Sensex Gains 260 Points; Nifty At 14,550 Level. Read in Malayalam.
Story first published: Thursday, April 15, 2021, 16:19 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X