തുടര്‍ച്ചയായി മൂന്നാം ദിനവും വിപണി നഷ്ടത്തില്‍; ബാങ്ക് ഓഹരികളില്‍ തകര്‍ച്ച

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മുംബൈ: തുടര്‍ച്ചയായി മൂന്നാം ദിവസവും വിപണി നഷ്ടത്തില്‍ വ്യാപാരം അവസാനിപ്പിച്ചു. രാജ്യത്ത് വീണ്ടും കോവിഡ് കേസുകള്‍ വര്‍ധിക്കുന്ന സാഹചര്യം നിക്ഷേപകരില്‍ പുതിയ ആശങ്കയുണര്‍ത്തുകയാണ്.

 

അവസാന മണി മുഴങ്ങുമ്പോള്‍ ബിഎസ്ഇ സെന്‍സെക്‌സ് സൂചിക 31 പോയിന്റ് ഇടറി 50,364 നില രേഖപ്പെടുത്തി (0.06 ശതമാനം തകര്‍ച്ച). എന്‍എസ്ഇ നിഫ്റ്റി ഫിഫ്റ്റി സൂചിക 19 പോയിന്റ് നഷ്ടത്തില്‍ 14,910 നിലയിലാണ് ഇടപാടുകള്‍ക്ക് വിരാമമിട്ടത് (0.13 ശതമാനം തകര്‍ച്ച).

തുടര്‍ച്ചയായി മൂന്നാം ദിനവും വിപണി നഷ്ടത്തില്‍; ബാങ്ക് ഓഹരികളില്‍ തകര്‍ച്ച

സെന്‍സെക്‌സിലെ 30 സ്റ്റോക്കുകളില്‍ 14 എണ്ണം മാത്രമേ നേട്ടത്തില്‍ ചുവടുറപ്പിച്ചുള്ളൂ. നിഫ്റ്റിയിലാകട്ടെ 50 സ്റ്റോക്കുകളില്‍ 20 എണ്ണം മാത്രം പച്ചയില്‍ നിലകൊണ്ടു.

ഏഷ്യന്‍ പെയിന്റ്‌സ്, ഡോക്ടര്‍ റെഡ്ഢീസ് ലബോറട്ടറീസ്, ഹിന്ദുസ്താന്‍ യുണിലെവര്‍ ലിമിറ്റഡ്, എച്ച്‌സിഎല്‍ ടെക്‌നോളജീസ്, ഐടിസി, ഭാരതി എയര്‍ടെല്‍, അള്‍ട്രാടെക്ക് സിമന്റ് എന്നീ ഓഹരികളാണ് ഇന്ന് നേട്ടക്കാരുടെ പട്ടികയിലെത്തിയത്.

മറുഭാഗത്ത് സിപ്ല, ടാറ്റ സ്റ്റീല്‍, ഐസിഐസിഐ ബാങ്ക്, എസ്ബിഐ, ബിപിസിഎല്‍, ശ്രീറാം സിമന്റ്, ആക്‌സിസ് ബാങ്ക്, ഡിവിസ് ലാബ്‌സ് ഓഹരികള്‍ കാര്യമായ നഷ്ടം നേരിട്ടു. മിഡ്ക്യാപ്, സ്‌മോള്‍ക്യാപ് സൂചികകള്‍ ഭേദപ്പെട്ട പ്രകടനമാണ് ഇന്ന് കാഴ്ച്ചവെച്ചത്.

ബിഎസ്ഇ മിഡ്ക്യാപും സ്‌മോള്‍ക്യാപും 0.4 ശതമാനം വീതം മുന്നേറി. എംഫസിസ്, ഹിന്ദുസ്താന്‍ എയറോനോട്ടിക്‌സ്, അദാനി പവര്‍, ശ്രീറാം ട്രാന്‍സ്‌പോര്‍ട് ഫൈനാന്‍സ്, എയു സ്‌മോള്‍ ഫൈനാന്‍സ് ബാങ്ക് ഓഹരികള്‍ മിഡ്ക്യാപില്‍ തിളങ്ങി. ഇന്റലക്ട് ഡിസൈന്‍ അറീന, അഷിയാന ഹൗസിങ്, ആസ്ട്രണ്‍ പേപ്പര്‍ ബോര്‍ഡ് മില്‍സ്, സെന്‍സര്‍ ടെക്‌നോളജീസ് ഓഹരികള്‍ സ്‌മോള്‍ക്യാപിലും മുന്നേറി.

വ്യവസായങ്ങളുടെ വില സൂചിക പരിശോധിച്ചാല്‍ നിഫ്റ്റി ബാങ്ക്, നിഫ്റ്റി സ്വകാര്യ ബാങ്ക്, നിഫ്റ്റി പൊതുമേഖലാ ബാങ്ക്, നിഫ്റ്റി ലോഹ സൂചികകള്‍ 1.3 ശതമാനത്തോളം വീണത് കാണാം. ഇതേസമയം നിഫ്റ്റി ഐടിയും നിഫ്റ്റി എഫ്എംസിജിയും ഓരോ ശതമാനം വീതം നേട്ടം കയ്യടക്കി.

തിങ്കളാഴ്ച്ച വാള്‍സ്ട്രീറ്റ് റെക്കോര്‍ഡ് ഉയര്‍ച്ചയില്‍ ഇടപാടുകള്‍ പൂര്‍ത്തിയാക്കിയതിനെ തുടര്‍ന്ന് ഏഷ്യന്‍ വിപണികള്‍ നേട്ടത്തിലാണ് ഇന്ന് വ്യപാരം നടത്തിയത്. യുഎസ് ഫെഡറല്‍ റിസര്‍വ് ബാങ്ക്, ബാങ്ക് ഓഫ് ഇംഗ്ലണ്ട്, ബാങ്ക് ഓഫ് ജപ്പാന്‍ അടങ്ങിയ പ്രമുഖ കേന്ദ്ര ബാങ്കുകള്‍ ഈ ആഴ്ച്ച വായ്പാ നയം പുനഃപരിശോധിക്കുമെന്നത് നിക്ഷേപകരുടെ പ്രതീക്ഷകള്‍ ഉയര്‍ത്തുന്നുണ്ട്.

 

ജപ്പാന് വെളിയിലുള്ള ഏഷ്യാ പസിഫിക് വിപണികള്‍ 0.69 ശതമാനം മുന്നേറ്റാണ് സംയുക്തമായി ഇന്ന് കുറിച്ചത്. ഓസ്‌ട്രേലിയയുടെ എസ് ആന്‍ഡ് പി / എഎസ്എക്‌സ് 200 സൂചിക 1.2 ശതമാനവും ജപ്പാന്റെ നിക്കെയ് 225 സൂചിക 0.5 ശതമാനവും മുന്നേറി. ജപ്പാന്റെ മറ്റൊരു സൂചികയായ ടോപിക്‌സും 0.65 ശതമാനം നേട്ടം രേഖപ്പെടുത്തിയിട്ടുണ്ട്.

Read more about: stock market share market
English summary

Stock Market Close: Sensex, Nifty Ends On Lower End; Bank, Metal Stocks Lag Behind

Stock Market Close: Sensex, Nifty Ends On Lower End; Bank, Metal Stocks Lag Behind. Read in Malayalam.
Story first published: Tuesday, March 16, 2021, 16:35 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X