ഓഹരി വിപണി റെക്കോ‍‍ർഡ് നേട്ടത്തിൽ ക്ലോസ് ചെയ്തു, എച്ച്ഡിഎഫ്സി മുന്നേറി

ആഭ്യന്തര ഇക്വിറ്റി മാർക്കറ്റ് ബെഞ്ച്മാർക്കുകളായ ബി‌എസ്‌ഇ സെൻ‌സെക്സും എൻഎസ്ഇ നിഫ്റ്റിയും ഇന്ന് റെക്കോ‍ർഡ് നേട്ടത്തിൽ ക്ലോസ് ചെയ്തു. ബി‌എസ്‌ഇ സെൻ‌സെക്സ് 224 പോയിൻറ് ഉയർന്ന് 46,890 ൽ എത്തി. നിഫ്റ്റി 50 58 പോയിൻറ് അഥവാ 0.42 ശതമാനം ഉയർന്ന് 13,740 ൽ അവസാനിച്ചു.

ഹൗസിംഗ് ഡെവലപ്മെന്റ് ഫിനാൻസ് കോർപ്പറേഷൻ (എച്ച്ഡിഎഫ്സി), ബജാജ് ഫിനാൻസ്, എച്ച്ഡിഎഫ്സി ബാങ്ക്, ഇൻഡസ്ഇൻഡ് ബാങ്ക്, പവർ ഗ്രിഡ് കോർപ്പറേഷൻ ഓഫ് ഇന്ത്യ, റിലയൻസ് ഇൻഡസ്ട്രീസ് ലിമിറ്റഡ് (ആർ‌ഐ‌എൽ) എന്നിവയാണ് സെൻസെക്സിൽ ഏറ്റവും കൂടുതൽ നേട്ടമുണ്ടാക്കിയത്.

ഓഹരി വിപണി റെക്കോ‍‍ർഡ് നേട്ടത്തിൽ ക്ലോസ് ചെയ്തു, എച്ച്ഡിഎഫ്സി മുന്നേറി

ഒഎൻജിസി, മാരുതി സുസുക്കി, ടാറ്റാ സ്റ്റീൽ, ഹിന്ദുസ്ഥാൻ യൂണിലിവർ (എച്ച്യുഎൽ), ഭാരതി എയർടെൽ, ഇൻഫോസിസ് എന്നിവ സെൻസെക്സിൽ നഷ്ടം രേഖപ്പെടുത്തി. നിഫ്റ്റി മേഖലാ സൂചികകൾ ഇന്ന് സമ്മിശ്ര പ്രകടനമാണ് കാഴ്ച്ച വച്ചത്. നിഫ്റ്റി പി‌എസ്‌യു ബാങ്ക്, നിഫ്റ്റി മെറ്റൽ സൂചികകൾ യഥാക്രമം 1.4 ശതമാനം, 1.3 ശതമാനം എന്നിങ്ങനെ ഇടിവ് രേഖപ്പെടുത്തി.

എച്ച്ഡി‌എഫ്‌സി ബാങ്കിന്റെ പിന്തുണയോടെ നിഫ്റ്റി ബാങ്ക് ഓഹരികൾ 220 പോയിൻറുകൾ‌ ഉയർ‌ത്തുന്ന് നേട്ടത്തിൽ ക്ലോസ് ചെയ്തു.