Click it and Unblock the Notifications
മുംബൈ: ചാഞ്ചാട്ടങ്ങള്ക്കൊടുവില് വിപണി ഇന്ന് നേട്ടത്തില് വ്യാപാരം പൂര്ത്തിയാക്കി. 'കുതിക്കുമ്പോള് വില്ക്കുക, കിതയ്ക്കുമ്പോള് വാങ്ങുക' എന്ന സമീപനമാണ് നിക്ഷേപകര് ചൊവാഴ്ച്ച കൈക്കൊണ്ടത്. ഫലമോ, ഒരു ഘട്ടത്തില് 49,662 പോയിന്റ് വരെ വീണ സെന്സെക്സ് സൂചിക 600 പോയിന്റിലേറെ തിരിച്ചുപിടിച്ച് 50,265 നില വരെയ്ക്കും ചാടിക്കടന്നു. നിഫ്റ്റി ഫിഫ്റ്റി സൂചികയും മോശമാക്കിയില്ല. 14,707 പോയിന്റിലേക്ക് അധഃപതിച്ച നിഫ്റ്റി 14,868 നില വരെയും ഉയരുകയുണ്ടായി.
ഒടുവില് അവസാന മണി മുഴങ്ങുമ്പോള് സെന്സെക്സ് 280 പോയിന്റ് വര്ധിച്ച് 50,051 എന്ന നില രേഖപ്പെടുത്തി (0.56 പോയിന്റ് നേട്ടം). നിഫ്റ്റി 78 പോയിന്റ് ചാടി 14,815 എന്ന നിലയിലും ഇടപാടകള്ക്ക് തിരശ്ശീലയിട്ടു (0.53 ശതമാനം നേട്ടം). അള്ട്രാടെക്ക് സിമന്റാണ് ഇന്ന് കാര്യമായ മുന്നേറ്റം കയ്യടക്കിയത് (2.6 ശതമാനം നേട്ടം). ഇന്ഡസ്ഇന്ഡ് ബാങ്ക്, ടൈറ്റന്, റിലയന്സ് ഇന്ഡസ്ട്രീസ്, ആക്സിസ് ബാങ്ക്, എസ്ബിഐ, എച്ച്ഡിഎഫ്സി ബാങ്ക് ഓഹരികളും ഭേദപ്പെട്ട പ്രകടനം നടത്തി.
നിഫ്റ്റിയില് ശ്രീ സിമന്റ്, അദാനി പോര്ട്സ്, ഡിവിസ് ലാബ്സ്, ടാറ്റ മോട്ടോര്സ്, മാരുതി സുസുക്കി ഓഹരികള് നേട്ടക്കാരുടെ പട്ടികയില് കയറിക്കൂടി. മേല്പ്പറഞ്ഞ ഓഹരികളെല്ലാം 1 ശതമാനം മുതല് 3 ശതമാനം വരെ മുന്നേറ്റം കാഴ്ച്ചവെച്ചിട്ടുണ്ട്. മറുഭാഗത്ത് ഓഎന്ജിസി, ഹിന്ഡാല്കോ, പവര് ഗ്രിഡ്, ഐടിസി, എന്ടിപിസി, എച്ച്ഡിഎഫ്സി, ബിപിസിഎല് ഓഹരികളാണ് കാര്യമായ നഷ്ടം നേരിട്ടത്. ബാങ്ക് ഓഫ് ഇന്ത്യ, അദാനി ഗ്രൂപ്പ്, യൂണിയന് ബാങ്ക് ഓഫ് ഇന്ത്യ, ഐഡിബിഐ ബാങ്ക്, പേജ് ഇന്ഡസ്ട്രീസ്, ഐഡിഎഫ്സി ഫസ്റ്റ് ബാങ്ക്, എസിസി സ്റ്റോക്കുകളുടെ പിന്ബലത്തില് ബിഎസ്ഇ മിഡ്ക്യാപ് സൂചിക 0.95 ശതമാനവും സ്മോള്ക്യാപ് സൂചിക 0.75 ശതമാനവും മുന്നേറുന്നതിന് വിപണി സാക്ഷിയായി.
വ്യവസായങ്ങള് അടിസ്ഥാനപ്പെടുത്തിയുള്ള വില സൂചികകളില് നിഫ്റ്റി പൊതുമേഖലാ ബാങ്ക് സൂചികയാണ് ഇന്ന് തിളങ്ങിയത് (3 ശതമാനം നേട്ടം). മൊറട്ടോറിയം കേസില് സുപ്രീം കോടതി വിധി വന്ന സാഹചര്യത്തില് നിഫ്റ്റി ബാങ്ക്, നിഫ്റ്റി സ്വകാര്യ ബാങ്ക് സൂചികകളും 1.7 ശതമാനം മുന്നേറ്റം കയ്യടക്കി. ഇവര്ക്ക് പുറമെ നിഫ്റ്റി ഓട്ടോ, ഫൈനാന്ഷ്യല് സര്വീസസ്, ഐടി, റിയല്റ്റി സൂചികകളും 1 ശതമാനം വീതം നേട്ടം കൈപ്പിടിയിലാക്കിയിട്ടുണ്ട്. നിഫ്റ്റി എഫ്എംസിജി, നിഫ്റ്റി മെറ്റല് ഓഹരികളില് മാത്രമാണ് ഇന്ന് തകര്ച്ച ദൃശ്യമായത്.
More From GoodReturns
കോടികളുടെ കരാർ പെട്ടിയിൽ, കൊച്ചിൻ ഷിപ്പ്യാർഡ് ഓഹരി കുതിക്കുമോ..? ബ്രോക്കറേജ് വിലയിരുത്തൽ അറിയാം
ബെംഗളൂരു മലയാളികൾ ശ്രദ്ധിക്കണം, വരാനിരിക്കുന്നത് വൻപ്രതിസന്ധികൾ, ഇക്കാര്യങ്ങൾ അറിഞ്ഞില്ലെങ്കിൽ പണി കിട്ടും
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
ബെംഗളൂരു മലയാളികൾക്ക് കോളടിച്ചു, ഇനി കുറഞ്ഞ ചിലവിൽ ഭക്ഷണം കിട്ടും, അതും ഏറ്റവും വേഗത്തിൽ
ബെംഗളൂരു മലയാളികളുടെ ശ്രദ്ധയ്ക്ക്; വന്ദേ ഭാരത് സമയക്രമത്തില് മാറ്റം, വിശദാംശങ്ങള്
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
ബെംഗളൂരുവിലും മുംബൈയിലും ഹോട്ടലുകൾ താൽക്കാലിക അടച്ചുപൂട്ടലിലേക്ക്; മലയാളികളടക്കം ആശങ്കയിൽ
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
എഫ്ഡിയ്ക്ക് കൂട്ടുപലിശ; സ്ഥിര നിക്ഷേപം തിരഞ്ഞെടുക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം
ബെംഗളൂരു നിവാസികൾക്ക് ആശ്വാസം, കാത്തിരുന്ന് കാല് വേദനിക്കില്ല, യെല്ലോ ലൈനിൽ ട്രെയിൻ പെട്ടെന്ന് എത്തും
Sign in with Google