Click it and Unblock the Notifications
മുംബൈ: തിങ്കളാഴ്ച്ച നേട്ടത്തോടെ ഓഹരി വിപണി ദിനം പൂര്ത്തിയാക്കി. ബിഎസ്ഇ സെന്സെക്സ് സൂചിക 750 പോയിന്റ് ഉയര്ന്ന് 49,850 നിലയില് തിരിച്ചെത്തി (1.5 ശതമാനം). എന്എസ്ഇ നിഫ്റ്റി ഫിഫ്റ്റി സൂചിക 232 പോയിന്റ് മുന്നേറി 14,750 നിലയ്ക്ക് മുകളിലും ഇടപാടുകള് അവസാനിപ്പിച്ചു (1.6 ശതമാനം നേട്ടം).
എച്ച്ഡിഎഫ്സി, എച്ച്ഡിഎഫ്സി ബാങ്ക്, ഐസിഐസിഐ ബാങ്ക്, ഇന്ഫോസിസ്, ഏഷ്യന് പെയിന്റ്സ്, എല് ആന്ഡ് ടി, റിലയന്സ് ഇന്ഡസ്ട്രീസ് ഓഹരികളാണ് സെന്സെക്സിന് കരുത്തു പകര്ന്നത്. സെന്സെക്സിന്റെ നേട്ടത്തില് 366 പോയിന്റും ഇവരുടെ സംഭാവനയാണ്. ശതമാനം അടിസ്ഥാനപ്പെടുത്തിയാല് പവര് ഗ്രിഡ്, ഓഎന്ജിസി, അള്ട്രാടെക്ക് സിമന്റ്, ഏഷ്യന് പെയിന്റ്സ്, ടൈറ്റന് കമ്പനി ഓഹരികള് 3 മുതല് 6 ശതമാനം വരെ നേട്ടം കൊയ്തു. മറുഭാഗത്ത് ടെലികോം ഭീമന്മാരായ ഭാരതി എയര്ടെലിന് വീഴ്ച്ച പറ്റി. എയര്ടെല് ഓഹരികള് 4.5 ശതമാനം വരെ താഴോട്ടു പോയി.
വിപണിയുടെ ചാഞ്ചാട്ടം അളക്കുന്ന വിഞ്ച്ഐഎക്സ് സൂചിക 9 ശതമാനം താഴ്ന്ന് 25.6 നിലയിലേക്ക് തിരിച്ചെത്തിയിട്ടുണ്ട്. വിശാല വിപണികളില് ബിഎസ്ഇ സ്മോള്ക്യാപ് സൂചിക ബെഞ്ച്മാര്ക്ക് സൂചികയെ പിന്നിലാക്കുന്ന പ്രകടനമാണ് നടത്തിയത്. 1.6 ശതമാനം നേട്ടത്തോടെ 20,475 നിലയില് സ്മോള്ക്യാപ് സൂചിക കടന്നെത്തി. ബിഎസ്ഇ മിഡ്ക്യാപ് സൂചിക 1.4 ശതമാനം നേട്ടം കയ്യടക്കി 20,257 നിലയിലും ചുവടുവെച്ചു. വ്യവസായങ്ങളുടെ വില സൂചികയിലും വലിയ മുന്നേറ്റം കാണാം. പൊതുമേഖലാ വ്യവസായം, ഓട്ടോമൊബീല് ഓഹരികളാണ് ഈ നിരയില് തിളങ്ങിയത്. മികവുറ്റ വില്പ്പന കണക്കുകളുടെ പശ്ചാത്തലത്തില് നിഫ്റ്റി ഓട്ടോ സൂചിക 2 ശതമാനത്തിന് മുകളിലാണ് നേട്ടം കൈക്കലാക്കിയത്.
ഫെബ്രുവരിയില് 12 ശതമാനം വില്പ്പന വളര്ച്ച മാരുതി സുസുക്കി രേഖപ്പെടുത്തി. ടാറ്റ മോട്ടോര്സ് 54 ശതമാനം വളര്ച്ചയാണ് വില്പ്പനയില് കാഴ്ച്ചവെച്ചത്. മറ്റൊരു ഇന്ത്യന് നിര്മാതാവായ മഹീന്ദ്ര ആന്ഡ് മഹീന്ദ്ര 11.4 ശതമാനം മുന്നേറ്റം വില്പ്പനയില് കുറിച്ചു. ഇരുചക്ര വാഹനങ്ങളുടെ വില്പ്പനയില് ടിവിഎസ് മോട്ടോര്സ് 18 ശതമാനം വില്പ്പന വളര്ച്ച വരിച്ചിട്ടുണ്ട്. ബജാജ് ഓട്ടോ 6 ശതമാനം വളര്ച്ച രേഖപ്പെടുത്തി. 1.5 ശതമാനം മുന്നേറ്റമാണ് ബജാജ് ഓട്ടോ ഓഹരികള് ഇന്നു കയ്യടക്കിയത്. ടിവിഎസ് മോട്ടോര്സ് ഓഹരികള് 3.5 ശതമാനം മുന്നേറി. നിഫ്റ്റി ഓട്ടോ സൂചികയ്ക്ക് പുറമെ നിഫ്റ്റി ലോഹ സൂചിക 1.8 ശതമാനവും നിഫ്റ്റി ബാങ്ക്, ഫാര്മ, റിയല്റ്റി സൂചികകള് 1 ശതമാനത്തോളവും നേട്ടം കുറിച്ചിട്ടുണ്ട്.
More From GoodReturns
പൊന്നേ, പൊന്നമ്പിളി..! കണക്ക് കൂട്ടലുകൾ തെറ്റിച്ച് സ്വർണം, പവന്റെ വില ഇന്നും താഴേക്ക് വീണു
യുഎസ്-ഇസ്രായേല്-ഇറാന് യുദ്ധം: ഇന്ധനവില ആളിക്കത്തുന്നു, നിങ്ങളുടെ പോക്കറ്റ് കാലിയാകുമോ? -അറിയാം
കോടികളുടെ കരാർ പെട്ടിയിൽ, കൊച്ചിൻ ഷിപ്പ്യാർഡ് ഓഹരി കുതിക്കുമോ..? ബ്രോക്കറേജ് വിലയിരുത്തൽ അറിയാം
പശ്ചിമേഷ്യന് പ്രതിസന്ധി: കയറ്റുമതി മുടങ്ങി, ഗള്ഫ് മലയാളികള് അമിത വിലയ്ക്ക് പച്ചക്കറി വാങ്ങേണ്ടിവരും
ബെംഗളൂരു മലയാളികൾ ശ്രദ്ധിക്കണം, വരാനിരിക്കുന്നത് വൻപ്രതിസന്ധികൾ, ഇക്കാര്യങ്ങൾ അറിഞ്ഞില്ലെങ്കിൽ പണി കിട്ടും
ബെംഗളൂരു മലയാളികൾക്ക് കോളടിച്ചു, ഇനി കുറഞ്ഞ ചിലവിൽ ഭക്ഷണം കിട്ടും, അതും ഏറ്റവും വേഗത്തിൽ
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
ബെംഗളൂരു മലയാളികളുടെ ശ്രദ്ധയ്ക്ക്; വന്ദേ ഭാരത് സമയക്രമത്തില് മാറ്റം, വിശദാംശങ്ങള്
മംഗലാപുരം-രാമേശ്വരം ട്രെയിന്: പാമ്പന്പാലത്തിലൂടെയൊരു അപൂര്വ്വ തീര്ത്ഥയാത്ര, കേരളത്തിലെ സ്റ്റോപ്പുകളിതാ
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
Sign in with Google